15-Jun-2024

ରେଢ଼ାଖୋଲ ( ଅନିଲ ପୃଷ୍ଟି )ସମ୍ବଲପୁର ଜିଲ୍ଲା ରେଢ଼ାଖୋଲ କଳିନ୍ଦର ଗ୍ରାମରେ ଘଟିଛି ଅଭାବନୀୟ ଘଟଣା । ପାଣିରେ ବୁଡ଼ି ଦୁଇ ଶିଶୁର ମୃତ୍ୟୁ ହୋଇଛି  । ‌ଏକାଥରକେ ଗୋଟିଏ ମାଁ ର ଦୁଇକୁଳ ଉଜୁଡିଯାଇଛି  , ଭାଙ୍ଗି ଯାଇଛି ମାର ସ୍ନେହ ଭରା ମମତା, କାନ୍ଦ ବୋବାଳି ରେ ଫାଟି ଯାଉଛି ମାର କୋହଭରା ଛାତି । ଯେଉଁ ହାତରେ ଦୁଇ ପୁଅଙ୍କ ଉପରେ ସ୍ନେହର ପିତୁଳା ଢାଳୁଥିଲା , ସେହି ହାତରେ ଆଜି ଦୁଇ ଶିଶୁ ପୁତ୍ରଙ୍କୁ ଧରି ଛାତି ପିଟି ହୋଇ କାନ୍ଦୁଛି ମାଁ । ଆଜି ରଜ ସଂକ୍ରାନ୍ତି ରେ ଏଭଳି ଏକ ଅଭାବନୀୟ ଘଟଣା ଘଟିଛି ସମ୍ବଲପୁର ଜିଲ୍ଲାର ରେଢ଼ାଖୋଲ ସହରର କଳିନ୍ଦର ଗ୍ରାମରେ ।
ଆଜକୁ ଦେଢ ବର୍ଷ ହେବ ଅନୁଗୁଳ ଜିଲ୍ଲାର ପୁରୁଣା କୋର୍ଟ ଥାନା ଅନ୍ତର୍ଗତ ଗୋଇନ୍ଦ ଗ୍ରାମରୁ ଆସି ରେଢ଼ାଖୋଲର କଳିନ୍ଦର ଗାଁରେ ଆସି ରହୁଥିଲେ ଟୁକୁନା ସେଠ ଓ ତାଙ୍କ ସ୍ତ୍ରୀ ତିଲୋତମା ମିର୍ଦ୍ଧା ଦୁହେଁ ଭଲପାଇ ବାହା ହୋଇ ସୁନାର ସଂସାର ଗଢ଼ିବା ପାଇଁ ସ୍ବପ୍ନ ଦେଖିଥିଲେ । ଦୁହିଁଙ୍କ ଔରସରୁ ୨ ଟି ପୁତ୍ର ସନ୍ତାନ ମଧ୍ୟ ଭଗବାନ ଦେଇ ଥିଲେ । ହେଲେ ବିଧିର ବିଧାନ କିନ୍ତୁ ଅଲଗା ଥିଲା । ତାଙ୍କ ପରିବାର କହିଲେ  ଦୁଇ ଶିଶୁ ପୁତ୍ର , ଜଣେ ୩ ବର୍ଷର ଶ୍ରୀୟାଂଶୁ ସେଠ୍ ଓ ଆଉ ଜଣେ ଅଢେଇ ବର୍ଷର ପ୍ରିୟାଂଶୁ ସେଠ । ଚାରିଜଣଙ୍କୁ ନେଇ ଏକ ସୁନ୍ଦର ପରିବାର ଟିଏ ଗଢିଥିଲେ ଟୁକୁନା ଓ ତିଳୋତ୍ତମା ।  ଦୁହେଁ କଳିନ୍ଦର ଗାଁ ରେ ଏକ ଫାର୍ମରେ ରହି ଯଗା ରଖା କାମ କରି ହସଖୁସିରେ ପରିବାର ଚଳୁଥିଲା । ହେଲେ ଶନିବାର ଘଟିଗଲା ଏକ ଅଭାବନୀୟ ଘଟଣା । ଆଜି ସକାଳ ୯ ଟା ସମୟରେ ଫାର୍ମରେ ବାପା ଟୁକୁନା କାମ କରୁ ଥିଲେ ଓ ମା ତିଳୋତ୍ତମା ଶନିବାର ବଜାରକୁ ପରିବା କିଣିବା ପାଇଁ ଯାଇଥିଲେ । ଏହି ସମୟରେ ତାଙ୍କ ଦୁଇ ଶିଶୁ ପୁତ୍ର ବଡ ପୁଅ ଶ୍ରୀୟାଂସୁ ଓ ସାନ ପୁଅ ପ୍ରିୟାଂସୁ ଦୁଇଭାଇ ମିଶି ଫାର୍ମ ସ୍ଥିତ ଏକ ପୋଖରୀ ପାଖରେ ଖେଳୁଥିବା ସମୟରେ ପାଣି ଭିତରକୁ ଚାଲିଯାଇ ବୁଡିଯାଇଥିଲେ । ବଜାରରୁ ମା ତିଲୋତମା ଦିନ ୧୨ ଟା ସମୟରେ ଆସି ଦୁଇ ପୁଅଙ୍କୁ ଖୋଜିଥିଲେ ହେଲେ ପାଇନଥିଲେ , ବହୁ ଖୋଜାଖୋଜି ପରେ ଜଣେ ପୋଖରୀ ପାଣିରେ ଭାସୁଥିବା ଦେଖି ବାପା ଟୁକୁନା ପୁଅକୁ ଉଦ୍ଧାର କରିଥିଲା ପରେ କିଛି ସମୟ ପରେ ପୁଣି ସାନପୁଅକୁ ମଧ୍ୟ ସେହି ପୋଖରୀ ପାଣି ଭିତରେ ବୁଡ଼ି ଯାଇଥିବା ସନ୍ଦେହ କରି ପାଣିଭିତରୁ ବୁଡି ଖୋଜି ଉଦ୍ଧାର କରିଥିଲା ବାପା ଟୁକୁନା । ପରେ ଉଦ୍ଧାର କରି ଉଭୟଙ୍କୁ ରେଢ଼ାଖୋଲ ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଉଭୟ ଶିଶୁ ପୁତ୍ର ଙ୍କୁ ଡାକ୍ତର ମୃତ ଘୋଷଣା କରିଥିଲେ । ଖବର ପାଇ ରେଢ଼ାଖୋଲ ପୋଲିସ ପହଞ୍ଚି ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।