14-May-2024

ନୂଆପଡ଼ା - (ରାମନାଥ ପଣ୍ଡା )
ଜିଲ୍ଲା ଅଫିସରେ ନିର୍ବାଚନ ମତଦାନ ସାମଗ୍ରୀ ଜମା କରି ନିଜସ୍ଵ ଗୃହକୁ ଫେରୁଥିବା ବେଳେ ତରବୋଡ ଗ୍ରାମ ପାଖରେ ଥିବା ଏକ ନାଲ ଠାରେ କାର ଓ ବାଇକର ମୁହାଁ ମୁହିଁ ଧକ୍କା ହେବା ଦ୍ବାରା ପ୍ରିଜାଇଡିଙ୍ଗ ଅଧିକାରୀ ପ୍ରସନ୍ନ କୁମାର ନାୟକଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି ।ବ୍ୟକ୍ତିଗତ ଜୀବନରେ ସେ ବି ସି ସି ବ୍ୟାଙ୍କର କର୍ମଚାରୀ ଅଟନ୍ତି। ନିର୍ବାଚନ ଦାୟିତ୍ବରେ ଖଡିଆଳ ବିଧାନସଭା ନିର୍ବାଚନ ମଣ୍ଡଳୀ ରାନିମୁଣ୍ଡା ଗ୍ରାମ ୧୮୪ ବୁଥ ନମ୍ୱର ପାଇଁ ପ୍ରିଯାଇଡିଂ ଅଧିକାରୀ ଭାବରେ ନିଯୁକ୍ତି ପାଇଥିଲେ।ଗତକାଲି ନିର୍ବାଚନ ସରିବାପରେ ଜିଲ୍ଲା କାର୍ଯ୍ୟାଳୟରେ ମତଦାନ ସାମଗ୍ରୀ ଜମା କରିଥିଲେ । ନିଜ ଘରକୁ ଫେରୁଥିବା ସମୟରେ ତରବୋର୍ଡ ଗ୍ରାମ ନିକଟସ୍ଥ ଫଣ୍ଡେଲ ନଳା ପାଖରେ ସଡ଼କ ଦୁର୍ଘଟଣାର ଶିକାର ହୋଇ ମୃତ୍ୟୁ ବରଣ କରିଛନ୍ତି। ଏକ କାର  ତାଙ୍କ ମୋଟରସାଇକେଲକୁ  ଧକ୍କା ଦେଇଥିଲା। ଘଟଣା ସ୍ଥଳରେ ତାଙ୍କ ମୃତ୍ୟୁ ହୋଇଅଛି। ଜିଲ୍ଲା ପ୍ରଶାସନ ସ୍ବର୍ଗତ ନାୟକଙ୍କ  ମୃତ୍ୟୁ ନେଇ ସମବେଦନା ଜଣାଇଛନ୍ତି।ଅଞ୍ଚଳରେ ଶୋକର ଛାୟା ଖେଳି ଯାଇଛି ।