28-Jun-2024

ଭୁବନେଶ୍ବର (ବିଶ୍ୱରଞ୍ଜନ ବିଶ୍ଵାଳଙ୍କ ରିପୋର୍ଟ): ଆକ୍ସନ ମୋଡ୍‌କୁ ଆସିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।ବିରୋଧୀ ଦଳର ମୁଖ୍ୟ ହିସାବରେ ଦାୟିତ୍ଵ ଗ୍ରହଣ କରିଛନ୍ତି ନବୀନ। ସମ୍ପୁର୍ଣ୍ଣ ରୁପେ ଫିଟ୍ ଓ ଆକ୍ଟିଭ ନବୀନ ପଟ୍ଟନାୟକ ବିଧାନସଭା ଅଧିବେଶନରେ ଦେଖାଇଛନ୍ତି ନିଜ ରାଜନୈତିକ ପରାକାଷ୍ଠା। । ଓଡ଼ିଶାରେ ଦୀର୍ଘ ୨୪ ବର୍ଷର ବିଜେଡି ଶାସନର ବିଲୟ ଘଟିଛି । ଏହି ଫଳାଫଳ ପ୍ରକାଶ ପରେ ଏକ ରକମ୍ ନିରାଶ ହୋଇ ପଡ଼ିଥିଲେ ନବୀନ ବାବୁଙ୍କ ପ୍ରଶଂସକ। କିନ୍ତୁ ସମୟ ସହ ଏହି ପରିସ୍ଥିତିରେ ମଧ୍ୟ ପରିବର୍ତ୍ତନ ଘଟିଛି । ନବୀନ ବାବୁଙ୍କ ନୂଆ ଅବତାର ତାଙ୍କ ଫ୍ୟାନ୍ସଙ୍କ ମନରେ ଏକ ନୂତନ ଉଦ୍ଦିପନା ସୃଷ୍ଟି କରିଛି ।
କିଛି ଦିନର ନିରବତା ପରେ ପୁଣି ଆକ୍ସନ ମୋଡ୍‌କୁ ଆସିଛନ୍ତି ପୂର୍ବତନ ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ। ବିରୋଧୀ ଦଳର ମୁଖ୍ୟ ହିସାବ ରେ ଦାୟିତ୍ଵ ଗ୍ରହଣ କରିଛନ୍ତି ନବୀନ । ସମ୍ପୁର୍ଣ୍ଣ ରୁପେ ଫିଟ୍ ଓ ଆକ୍ଟିଭ ନବୀନ ପଟ୍ଟନାୟକ ବିଧାନସଭା ଅଧିବେଶନରେ ଦେଖାଇଛନ୍ତି ନିଜ ରାଜନୈତିକ ପରାକାଷ୍ଠା।  ଗ୍ରହଣ କରିଛନ୍ତି ଏକ ସ୍ପଷ୍ଟ ଆଭିମୁଖ୍ୟ। ନିଜର ଦୃଢ଼ ନେତୃତ୍ୱରେ ବିଜେଡିକୁ ଦେଖାଇଛନ୍ତି ଏକ ନୂତନ ଆଶାର ଆଲୋକ ।
ନିର୍ବାଚନ ପରେ ନବୀନଙ୍କ ଏହି ପରିବର୍ତ୍ତିତ କାୟାକଳ୍ପ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛି । ସେ ସମସ୍ତ 

ରାଜନୈତିକ କାର୍ଯ୍ୟକଳାପରେ ସିଧାସଳଖ ଯୋଗଦାନ କରୁଛନ୍ତି । ଅଧିବେଶନରେ ଭାଷଣ ଦେବା କଥା ହେଉ ଅବା ବାଚସ୍ପତିଙ୍କୁ ପାଛୋଟି ନେବା କଥା ସବୁ ସ୍ଥଳରେ ନବୀନଙ୍କୁ ଆଗଧାଡ଼ିରେ ଦେଖିବାକୁ ମିଳିଛି । ଯାହାକି ନବୀନଙ୍କ ଅନୁଗତଙ୍କ ମଧ୍ୟରେ ଏକ ଖୁସିର ଲହରୀ ସୃଷ୍ଟି କରିଛି  । ଏହାକୁ ନେଇ ଯୁବଗୋଷ୍ଠୀ ମତ ଦେଇଛନ୍ତି ଯେ ପୁଣି ଫେରିଛନ୍ତି ଓଡ଼ିଶାର ଟାଇଗର ଏବଂ ଯଦି ବିଜେପି ଶାସକ ସାମାନ୍ୟତମ ଭୁଲ କରନ୍ତି ତେବେ ତାଙ୍କର ଦୃଢ଼ ମୁକାବିଲା କରି ସେ ପୁଣି ଥରେ ନିଜର ଆସନ ଛଡାଇ ନେବେ ।