21-Jun-2024

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ଜିଲ୍ଲାପାଳଙ୍କ ସମ୍ମିଳନୀ କକ୍ଷ ରେ ଜିଲ୍ଲା ସଡକ ସୁରକ୍ଷା ସମିତି ଆଲୋଚନା ସଭା ଅତିରିକ୍ତ ଜିଲ୍ଲାପାଳ ଶ୍ରୀମତୀ ଅଞ୍ଜଳିନା ପ୍ରଧାନ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଥିଲା l ବୈଠକରେ ଅଧିକ୍ଷଣ ଯନ୍ତ୍ରୀ ପି ଡବ୍ଲୁ ଡି ଇଂ ଦାମୋଦର କୈବର୍ତ୍ତ,ଆଞ୍ଚଳିକ ପରିବହନ ଅଧିକାରୀ ଶ୍ରୀ ଅକ୍ଷୟ କୁମାର ଜେନା, ସମ୍ପୃକ୍ତ ବିଭିନ୍ନ ଜିଲ୍ଲା ସ୍ତରୀୟ ଅଧିକାରୀ ଙ୍କ ସମେତ କମିଟିର ସଦସ୍ୟ ସଦସ୍ୟା ପ୍ରମୁଖ ଉପସ୍ଥିତ ଥିଲେ । ଅତିରିକ୍ତ ଜିଲ୍ଲାପାଳ ଶ୍ରୀମତୀ ଅଞ୍ଜଳିନା ପ୍ରଧାନ ସମସ୍ତ ଅଧିକାରୀ ମାନଙ୍କୁ ଜିଲ୍ଲାର ଦୁର୍ଘଟଣା ଜନିତ ମୃତ୍ୟୁ ହାର କୁ ହ୍ରାସ କରିବା ନିମନ୍ତେ ସମସ୍ତେ ସଚେତନ ହୋଇ କାର୍ଯ୍ୟ କରିବା ପାଇଁ ନିର୍ଦେଶ ଦେଇଥିଲେ । ଏନ.ଏଚ ବିଭାଗ, ପୀଡବ୍ଲୁଡି ବିଭାଗ ତଥା ଆର ଡି ଅଧୀନରେ ଥିବା ରାସ୍ତା ଉପରେ  ରାସ୍ତା ସୂଚନା ଫଳକ ଆବଶ୍ୟକ ସ୍ଥଳେ ରେଡିଅମ୍ ରିଫ୍ଲେକ୍ଟର ଲଗାଇବା ଉପରେ ତୁରନ୍ତ ପଦକ୍ଷେପ ନେଇ କାର୍ଯ୍ୟକାରିତା ର ତଥ୍ୟ ପରିବହନ ବିଭାଗ କୁ ପ୍ରେରଣ କରିବାକୁ ନିର୍ଦେଶ ଦେଇଛନ୍ତି l ସେହିପରି ସହରର ଏନ ଏଚ ଅଧିନସ୍ଥ ରାସ୍ତାର ମୁଖ୍ୟ ଛକ ମାନଙ୍କରେ ରମ୍ବଳର ପାଇଁ ଜାତୀୟ ରାଜପଥ ନିର୍ବାହୀ ଯନ୍ତ୍ରୀ , ବଲାଙ୍ଗୀର ଙ୍କୁ ନିର୍ଦେଶ ଦେଇଛନ୍ତି l ସହରର ବୁଢ଼ାରଜା ଛକ ଓ ବ୍ଲକ ଛକ ରେ ଟ୍ରାଫିକ ବ୍ୟବସ୍ଥା ସହ ଟ୍ରାଫିକ ଉନ୍ନତି କରଣ ର ବ୍ୟବସ୍ଥା ପାଇଁ ଆର୍ ଆଣ୍ଡ ବି ର ନିର୍ବାହୀ ଯନ୍ତ୍ରୀଙ୍କୁ ତଥା ବ୍ଲକ ଛକ ରୁ କୁଞ୍ଜ ଛକ ପର୍ଯ୍ୟନ୍ତ ରାସ୍ତା ରେ ଆଲୋକି କରଣ ନିମନ୍ତେ ପଦକ୍ଷେପ ନେବା ପାଇଁ ଇ.ଓ ମୁନିସିପାଲଟି ଙ୍କୁ ନିର୍ଦେଶ ଦେଇଥିଲେ। ଗତ ବୈଠକ ର ଆଲୋଚନା ମତେ ରୋଡ ସେଫ୍ଟି କମିଟି ବୈଠକର ଦିଶା ନିର୍ଦେଶ ଅନୁଯାୟୀ ରାଜ୍ୟ ରାଜପଥ କୁ ଲାଗି ଥିବା ବିଦ୍ୟାଳୟ ମାନଙ୍କୁ ସଡ଼କ ସୁରକ୍ଷା ବାବଦ ରେ ଅବଗତ କରିବା ସହ ସୁରକ୍ଷା ସାଇନେଜ ବୋର୍ଡ ଲଗାଇବା ସହ ସଂଲଗ୍ନ ସ୍କୁଲ ମୁଖ୍ୟ ରାସ୍ତା କୁ ହଟାଇ ନିରାପଦ ରାସ୍ତା ପାଇଁ ପଦକ୍ଷେପ ନେବାକୁ ନିର୍ଦେଶ କରାଯାଇଥିଲା, ସେହି ପରିପ୍ରେକ୍ଷୀରେ ସମ୍ପୃକ୍ତ ବିଭାଗ ମାନେ ଆବଶ୍ୟକ ତଥ୍ୟ ତୁରନ୍ତ ପ୍ରଦାନ ସହ କାର୍ଯ୍ୟକାରିତା ଉପରେ ବୈଠକରେ ଗୁରୁତ୍ୱାରୋପ କରାଯାଇଛି ।  