14-Jun-2024

ନବରଙ୍ଗପୁର (ମିହିର ଶଙ୍କର ପାତ୍ର )
ଆଜିଠୁ  ଆରମ୍ଭ   ହେଲା ଡାବୁଗାଁ ଅଂଚଳରେ ପହିଲି ରଜ ।ରଜ ପର୍ବ ଏକ କୃଷିଭିତ୍ତିକ ପର୍ବ । ରଜ ସଂକ୍ରାନ୍ତିରେ ମାଟି ମା' ରଜସ୍ୱଳା ହୋଇଥାଏ । ରଜୋବତୀ ନାରୀକୁ ଛୁଇଁବା ନିଷେଧ ପରି ରଜ ପର୍ବରେ ମାଟିକୁ କର୍ଷଣ କରିବା ନିଷେଧ । କୃଷିକାର୍ଯ୍ୟ ନିଷେଧ ହୋଇଥିବାରୁ ଚାଷୀଭାଇ ରଜ ପର୍ବର ଆନନ୍ଦ ନେଇଥାନ୍ତି।ପହିଲି ରଜରେ ଆରମ୍ଭ ହୁଏ ପ୍ରସ୍ତୁତି ପର୍ବ ।ଏହା ତିନିଦିନ ଧରି ଚାଲେ। ତେଣୁ ତିନିଦିନ ଧରଣୀ ମାତାକୁ ବିଶ୍ରାମ ଦିଆଯାଏ, ଯେଉଁଥିପାଇଁ ଭୂଖନନ ବାରଣ କରାଯାଇଥାଏ । ମାତୃଜାତି ମଧ୍ୟରେ ଉତ୍ସାହ, ଉନ୍ମାଦନା ଓ ନୂତନ ଶକ୍ତି ଜାଗ୍ରତ କରିବା ପାଇଁ ପାଳନ କରାଯାଇଥାଏ ଏହି ରଜପର୍ବ। ଖାଲି ଡାବୁଗାଁ ନାହିଁ ନବରଙ୍ଗପୁର ଜିଲ୍ଲାର ସମସ୍ତ ଅଞ୍ଚଳରେ ଆଜିଠୁ ପାଳିତ ହେଉଛି ଏହି ଗଣ ପର୍ବ।