06-Jul-2024

ସିନ୍ଧେକେଲା,(ଦୀନେଶ ଜୈନ)  ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ପଂଚାୟତ ଅନ୍ତର୍ଗତ ସାଲେମୁଡଗା ରୁରାଲ ଇଣ୍ଡଷ୍ଟ୍ରିଆଲ ପାର୍କ ନିକଟରେ ଓ ସିନ୍ଧେକେଲା ସାହୁ ଭବନ ଠାରେ ବ୍ଲକ ସ୍ତରୀୟ ୭୫ ତମ ବନ ମହୋତ୍ସବ ପାଳିତ ହୋଇଯାଇଛି। କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ମୁଖ୍ୟ ଅତିଥି ଭାବେ ଯୋଗଦେଇ ଗୋଟିଏ ଗଛ ନିଜ ମାଁ ପାଇଁ ବୋଲି ନିଜ ଅଭିଭାଷଣ ଦେଇଥିଲେ। ଏହି ବନମହୋତ୍ସବ ରେ ସ୍ୱୟଂ ସହାୟକ ଗୋଷ୍ଠୀର ଶତାଧିକ ମହିଳା ଯୋଗଦେଇ ବନମହୋତ୍ସବ ରେ ସାମିଲ୍ ହୋଇ ଗଛ ଲଗାଇଥିଲେ। ସମ୍ମାନୀତ ଅତିଥି ଭାବେ ବଲାଙ୍ଗୀର ଜିଲ୍ଲା ବନଖଣ୍ଡ ଅଧିକାରୀ ସୁଦର୍ଶନ ବେହେରା, ବଙ୍ଗୋମୁଣ୍ଡା ବିଡ଼ିଓ ବାସନ୍ତୀ ସେଠୀ, ବଙ୍ଗୋମୁଣ୍ଡା ବନାଞ୍ଚଳ ଅଧିକାରୀ ପଦ୍ମନାଭ କୁମ୍ଭାର ଯୋଗଦେଇ ଥିଲେ। ସିନ୍ଧେକେଲା ବନପାଲ ଅଶୋକ କୁମାର ସେଠ, ବଙ୍ଗୋମୁଣ୍ଡା ବନପାଲ ଶ୍ୟାମସୁନ୍ଦର ସାହୁ , ମହଖଣ୍ଡ ବନପାଲ  ଦିବସ ମାଝୀ , ପଣ୍ଡରେନ ବନପାଲ ନବକିଶୋର ଦାସ , ସିନ୍ଧେକେଲା ଫରେଷ୍ଟ ଗାର୍ଡ ହିମାଂଶୁ ପଣ୍ଡା , ବଙ୍ଗୋମୁଣ୍ଡା ବ୍ଲକ ସାମ୍ବାଦିକ ସଂଘ ଉପ ସଭାପତି ଅନିଲ କୁମାର ତ୍ରିପାଠୀ ପ୍ରମୁଖ ସହଯୋଗ କରିଥିଲେ । ଅନ୍ୟ ମାନଙ୍କ ମଧ୍ୟରେ ସିନ୍ଧେକେଲା ଜୋନ ଜିଲ୍ଲା ପରିଷଦ ସଦସ୍ୟ ଦାମୁ ସୁନା , ସିନ୍ଧେକେଲା ବିଜେପି ମଣ୍ଡଳ ସଭାପତି ମୁନୀରାମ ନାଗ , ସମ୍ପାଦକ କହ୍ନେୟା ଜୈନ , ବଙ୍ଗୋମୁଣ୍ଡା ମଣ୍ଡଳ ସଭାପତି ନରସିଂହ ଥନାପତୀ , ଯୁବମୋର୍ଚା ସଭାପତି ନୌରାଜ ରଣା , ହେମନ୍ତ ସାହୁ, ରୋହିତ ସାହୁ, ପର୍ମା ସାହୁ , ଜୟନ୍ତ ଖମାରୀ , ଜଗନ୍ନାଥ ବେହେରା, ପପୁ ସାହୁ , ବାବୁ ଲାଲ ସାହୁ , ମାରୱାଡି ଯୁବାମଞ୍ଚ ସଭାପତି ଅମିତ ଜୈନ ଙ୍କ ସହ ସିନ୍ଧେକେଲା ଅଞ୍ଚଳର ବହୁ ବିଜେପି କର୍ମୀ ଉପସ୍ଥିତ ରହିଥିଲେ। ମୁଖ୍ୟ ଅତିଥି ବିଧାୟକ ଶ୍ରୀ ବାଗ ଚାରା ରୋପଣର ଶୁଭାରମ୍ଭ କରିଥିଲେ। ୨ ହଜାର ଚାରା ରୋପଣର ଶୁଭାରମ୍ଭ ହୋଇଛି ।