05-Jul-2024

ବଲାଙ୍ଗୀର ତା. ୦୫/୦୭ ( ପ୍ରେରଣା ଖବର ) :   ସଇଁତଲା ବ୍ଲକ ଅନ୍ତର୍ଗତ ଡେଙ୍ଗ  ଉନ୍ନୀତ ଉଚ୍ଚ ବିଦ୍ୟାଳୟର  ଅମରାବତୀ ଇକୋ କ୍ଲବ ଓ ୟୁନିଅର ରେଡ଼କ୍ରସ ତରଫରୁ ବନ ମହୋତ୍ସବ ପାଳିତ ହୋଇ ଯାଇଛି l  ବିଦ୍ୟାଳୟର ପ୍ରଧାନ ଶିକ୍ଷକ ଚଣ୍ଡାଳ ମିଶ୍ରଙ୍କ ତତ୍ତ୍ବାବଧାନରେ  ବିଦ୍ୟାଳୟ ପରିସରରେ ଏକ ସଭା ଅନୁଷ୍ଠିତ ହୋଇଥିଲା ।  କାର୍ଯ୍ୟକ୍ରମରେ ପ୍ରକୃତି ପ୍ରେମି ତଥା ରେଡ଼କ୍ରସ କର୍ମୀ ବୌଦ ଜିଲ୍ଲା କଣ୍ଟାମାଲ ହାଇସ୍କୁଲର ଶିକ୍ଷକ ବନମାଳୀ ମେହେର ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l ଗଛ ଆମର ଜୀବନ୍ତ ଦେବତା, ଗଛ  ଜନ ଓ ଜଙ୍ଗଳରେ ଜୀବନ ସଂଚାରଣ କରିଥାଏ  ଓ ଉତ୍ତମ ପରିବେଶ ଯୋଗଇଥାଏ ,ବୃକ୍ଷର ମହାନ ଗୁଣ ଉପସ୍ଥିତ ଥିବା ବୁଦ୍ଧିଜୀବୀ ଗଣ ମତ ପ୍ରକାଶ କରିଥିଲେ ।

ପରେ ନୂତନ ବିଦ୍ୟାଳୟର ନିର୍ମିତ ନିକଟରେ ବୃକ୍ଷ ରୋପଣ କରାଯାଇଥିଲା । ଗଛର ଉପଯୁକ୍ତ ଯତ୍ନ ନେବେ ବୋଲି ଛାତ୍ରଛାତ୍ରୀ ଶପଥ ପାଠ କରିଥିଲେ । ଜୁଲାଇ ୧ ତାରିଖରୁ ଆରମ୍ଭ ହୋଇଥିବା କାର୍ଯ୍ୟକ୍ରମରେ ବିଭିନ୍ନ ଦିନରେ ବିଭିନ୍ନ ପ୍ରକାର ପ୍ରତିଯୋଗିତା, ଆଲୋଚନା ଚକ୍ର, ସେମିନାର ଆଦି ଅନୁଷ୍ଠିତ ହୋଇଥିଲା । ବିଦ୍ୟାଳୟର ଶିକ୍ଷକ କୃପା ସିନ୍ଧୁ ମିଶ୍ର, ସୁଦର୍ଶନ ଦାଶ, ସମୀର ସେଠି,  ଦୀପକ ସେନ ଧରୁଆ, ଲିଙ୍ଗରାଜ ନନ୍ଦ, ହିମାଂଶୁ ଶେଖର ବିଶ୍ୱାଳ, ଶିକ୍ଷୟତ୍ରୀ ରେଣୁକା ସାହୁ, ଗାୟତ୍ରୀ ବାରିକ, ଶିବାନୀ ମଲ୍ଲିକ, ତପସ୍ୱିନୀ ପଟେଲ, କାନ୍ତି ଭୋଇ, ଦ୍ରୋପଦୀ ଭୋଇ ଆଦି ଉପସ୍ଥିତ ଥିଲେ l କାର୍ଯ୍ୟକୁ ଜୁନିୟର ଆସିଷ୍ଟେନ ଅଭିନାଶ ଭୋଇ କରୁଥିବାବେଳେ  ଜୁନିଅର ରେଡ଼କ୍ରସ  କାଉନସେଲର ରାମ ନାରାୟଣ ଦାଶ ଧନ୍ୟବାଦ ଅର୍ପଣ କଲେ l