14-May-2024

ବିନିକା(ହିମାଂଶୁ ଶେଖର ପୁଟେଲ): ଜୁନ ମାସ ୯ତାରିଖରୁ ୧୨ତାରିଖ ପର୍ଯ୍ୟନ୍ତ  ବିନିକା ରଥପଡା ବିଶେଶ୍ୱର ମନ୍ଦିର ଠାରେ ଅନୁଷ୍ଟିତ ହେବାକୁ ଥିବା ଶୀତଳଷଷ୍ଠୀ ମହୋତ୍ସବ ପାଇଁ ଦେବଦେବ ମହାଦେବ ଓ ପାର୍ବତୀ ଦେବୀଙ୍କ ପିତାମାତା ଚୂଡାନ୍ତ ହୋଇଥିବା ବେଳେ ମହୋତ୍ସବ ପରିଚାଳନା ନେଇ ନୂତନ କମିଟି ଗଠିତ ହୋଇଯାଇଛି ।ଏଥିରେ ସଭାପତି ଭାବେ ପୂର୍ଣ୍ଣଚନ୍ଦ୍ର ମେହେର,କାର୍ଯ୍ୟକାରୀ ସଭାପତି ଅଜିତ ସାମନ୍ତରାୟ,ଉପସଭାପତି ସନ୍ତୋଷ ମହାକୁର,ସମ୍ପାଦକ ଚରଣ ମେହେର,ସହ ସମ୍ପାଦକ ସମ୍ବିତ ନେପାକ,ସଞ୍ଜୟ ଦାସ କୋଷାଧ୍ୟକ୍ଷ ମନୋନୀତ ହୋଇଥିବା ବେଳେ  ଉପଦେଷ୍ଟା ମଣ୍ଡଳୀରେ ସୁଧାଂଶୁ ଶେଖର ଦାଶ,ଶୀତଳ ପ୍ରସାଦ ମହାକୁର,ବାମନ ନାଏକ,ଜୟଦେବ ରାଉତ ଏବଂ ସଦସ୍ୟ ଭାବରେ ୧୬ଜଣ ରହିଛନ୍ତି ।ସେହିପରି ଯୁବ ବ୍ୟବସାୟୀ ସନ୍ତୋଷ ଅଗ୍ରୱାଲ ଓ ତାଙ୍କ ଧର୍ମପତ୍ନୀ ଚନ୍ଦ୍ରମା ଅଗ୍ରୱାଲ ବିଶେଶ୍ୱର ବାବାଙ୍କ ପିତାମାତା ଦାୟିତ୍ଵ ତୁଲାଉଥିବା ବେଳେ ମାଁ ପାର୍ବତୀ ଦେବୀଙ୍କ ପିତାମାତା ଭାବେ ରବୀନ୍ଦ୍ର ମେହେର ଓ ତାଙ୍କ ଧର୍ମପତ୍ନୀ ସନ୍ତୋସିନି ମେହେର ଦାୟିତ୍ଵ ନିର୍ବାହ କରିବେ। ଏହି ଅବସରରେ ପ୍ରଭୁ ଶିବଙ୍କୁ ପୁଅ ରୂପେ ପାଇବା ନେଇ ସନ୍ତୋଷ ଓ ଚନ୍ଦ୍ରମା ବେଶ ଖୁସିରେ ଆତ୍ମହରା ହୋଇ କେଉଁ ଜନ୍ମର ସିକୃତି ଯୋଗୁଁ ଆମ୍ବେ ସ୍ବାମୀ ସ୍ତ୍ରୀ ଦୁହେଁ ଦେବ ଦେବ ମହାଦେବଙ୍କ ପିତାମାତା ହେବାର ସୁଯୋଗ ପାଇଁଛୁ ।ତେଣୁ ତାଙ୍କର ଅପାର କରୁଣା ଆମ ପ୍ରତି ରହିବ ବୋଲି ପ୍ରକାଶ କରିଥିଲେ ।ସେହିପରି ଭାଗ୍ୟରେ ଥିଲେ ପାର୍ବତୀ ମାଁ ଙ୍କୁ ଝିଅ ରୂପେ ପାଇବା ଆମ ପାଇଁ ସୌଭାଗ୍ୟ ବୋଲି ପାର୍ବତୀଙ୍କ ପିତାମାତା ରବୀନ୍ଦ୍ର ଓ ସନ୍ତୋଷିନୀ କହିଛନ୍ତି । ଝିଅ ବାହାଘର ପାଇଁ ଯାହା ଦରକାର ତାହା ଦେବାର ବ୍ୟବସ୍ଥା ଏବଂ ବିବାହ ଉତ୍ସବକୁ ଯେପରି ବନ୍ଧୁବାନ୍ଧବ ଓ ଶ୍ରଦ୍ଧାଳୁ ଭକ୍ତ ଉପସ୍ଥିତି ରହି ଦେବାଦେବୀଙ୍କ ଆଶୀର୍ବାଦ ନେବେ ସେନେଇ ପ୍ରୟାସ କରାଯାଇଛି । ବିଗତ ବର୍ଷ ଭଳି ଏଥର ମଧ୍ୟ ଶିବ ପାର୍ବତୀଙ୍କ ବିବାହ ଉତ୍ସବ ଜାକଜମକରେ ପାଳନ ନେଇ ସବୁ ପ୍ରକାର ଉଦ୍ୟମ କରାଯାଇଛି ବୋଲି କମିଟି ସୂତ୍ରରୁ ପ୍ରକାଶ ।