11-May-2024

କଣ୍ଟାମାଳ(ଜୟ କୁମାର ମହାରଣା)
: କଣ୍ଟାମାଳ ବ୍ଲକ ଖୁଣ୍ଟିଗୋରା ଖେଳ ପଡିଆରେ ଚାଲିଥିବା ପଞ୍ଚମ ଧମାକା ଫ୍ଲଡ ଲାଇଟ ସାର୍କିଲ କ୍ରିକେଟ ପ୍ରତିଯୋଗିତା ଉଦଯାପିତ ହୋଇଯାଇଛି l ପ୍ରତିଯୋଗିତାର ଫାଇନାଲ ଖେଳ ସିଂହାରୀ ଓ ଉତ୍ତରବାହାଲ(ମା’ ବସ୍ତ୍ରେନ ବୁଢି) ଦଳ ମଧ୍ୟରେ ଅନୁଷ୍ଠିତ ହୋଇଥିଲା l ଉତ୍ତରବାହାଲ ଦଳ ଟସ ଜିଣି ନିର୍ଦ୍ଧାରିତ ୬ ଓଭର ଖେଳରେ ୨ ୱିକେଟ୍ ବିନିମୟରେ ୭୬ ରନ ସଂଗ୍ରହ କରିଥିଲା l ଜବାବରେ ସିଂହାରୀ ଦଳ ୩ ୱିକେଟ୍ ହରାଇ ୭୨ ରନ ସଂଗ୍ରହ କରିଥିଲା l ଫଳରେ ଉତ୍ତରବାହାଲ ଚମ୍ପିଆନ ହୋଇଛି l ନିରୋଜ ସାହୁ, ଲକି ସାହୁ, ମନୋଜ ସାହୁ ଓ ଅନିଳ ସାହୁ ଖେଳ ପରିଚାଳନା କରିଥିଲେ l ଧୀରେନ୍ଦ୍ର ସାହୁ ଓ ସୁଶାନ୍ତ ବାରିକ ଧାରାବିବରଣୀ ପ୍ରଦାନ କରିଥିଲେ l ଭକ୍ତ ସାହୁ, ପବିତ୍ର ଭୋଇ ଓ ଘନଶ୍ୟାମ ବାଘ ସ୍କୋରର ଦାୟିତ୍ୱ ତୁଲାଇ ଥିଲେ l ପୁରସ୍କାର ବିତରଣ ଉତ୍ସବରେ ଫିରିଙ୍ଗିଆ ବ୍ଲକ ଉପାଧ୍ୟକ୍ଷ ଅଜିତ ସାହୁ ମୁଖ୍ୟ ଅତିଥି, ବନ୍ଧଗୋରା ଗୌନ୍ତିଆ ଧୀରୋଜ ସାହୁ, ସମାଜସେବୀ ଅଶୋକ ସାହୁ, ଶତ୍ରୁଘନ ରଣା, ସାମ୍ବାଦିକ ପ୍ରଭାତ ସାହୁ, ଶିକ୍ଷାବିତ ଧର୍ମାନନ୍ଦ ସାହୁ, ସୋମନାଥ ସାହୁ, ସୂର୍ଯ୍ୟମଣି ମେଷୁଆ, ଉପେନ୍ଦ୍ର ଭୋଇ, ଗୁଞ୍ଜୁରୁ ସୁନା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ l ଉତ୍ତରବାହାଲ ଦଳର ଖେଳାଳୀ ଅର୍ଜୁନଙ୍କୁ ମ୍ୟାନ ଅଫ ଦି ମ୍ୟାଚ, ଲିପୁନଙ୍କୁ ମ୍ୟାନ ଅଫ ଦି ସିରିଜ, ପ୍ରତିଯୋଗିତାରେ ୪ର୍ଥ ସ୍ଥାନରେ ରହିଥିବା ଆଠଗାଁ(ଏକ୍ସଟ୍ରା-୭), ୩ୟ ସ୍ଥାନରେ ରହିଥିବା ଡୁମାଲପାଲି(ଏମଏମସିସି), ଉପବିଜେତା ସିଂହାରୀ ଓ ଉତ୍ତରବାହାଲ ଦଳକୁ ଚମ୍ପିଆନ ଦଳ ଭାବେ ଟ୍ରଫି ସହିତ ଅର୍ଥରାଶି ଅତିଥିମାନଙ୍କ ଦ୍ୱାରା ପ୍ରଦାନ କରାଯାଇଥିଲା l ଲମ୍ବୋଦର ବେହେରା, ନିରୋଜ ସାହୁ, ଗିରିଧାରୀ ଥାଟି, ରୀତିବନ୍ତ ସାହୁ, ସମେତ କ୍ରିକେଟ କ୍ଲବର ସମସ୍ତ ସଦସ୍ୟ ଖେଳ ପରିଚାଳନାରେ ସହଯୋଗ କରିଥିଲେ l