14-May-2024

ବିନିକା(ହିମାଂଶୁ ଶେଖର ପୁଟେଲ): ବଲାଙ୍ଗୀର ଲୋକସଭା ଅନ୍ତର୍ଗତ ବୀରମହାରାଜପୁର ବିଧାନସଭା ମଣ୍ଡଳୀ ଅଧିନସ୍ତ ବିନିକା ବ୍ଲକର ୧୩ଗୋଟି ପଞ୍ଚାୟତରେ ଆଜି ବିଜୁ ଜନତା ଦଳ ତରଫରୁ ଜୋରଦାର ପ୍ରଚାର କରାଯାଇଛି ।ବୀରମହାରାଜପୁର ବିଧାନସଭା ବିଜେଡି ପ୍ରାର୍ଥୀ ପଦ୍ମନାଭ ବେହେରା ଓ ବଲାଙ୍ଗୀର ଲୋକସଭା ସାଂସଦ ପ୍ରାର୍ଥୀ ସୁରେନ୍ଦ୍ର ସିଂ ଭୋଇ ଶତାଧିକ କର୍ମୀଙ୍କ ସହ ସାମିଲ ହୋଇ ବ୍ଲକର ମହାଦେବ ପାଲି, ସେଲେଡି, ବାଉସୁଣି, କୈନ୍ତରା, ସଂକରା, ଚରଦା,ମେଘେଳା, ସିଲାଟି, ଭଣ୍ଡାର, ଶିଂହିଯୁବା, ବାବୁପାଲି, ବାଙ୍କୀଘିରିଡି, ସିନ୍ଦୂରପୁର ପ୍ରମୁଖ ପଞ୍ଚାୟତରେ ନିର୍ବାଚନ ପ୍ରଚାର କରିଥିଲେ।ନିର୍ବାଚନ ପ୍ରଚାର ବେଳେ ଉଭୟ ନେତା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସରକାରଙ୍କ ତରଫରୁ କାର୍ଯ୍ୟକାରୀ ବିଭିନ୍ନ ଜନକଲ୍ୟାଣ ଯୋଜନା ସଂପର୍କରେ ଲୋକଙ୍କୁ ଅବଗତ କରି ଏଥର ଡବଲ ଶଙ୍ଖରେ ଭୋଟ ଦେବାକୁ ନିବେଦନ କରିଥିଲେ ।