14-May-2024

ବଲାଙ୍ଗିର(ଚିତ୍ରସେନ ବେହେରା ): ଗତକାଲି ଜ଼ିଲ୍ଲା ବ୍ରାହ୍ମଣ ସମାଜ, ବଲାଙ୍ଗୀର ଦ୍ୱାରା ଭଗବାନ ପର୍ଶୁରାମ ଜନ୍ମୋତ୍ସବ ଓ ସହର ପରିକ୍ରମା ମହାସମାରୋହରେ ପାଳିତ ହୋଇଯାଇଥିଲା l ସ୍ଥାନୀୟ ନୃସିଂହ ମନ୍ଦିର ପରିସରରେ ପ୍ରାତଃ ୮ଟା ସମୟରେ ଭଗବାନ ପର୍ଶୁରାମଙ୍କ ପୂଜାର୍ଚନା ଓ ଆଳତି ପରେ ଜ଼ିଲ୍ଲା ବ୍ରାହ୍ମଣ ସମାଜର ପତାକା ଉତ୍ତୋଳନ କରାଯାଇଥିଲା l ପରେ ଏକ ମୋଟରସାଇକଲ  ଶୋଭାଯାତ୍ରା ବାହାରି ଆରଟିଓ କାର୍ଯ୍ୟାଳୟ ପାଖ ଭଗବାନ ପର୍ଶୁରାମ ଛକରେ ପୂର୍ବାହ୍ନ ୧୧ଟା ସମୟରେ ଭଗବାନ ପର୍ଶୁରାମଙ୍କ ଝଣ୍ଡା ଉତ୍ତୋଳନ କରାଯାଇଥିଲା l
ସନ୍ଧ୍ୟା ସମୟରେ ସହସ୍ରାଧିକ ବ୍ରାହ୍ମଣଦେବତାଗଣ ସୁସଜ୍ଜିତ ପରଂପାରିକ ବେଶଭୂଷlରେ ଏକ ଭବ୍ୟ ଶୋଭାଯାତ୍ରାରେ ବାହାରି ସହରର ଦୁର୍ଗା ମନ୍ଦିର, ଶିବ ମନ୍ଦିର, ପାଟଣେଶ୍ଵରୀ ମନ୍ଦିର, ଜଗନ୍ନାଥ ମନ୍ଦିର, ସମଲେଶ୍ବରୀ ମନ୍ଦିର,ମା ଲଷ୍ମୀ ମନ୍ଦିର,ଶ୍ରୀରାମ ମନ୍ଦିର ଓ  ସଂକଟମୋଚନ ହନୁମାନ ମନ୍ଦିର ଦ୍ବୟ ଠାରେ ପୂଜାର୍ଚନା କରାଯାଇଥିଲା l ଏହି ଶୋଭାଯାତ୍ରାରେ ସହରର ବିଭିନ୍ନ ସଂଗଠନ ଯଥା ବିଶ୍ବ ହିନ୍ଦୁ ପରିଷଦ, ବଜରଙ୍ଗଦଳ, ଗାୟତ୍ରୀ ପରିବାର, ବିଭିନ୍ନ ହନୁମାନ ମନ୍ଦିର କମିଟି, ଶେରସୁଆଁ ଗୁଡ଼ି କମିଟି,ଆଦ୍ୟାଶକ୍ତି ନାରୀ ସଂଗଠନର ବହୁ ସଦସ୍ୟ ସଦସ୍ୟା ସାମିଲ ହୋଇଥିଲେ l ଶୋଭାଯାତ୍ରା ସମୟରେ ସହରର ବହୁ ବଦାନ୍ୟବ୍ୟକ୍ତି ଓ ବିଭିନ୍ନ ଅନୁଷ୍ଠାନ ଯଥା ସୁମନ ଶତପଥୀ ପରିବାର, ଜୟଗୁଡ଼ି ପରିବାର, ଜଗଦୀଶ ଯୋଗ ସେବାକେନ୍ଦ୍ର, ମାରୱାଡି ଯୁବlମଞ୍ଚ ଓ ମହିଳା ସଂଗଠନ ଇତ୍ୟାଦି ଜଳ ଥଣ୍ଡାପାନିୟ ,ସର୍ବତ ଓ ଫଳରସ ବିତରଣ କରିଥିଲେ l ସାମ୍ପ୍ରତିକ ନିର୍ବାଚନ ତାତି ସମୟରେ ଜ଼ିଲ୍ଲା ବ୍ରାହ୍ମଣ ସମାଜର ପୋଲିସ ସହାୟତା ବିନା ଶାନ୍ତିଶୃଙ୍ଖଳା ବଜାୟ ରଖି ଏହି ଶୋଭାଯାତ୍ରା କରିଥିବାରୁ ସହରର ବୁଦ୍ଧିଜୀବୀ ଓ ଜନସାଧାରଣ ଭୁୟସୀ ପ୍ରଶଂସା କରୁଥିବାର ଚର୍ଚ୍ଚା ହେଊଛି l