03-May-2024

ନୂଆପଡ଼ା - (ରାମନାଥ ପଣ୍ଡା)ନୂଆପଡ଼ା ଜିଲ୍ଲାକୁ ଆଜି ଆସି କେନ୍ଦ୍ର ଆଦିବାସୀ ବ୍ୟାପାର ଏବଂ ଜଳ ଶକ୍ତି ମନ୍ତ୍ରୀ ବିଶ୍ଵେଶ୍ୱର ଟୁଡୁ ଆସି ନିର୍ବାଚନୀ ସଭାରେ ଉଦବୋଧନ ଦେଇଥିବାବେଳେ ୫୯ ବର୍ଷ ବନାମ ୧୬ ବର୍ଷ ଶାସନକୁ ସମୀକ୍ଷା କରିବାପାଇଁ ଆହ୍ବାନ କରିଛନ୍ତି ।ବିଭିନ୍ନ ସ୍ଥାନରେ ପଥ ପ୍ରାନ୍ତ ସଭାଗୁଡ଼ିକରେ ଯୋଗଦାନ କରି ସ୍ବର୍ଗତ ଅଟଳ ବିହାରୀ ବାଜପେୟୀଙ୍କ ୬ ବର୍ଷ ଏବଂ ମୋଦୀଙ୍କ ୧୦ ବର୍ଷ ଶାସନ ହିସାବରେ ମୋଟ ୧୬ ବର୍ଷ ଶାସନର ଭାରତର ବିକାଶ ପ୍ରତି ଦୃଷ୍ଟି ଦେଇ ମୋଦୀ ଏବଂ ଭାରତୀୟ ଜନତା ପାର୍ଟିର ସଂକଳ୍ପ ସାକାର ହେବା ସହିତ ଉଭୟ ଦେଶ ଓ ରାଜ୍ୟରେ ବି ଜେ ପି ସରକାର ଗଠନ କରିବାକୁ ଅନୁରୋଧ କରିଥିଲେ ।କୋମନା ବସଷ୍ଟାଣ୍ଡ ଠାରେ ଆୟୋଜିତ ସଭାରେ ପୂର୍ବତନ ସାଂସଦ ବସନ୍ତ କୁମାର ପଣ୍ଡା,କଳାହାଣ୍ଡି ଲୋକସଭା ବି ଜେ ପି ଦଳୀୟ ପ୍ରାର୍ଥୀନୀ ମାଳବିକା ଦେଵୀ ଓ ନୂଆପଡା ବିଧାନସଭା ବି ଜେ ପି ଦଳୀୟ ପ୍ରାର୍ଥୀ ଅଭିନନ୍ଦନ ପଣ୍ଡା ଯୋଗଦାନ କରିଥିଲେ ।ଉଭୟ ବିଧାନ ସଭା ଓ ଲୋକସଭା ପ୍ରାର୍ଥୀଙ୍କୁ ଭୋଟ ଦେଇ ଜୟଯୁକ୍ତ କରିବାକୁ ଅନୁରୋଧ କରିଛନ୍ତି ।ମୋଦୀ ଗ୍ୟାରେଣ୍ଟି ଧାନର ସହାୟକ ମୂଲ୍ୟ ତିନି ହଜାର ଟଙ୍କା ତଥା ମୋଦୀଙ୍କ ଅନେକ ଜନ କଲ୍ୟାଣକାରୀ ଯୋଜନା ଉପରେ ଆଲୋକପାତ କରି ଭୋଟ ଭିକ୍ଷା ମାଗୁଛନ୍ତି ।