05-Jun-2024

ବଲାଙ୍ଗିର (ପ୍ରେରଣା ଖବର): ସାଇଡ଼ ଦେବାକୁ କେନ୍ଦ୍ର କରି ବଲାଙ୍ଗିରର ଜଣେ ଆଇନଜୀବୀଙ୍କୁ କିଛି ଦୁର୍ବୃତ୍ତ ସଂଘବଦ୍ଧ ହୋଇ ଆକ୍ରମଣ କରିଥିବା ଅଭିଯୋଗ ହୋଇଛି l ଆକ୍ରମଣର ଶିକାର ହୋଇଥିବା ଆଇନଜୀବୀଙ୍କ ନାମ ସଂଜୀବ(ଦିଲୁ)  ହୋତା ଓ ତାଙ୍କ  ଘର ବଲାଙ୍ଗିର ସହରର ପେଲେସ ଲାଇନ୍ ବୋଲି ଜଣାପଡ଼ିଛି । ସୂଚନାରୁ ପ୍ରକାଶ ଯେ , ଗତକାଲି ଦିନ ୧୧ ଟା ସମୟରେ ସଞ୍ଜୀବ ନିଜ ବାପାଙ୍କ ସହିତ କୌଣସି ଏକ କାମରେ ଲିଟିଲ ଫ୍ଳlୱାର ସ୍କୁଲ କୁ ଯାଇ ସେଠାରୁ ଫେରୁ ଥିବା ବେଳେ ଶାନ୍ତି ପଡା ରାସ୍ତା ରେ ଥିବା କିଛି ଯୁବକଙ୍କୁ  ସଂଜୀବ ସାଇଡ ଦେବା ପାଇଁ କହିଥିଲେ l ଏଥିରେ ଉତକ୍ଷିପ୍ତ ହୋଇ ରାସ୍ତାରେ ଥିବା ପ୍ରାୟ ୧୧ ଜଣ ଯୁବକ ଆଇନଜୀବୀ ସଂଜୀବଙ୍କୁ ତାଙ୍କ ବାପା ଧରି ଥିବା ଆଶା ବାଡ଼ି ରେ ଜୋର୍ ମାଡ ମାରିଥିଲେ l ଦୁର୍ବୃତ୍ତ ଙ୍କ ଆକ୍ରମଣରେ ଲହୁଲୁହାଣ ହୋଇ ସଂଜୀବ ବଲାଙ୍ଗିର ସରକାରୀ ଡାକ୍ତରଖାନାରେ ଭର୍ତ୍ତି ହୋଇଛନ୍ତି l ସଂଜୀବଙ୍କ ଦେହର ବିଭିନ୍ନ ସ୍ଥାନରେ ଖଣ୍ଡିଆ ଖାବରା ହେବl ସହ ମୁଣ୍ଡରେ ଷ୍ଟିଚ୍ ଲାଗିଛି l ଆକ୍ରମଣକାରୀ ମାନେ ରାଜେନ୍ଦ୍ର ପଡା ର ବୋଲି ସଂଜୀବ କହିଛନ୍ତି l  ଏ ନେଇ ସଂଜୀବ ଟାଉନ୍ ଥାନା ରେ ଲିଖିତ ଅଭିଯୋଗ କରିଛନ୍ତି l ପୋଲିସ ଏ ପର୍ଯ୍ୟନ୍ତ ଆକ୍ରମଣ ମାମଲରେ କାହାକୁ ଗିରଫ କରି ନାହିଁ l