ବ୍ଲକ୍ ଛକ ରୁ ଆମ୍ବେଦକର ଛକ ପର୍ଯ୍ୟନ୍ତ ହେବାକୁ ଥିବା ରାସ୍ତା ପ୍ରଶସ୍ତି କରଣ କାର୍ଯ୍ୟକ୍ରମ କୁ ତ୍ଵରାନିତ କରିବା ଉପରେ ଗୁରୁତ୍ୱାରୋପ କରାଯାଇଛି । ଏବେ ନୂତନ ହସ୍ପିଟାଲ ଆରମ୍ଭ ହୋଇଥିବାରୁ ବୁଢ଼ାରଜା ଛକ ସଂଲଗ୍ନ ଉଠା ଦୋକାନ ତତ୍ ସଙ୍ଗେ ସଙ୍ଗେ ସହର ର ପ୍ରମୁଖ ଛକ ରେ ଗଢି ଉଠିଥିବା ବେଆଇନ୍ ଜବର୍ ଦଖଲ କରୀଙ୍କୁ ଟ୍ରାଫିକ ସମସ୍ୟା ଦୂରୀକରଣ ପାଇଁ ଅତିଶିଘ୍ର ହଟେଇବା ପାଇଁ ବୈଠକରେ ଗୁରୁତ୍ୱାରୋପ କରାଯାଇଛି l କାର୍ଯ୍ୟକ୍ରମ କୁ ଅଧିକ ଲୋକାଭିମୁଖୀ କରିବା ତଥା ଛାତ୍ର ଛାତ୍ରୀ ଙ୍କୁ ସଡ଼କ ସୁରକ୍ଷା ବିଷୟରେ ଅଧିକ ସଚେତନ କରିବା ପାଇଁ ବିଦ୍ୟାଳୟ ଓ ମହା ବିଦ୍ୟାଳୟ ଗୁଡ଼ିକ ର ପ୍ରଧାନ ଶିକ୍ଷକ, ଅଧ୍ୟକ୍ଷ ଅଧ୍ୟକ୍ଷା ଙ୍କୁ ନେଇ ଏକ ସଚେତନତା ବୈଠକ କରିବା ଉପରେ ପରିବହନ ଅଧିକାରୀ ଓ ଜିଲ୍ଲା ଶିକ୍ଷା ଅଧିକାରୀ ମିଳିତ ଭାବେ ପଦକ୍ଷେପ ନେବାଙ୍କୁ ନିର୍ଦ୍ଦେଶ ଦିଆଯାଇଛି। ପୁନଶ୍ଚ ସହର ତଥା ଜିଲ୍ଲା ସ୍ଥିତ ବିଭିନ୍ନ ସମ୍ବେଦନଶୀଳ ଛକ ଗୁଡିକରେ ସ୍ପିଡ଼ ବ୍ରେକର ଲଗାଇବା ଉପରେ ପଦକ୍ଷେପ ନେବାକୁ ପରିବହନ ଅଧିକାରୀଙ୍କୁ ନିର୍ଦେଶ ଦେଇଛନ୍ତି ଅଧ୍ୟକ୍ଷା l ପରି ଶେଷରେ ହେଲମେଟ ପରିଧାନ ନକରି ଗାଡି ନ ଚଲେଇବା ପାଇଁ ପରିବହନ ବିଭାଗ ଓ ପୋଲିସ ବିଭାଗ ର ଅଧିକାରୀଙ୍କୁ ଏ ଦିଗରେ କଠୋର ପଦକ୍ଷେପ ଗ୍ରହଣ କରିବା ସହ କଡ଼ା କଡ଼ି ଚେକିଙ୍ଗ କରିବା ଉପରେ ବୈଠକରେ ଆଲୋଚନା କରାଯାଇଛି । ବୈଠକରେ  ଗୁଡ଼ ସାମରିଟନ ପଲିସି ଅଧୀନରେ ଜିଲ୍ଲାର ୧୪ ଜଣ ସ୍ଥାନିତ ହୋଇଥିବା ବେଳେ ଆଜି ସେମାନଙ୍କ ମଧ୍ୟରୁ ଉପସ୍ଥିତ ୦୯ଜଣ ଙ୍କୁ  ଦୁର୍ଘଟଣାରେ ଆହତଙ୍କୁ ତୁରନ୍ତ ଚିକିତ୍ସା ସୁବିଧା ପାଇଁ ପଦକ୍ଷେପ ନେଇ ଜୀବନ ବଞ୍ଚାଇ ଥିବାରୁ ପ୍ରତ୍ୟେକ ଙ୍କୁ  ଟ.୨୦୦୦/- ଲେଖାଏଁ ଅର୍ଥରାଶି ସହ ପ୍ରମାଣ ପତ୍ର ପ୍ରଦାନ କରାଯାଇଛି l

-  ଜନ ଜୀବନ ସୁରକ୍ଷା ଦୃଷ୍ଟିରୁ ଗହଳିପୂର୍ଣ୍ଣ ଛକ ଓ ରାସ୍ତାରୁ ଜବର ଦଖଲ କୁ ହଟାଇବା ଉପରେ ଗୁରୁତ୍ୱାରୋପ- 

•  ଗୁଡ଼ ସାମରିଟନ ପଲିସି ଅଧୀନରେ ଜିଲ୍ଲାର ବିଭିନ୍ନ ୧୪ ଜଣଙ୍କ ମଧ୍ୟରୁ ଉପସ୍ଥିତ ୦୯ ଜଣଙ୍କୁ  ଟ.୨୦୦୦/- ଲେଖାଏଁ ଅର୍ଥରାଶି ସହ ପ୍ରମାଣ ପତ୍ର ପ୍ରଦାନ -