12-Jun-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର) ପାଣି । ଏହାର ଅନ୍ୟ ନାମ ଜୀବନ । ପାଣି ବିନା ବିଶ୍ୱ ବ୍ରହ୍ଣାଣ୍ଡ ତିଷ୍ଟି ପାରିବ ନାହିଁ । ମଣିଷ, ପଶୁ, ପକ୍ଷୀ, ବୃକ୍ଷ, ତରୁଲତା ସମସ୍ତଙ୍କୁ ପାଣି ଦରକାର । ତେଣୁ କୁହାଯାଏ ଜଳ ବିହୁନେ  ସୃଷ୍ଟି ନାଶ, ଜଳ ବହୁଳେ ସୃଷ୍ଟି ନାଶ ।  କିନ୍ତୁ ଜୀବନ ରକ୍ଷକ ଏହି ଜଳ ଯଦି ବିଷ ହୋଇଯାଏ ତାହେଲେ  କଥା ସରିଲା ।  ପାଣି ଦୂଷିତ ହେଲେ ବିଭିନ୍ନ ପ୍ରକାର ରୋଗ ଦେଖା ଦେଇଥାଏ । ଜଳବାହିତ ରୋଗ ଦେଖା ଦେବା ସହିତ କିଡ୍‌ନୀ ଜନିତ ସମସ୍ୟା ମଧ୍ୟ ହେଇଥାଏ ।  ଆଜି ପାନୀୟ ଭାବରେ ପାଉଚ ଏବଂ ବୋତଲ ପାଣିର ବ୍ୟବହାର ଅଧିକ ଦେଖାଯାଉଛି । ବିବାହ, ବ୍ରତ, ଏକୋଶିଆ, ଯଜ୍ଞ, ମୃତାହ ସମସ୍ତ କାର୍ଯ୍ୟ, ସଭା ସମିତି ସବୁଥିରେ ପାଉଚ ଏବଂ ବୋତଲ ପାଣିର ଆବଶ୍ୟକତା ଅଧିକ ହେବାରେ ଲାଗିଛି । ଏହି ପାଣି କେତେ ସ୍ୱଚ୍ଛ ଏବଂ  ବିଶୁଦ୍ଧ ଏହାକୁ କିଏ କହିବ ?  ଡୁଙ୍ଗୁରିପାଲି ଅଂଚଳରେ ବିଭିନ୍ନ କାର୍ଯ୍ୟକ୍ରମରେ ପାଉଚ ଏବଂ ବୋତଲର ବ୍ୟବହାର ଦେଖାଯାଉଛି । ଏହି ପାଣି କେତେ ସୁଦ୍ଧ ଏହାର ସଠିକତା କେହି ଯାଞ୍ଚ କରୁ ନାହିଁ । ବିଭିନ୍ନ କଂପାନୀରେ ନାମ ଥିବା ଏବଂ ସେଥିରେ ଆଇଏସଆଇ ମାର୍କ ଲେଖି ବିକ୍ରୀ ଚାଲିଛି । ସ୍ୱାସ୍ଥ୍ୟ ଏବଂ ଫୁଡ୍ ସିକ୍ୟୁରିଟି ତଥା ଏହା ସହିତ ଯଡିତ ସଂସ୍ଥାମାନେ ଏହାର ମାନ ପରୀକ୍ଷା କରୁନାହାନ୍ତି । ପାଣି କେଉଁଠାରୁ ଆସୁଛି । ଏହାର ବିକ୍ରୀ ବୈଧତା ରହିଛି କି ନାହିଁ । ଏହାକୁ ଠିକ୍ ଭାବରେ ସରକାରଙ୍କ ଅନୁମତି ସହିତ ବ୍ୟବହାର ଯୋଗ୍ୟ ପାଇଁ ପ୍ରମାଣ ପତ୍ର ରହିଛି କି ନାହିଁ ।  ଏହାର କୌଣସି ତଦନ୍ତ ହେଉ ନାହିଁ । ଯିଏ ଯେଉଁଠି ଆଣିଲା ବିକ୍ରୀ କରି ଚାଲିଛି । ଲୋକେ ମଧ୍ୟ ଏହାକୁ ଧ୍ୟାନ ନ ଦେଇ ନିଜର ଅସୁବିଧା ଦୁର କରିବାକୁ କିଣି ଚାଲିଛନ୍ତି ।  ପ୍ରସାଶନ ଏହାର ତଦନ୍ତ କରି ଯାଞ୍ଚ କରାଯିବାକୁ ବିଭିନ୍ନ ମହଲରେ ଦାବୀ ହେଉଛି ।