22-Jun-2024

ସିନ୍ଧେକେଲା(ଦୀନେଶ ଜୈନ)- ପଶ୍ଚିମ ଓଡିଶାର ସିନ୍ଧେକେଲା ରେ ତେରାପଂଥ ସଭାର ଆଗାମୀ ୨୦୨୪-୨୬ ପାଇଁ ନୂତନ କାର୍ଯ୍ୟକାରିଣୀ କମିଟି ଗଠନ ହେଲା ପରେ ସମସ୍ତେ କଣ୍ଟାବାଞ୍ଜି ତେରାପଂଥ ଭବନରେ ବିରାଜିତ ଆଚାର୍ଯ୍ୟଶ୍ରୀ ମହାଶ୍ରମଣ ଜୀଙ୍କ ସୁଶୀଷ୍ୟା ସମଣି ନିର୍ଦେଶୀକା ଜିନ ପ୍ରଜ୍ଞା ଓ ସମଣି କ୍ଷ୍ୟାନ୍ତି ପ୍ରଜ୍ଞା ଙ୍କ ଚରଣରେ ପହଞ୍ଚି ଦର୍ଶନ ସେବାର ଲାଭ ନେବା ସହିତ ତାଙ୍କ ସାନ୍ନିଧ୍ୟରେ ଶପଥ ଗ୍ରହଣ କରିଥିଲେ । ସର୍ବସମ୍ମତି କ୍ରମେ ଚୟନ ହୋଇଥିବା ସିନ୍ଧେକେଲର ନୂତନ ଅଧ୍ୟକ୍ଷ ରାମ ଅବତାର ଜୈନ ଓ ତାଙ୍କ ଦ୍ୱାରା ଗଠିତ କାର୍ଯ୍ୟକାରିଣୀ  କମିଟିର ସମ୍ପାଦକ ଅନିଲ ଜୈନ , କୋଷାଧ୍ୟକ୍ଷ ନବୀନ ଜୈନ , ଉପାଧ୍ୟକ୍ଷ କମଳ କିଶୋର ଜୈନ , ସହ ସମ୍ପାଦକ ସୁଶୀଲ ଜୈନ , ବିମଲ ଜୈନ , ସଂଗଠନ ସମ୍ପାଦକ ରାଜେଶ ଜୈନ , ମିଡିଆ ପ୍ରଭାରୀ ଦିନେଶ ଜୈନ , ଉପଦେଷ୍ଟା ଫୁଲଚନ୍ଦ ଜୈନ , ସୁନିଲ ଜୈନ , ସୁଦର୍ଶନ ଜୈନ ପ୍ରମୁଖଙ୍କୁ ମହାସଭା ଆଞ୍ଚଳିକ ପ୍ରଭାରୀ ଛତ୍ରପାଳ ଜୈନ ପଦ ଓ ଗୋପନୀୟତାର ଶପଥ ପାଠ କରାଇଥିଲେ । ଏହି ଅବସରରେ ସିନ୍ଧେକେଲା ତେରାପଂଥ ସଭାର ପୂର୍ବତନ ସମ୍ପାଦକ ନବୀନ ଜୈନ ସମେତ କଣ୍ଟାବାଞ୍ଜି ତେରାପଂଥ ସଭାର ଅଧ୍ୟକ୍ଷ ଯୁବରାଜ ଜୈନ , ସମ୍ପାଦକ ସୁମିତ ଜୈନ ପ୍ରମୁଖ ଉପସ୍ଥିତ ଥିଲେ । ଶପଥ ପାଠ ପରେ  ସମଣି ଜିନ ପ୍ରଜ୍ଞା କାର୍ଯ୍ୟକାରିଣୀ କମିଟିର ସମସ୍ତଙ୍କୁ ନିଜର ପଦର ଗରିମା ରଖିବା , ଧର୍ମସଙ୍ଘ ପ୍ରତି ସର୍ବଦା ସକ୍ରିୟ ରହିବା , ସପ୍ତାହକୁ ଥରେ ଶନିବାର ଦିନ ଭବନ ରେ ସାମୁହିକ ଭାବେ ସାମୟିକ କରିବା ସହ ନଶାମୁକ୍ତ ରହିବା ପାଇଁ ପରାମର୍ଶ ଦେଇଥିଲେ ଓ ଶେଷରେ ସମସ୍ତଙ୍କୁ ମଙ୍ଗଳପାଠ ଶୁଣାଇଥିଲେ ।