03-Jul-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): ନବ ନିର୍ବାଚିତ କଣ୍ଟାମାଳ ବିଧାୟକ ଶ୍ରୀଯୁକ୍ତ କହ୍ନେଇ ଚରଣ ଡାଙ୍ଗ ଆଜି ପ୍ରଥମକରି କଣ୍ଟାମାଳ ବ୍ଲକକୁ ଯାଇ ବିଭିନ୍ନ ଉନ୍ନୟନ ପ୍ରକଳ୍ପର ସମୀକ୍ଷା କରିବା ସହ ଲୋକମାନଙ୍କୁ ତ୍ୱରିତ ସେବା ଯୋଗାଇବା ସହ କାର୍ଯ୍ୟରେ ସ୍ୱଚ୍ଛତା ଅବଲମ୍ବନ ପାଇଁ ବିଡ଼ିଓଙ୍କୁ କଡ୍ଡା ନିର୍ଦ୍ଦେଶ ଦେଇଥିଲେ  l  ବୌଦ୍ଧ ଜିଲ୍ଲା କଣ୍ଟାମାଳ ପଞ୍ଚାୟତ ସମିତି ସଭାଗୃହରେ ବୁଧବାର ଏକ ସମୀକ୍ଷା ବୈଠକ ସମିତି ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି  l   ଏଥିରେ କଣ୍ଟାମାଳ ନବନିର୍ବାଚିତ ବିଧାୟକ ଶ୍ରୀଯୁକ୍ତ କହ୍ନେଇ ଚରଣ ଡାଙ୍ଗ ଯୋଗଦେଇଥିବାବେଳେ ବିଡ଼ିଓ ସାମି ଜୟଶ୍ରୀ ରେଡ୍ଡୀ ସଭା ପରିଚାଳନା କରିଥିଲେ   l  ସଭା ଆରମ୍ଭରେ ବ୍ଲକର ସମସ୍ତ କର୍ମଚାରୀ ଓ ଅଧିକାରୀ ନିଜ ନିଜ ପରିଚୟ ପ୍ରଦାନ କରିଥିଲେ  l   ବର୍ତ୍ତମାନ ସୁଦ୍ଧା କେଉଁ କେଉଁ ବିଭାଗରେ କେତେ କେତେ କାର୍ଯ୍ୟ ଅସମ୍ପୂର୍ଣ୍ଣ ରହିଛି, କେତେ କାର୍ଯ୍ୟ କାର୍ଯ୍ୟାଦେଶ ପରେ ମଧ୍ୟ କାର୍ଯ୍ୟାରମ୍ଭ ହୋଇନାହିଁ ଓ କେତେ କାର୍ଯ୍ୟ ସମ୍ପୂର୍ଣ୍ଣ ହୋଇଛି ସେ ସମ୍ପର୍କରେ ବିଧାୟକ ଶ୍ରୀ ଡାଙ୍ଗ ପୁଙ୍ଖାନୁପୁଙ୍ଖ ସମୀକ୍ଷା କରିଥିଲେ  l   ଅସମ୍ପୂର୍ଣ୍ଣ କାର୍ଯ୍ୟ ଗୁଡିକୁ ଶୀଘ୍ର ସମ୍ପୂର୍ଣ୍ଣ ପାଇଁ ନିର୍ଦେଶ ଦେଇଥିଲେ  l   ସେହିପରି ଗରିବ ଖଟିଖିଆ, ମୁଲିଆ, ଚାଷୀ ମାନଙ୍କ ମୌଳିକ ସମସ୍ୟା ଉପରେ ଆଲୋଚନା କରିଥିଲେ  l  ଗରିବ ଖଟିଖିଆ ଲୋମାନଙ୍କ ନିମନ୍ତେ ଉଦ୍ଦିଷ୍ଟ ଆବାସ ଯୋଜନା ଓ ଭତ୍ତା ପ୍ରଦାନରେ ସ୍ୱଚ୍ଚତା ଅବଲମ୍ବନ କରିବା ସହ ଯଥା ସମୟରେ ଏବଂ ବିନା ଖର୍ଚ୍ଚାରେ ଯୋଗାଇ ଦେବା ନିମନ୍ତେ ବିଡ଼ିଓ ଓ କର୍ମଚାରୀ ମାନଙ୍କୁ

ବିଧାୟକ ଶ୍ରୀ ଡାଙ୍ଗ ତାଗିଦ କରିଥିଲେ   l   ଅନ୍ୟ ମାନଙ୍କ ମଧ୍ୟରେ ଜିଲ୍ଲାପରିଷଦ ପ୍ରତିନିଧି ଅନିଲ କୁମାର ପ୍ରଧାନ, ଖଲିଆପାଲି ସମିତିସଭ୍ୟ କେଦାରନାଥ ସାହୁ,ବରଗାଁ ସରପଞ୍ଚ ପିନାକଧର ରଣା ସମେତ ବ୍ଲକ ସହକାରୀ ନିର୍ବାହୀ ଯନ୍ତ୍ରୀ, ଜଳ ଓ ପରିମଳ ବିଭାଗର ସହକାରୀ ଯନ୍ତ୍ରୀ,ବରିଷ୍ଠ କିରାଣୀ, ଏପିଈଓ,କୋଷାଧ୍ୟକ୍ଷ୍ୟ, ଡିଇଓ,ସମସ୍ତ କନିଷ୍ଠ ଯନ୍ତ୍ରୀ, ପଞ୍ଚାୟତ ନିର୍ବାହୀ ଅଧିକାରୀ, ଗ୍ରାମ ରୋଜଗାର ସେବକ ସମେତ ବ୍ଲକର ସମସ୍ତ କର୍ମଚାରୀ ଓ ଅଧିକାରୀ ଉପସ୍ଥିତ ଥିଲେ   l