01-May-2024

ସୋନପୁର (ମନୋରଞ୍ଜନ ତ୍ରିପାଠୀ )
ସୋନପୁର ଜେଲର ଫାର୍ମାସିଷ୍ଟ ପ୍ରଭାକର ଦଳେଇ ଆଜି ତାଙ୍କ କାର୍ଯ୍ୟରୁ ଅବସର ଗ୍ରହଣ କଲେ I ଏହି ଅବସରରେ ଅନୁଷ୍ଠିତ ବିଦାୟକାଳୀନ ଏକ ସଭାରେ ବରିଷ୍ଠ ସାମ୍ବାଦିକ, ଆଇନଜୀବୀ ଗୋରେଖନାଥ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଉପସ୍ଥିତ ଅନ୍ତରୀଣ ବନ୍ଦୀମାନଙ୍କୁ ସତ୍ ପରାମର୍ଶ ଦେଇ ଉଦବୋଧନ ଦେଇଥିଲେ I ସଭାରେ ସଭାପତିତ୍ବ କରି ଜେଲର ଡିଲେଶ୍ବର ଜେନା ବିଦାୟୀ ପ୍ରଭାକର ଦଳେଇଙ୍କର ଉତ୍ତମ ଗୁଣର ଆଲୋଚନା କରି ସୋନପୁର ଜେଲପ୍ରତି ତାଙ୍କର ସମର୍ପିତ ଦୀର୍ଘ ଜୀବନର ଉଦାହରଣ ଦେଇଥିଲେ I ଜେଲର ଡାକ୍ତର ପ୍ରସନ୍ନ କୁମାର ମିଶ୍ର ମଧ୍ୟ ଦଳେଇ ବାବୁଙ୍କର ଉତ୍ତମ ଗୁଣ ସଂପର୍କରେ ବକ୍ତବ୍ୟ ପ୍ରଦାନ କରିଥିଲେ I ଉତ୍ତରରେ ପ୍ରଭାକର ଦଳେଇ କହିଥିଲେ ଏଠାରୁ ଯାଇ ଏକ ବୃହତ୍ତର ସମାଜର ସେବା କରିବାକୁ ତାଙ୍କର ଅବସର ଜୀବନକୁ ସେ ସମର୍ପଣ କରିବେ I ଏହି ଉପଲକ୍ଷେ ପ୍ରତାପପୁର ଗ୍ରାମର ସୁବିଖ୍ୟାତ ବାଦ୍ୟଗୁରୁ ତାରକ ଆଡଜୁଆଡିଙ୍କ ନେତୃତ୍ବରେ ଏକ ସଂକୀର୍ତ୍ତନ ଦଳ ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ କରିଥିଲେ I ଏହି କାର୍ଯ୍ୟକ୍ରମରେ ସମାଜସେବୀ ନାରାୟଣ ସାହୁ, ଭୁବନେଶ୍ବର ମେହେର ଓ ଜେଲର କର୍ମଚାରୀ ବୃନ୍ଦ ସହଯୋଗ କରିଥିଲେ I