05-Jun-2024

ବଲାଙ୍ଗୀର(ମହେନ୍ଦ୍ର ଦର୍ଜି): ବଲାଙ୍ଗୀର ବିଧାନସଭା ନିର୍ବାଚନ ମଣ୍ଡଳୀରେ ହେଭି ୱେଟ୍ ଲଢେଇ ରେ କଂଗ୍ରେସର ଟାଣୁଆ ନେତାଙ୍କ ପୁଅ ସମରେନ୍ଦ୍ର ମିଶ୍ରଙ୍କ ଶୋଚନୀୟ ପରାଜୟ ହୋଇଛି।ପରାଜୟର କାରଣ ଏବେ ସ୍ପଷ୍ଟ ବାରି ହେଉଛି।ବଲାଙ୍ଗୀର ସହରରେ ଘରଭଙ୍ଗା ଚାଲିଥିବା ସମୟରେ ଅଞ୍ଚଳର ଲୋକେ ବିଧାୟକ ନରସିଂହ ମିଶ୍ରଙ୍କୁ ଗୁହାରି କରିଥିଲେ। ପ୍ରତ୍ୟୁତ୍ତରରେ ଶ୍ରୀଯୁକ୍ତ ମିଶ୍ର ମାଛ ଏବଂ ପାଣି ର ସମ୍ପର୍କ ବିଷୟରେ କହି ଘର ଛାଡ଼ିବାକୁ କହିଥିଲେ।ଲୋକଙ୍କ ପୁଞ୍ଜିଭୂତ ଅସନ୍ତୋଷର ପରିଣାମ ସ୍ବରୂପ ନିର୍ବାଚନରେ ଶୋଚନୀୟ ପରାଜୟ ହୋଇଥିବା ଚର୍ଚ୍ଚା ହେଉଛି। ଅପରପକ୍ଷେ କଳିକେଶ ନାରାୟଣ ସିଂଦେଓ ଏହି ଲୋକଙ୍କୁ ସୁରକ୍ଷା ଦେଇଥିବାରୁ ତାଙ୍କର ବିଜୟ ହୋଇଥିବା ସର୍ବତ୍ର ଚର୍ଚ୍ଚା ହେଉଛି।ଭୋଟ ଗଣତି ସମୟରେ କଂଗ୍ରେସର ବିଧାନସଭା ପ୍ରାର୍ଥୀ ସମରେନ୍ଦ୍ର ମିଶ୍ର ପ୍ରଥମ ପର୍ଯ୍ୟାୟରେ ବିଜେଡିର ପ୍ରାର୍ଥୀ କଳିକେଶ ନାରାୟଣ ସିଂହଦେଓଙ୍କୁ ପଛରେ ପକାଇ ଆଗୁଆ ଥିଲେ।ପ୍ରାୟ ୧୦ ରାଉଣ୍ଡ ପର୍ଯ୍ୟନ୍ତ ସମରେନ୍ଦ୍ରଙ୍କ ପଲ୍ଲା ଭାରି ଥିବା ବେଳେ ୧୧ ରାଉଣ୍ଡରୁ କଂଗ୍ରେସ ର ପରାଜୟ ଆରମ୍ଭ ହୋଇଥିଲା।୨୦ ରାଉଣ୍ଡ ଗଣତି ପରେ ବିଜେଡି ପ୍ରାର୍ଥୀ ପ୍ରାୟ ୧୩୦୦୦ ରୁ ଉର୍ଦ୍ଧ୍ବ ଭୋଟରେ ବିଜୟ ହୋଇଥିଲେ।କଂଗ୍ରେସ ପକ୍କା ବଲାଙ୍ଗିରିଆ ଏବଂ କରିଛୁ କରମୁ କହି ବଲାଙ୍ଗୀରବାସୀଙ୍କୁ ଟିହା ଦେଖାଇବାର ପ୍ରୟାସ ଆଜି ପଦାରେ ପଡ଼ିଛି।ଭୋଟର୍ ଉଚିତ୍ ଜବାବ ଦେଇଥିବାରୁ ବଲାଙ୍ଗୀରବାସୀଙ୍କୁ ବୁଦ୍ଧିଜୀବୀ ମହଲରେ ସାଧୁବାଦ୍ ଜଣାଇଛନ୍ତି।