26-Apr-2024

ବଲାଙ୍ଗିର(ପ୍ରେରଣା ଖବର ): ଆଗାମୀ ନିର୍ବାଚନୀ ମଇଦାନରେ ଲୋକେ ଅଂଚଳର ବିକାଶ ପାଇଁ ନିଷ୍ପତ୍ତି ନେବାକୁ ଯାଉଛନ୍ତି । ନିଷ୍ପତ୍ତି ନେବା ପୂର୍ବରୁ ପ୍ରାର୍ଥୀମାନଙ୍କ ଅତିତ ଟିକେ ପରଖିବା ନିତାନ୍ତ ଆବଶ୍ୟକ । ରଣାଙ୍ଗନରେ ମିଛ କହିବାରେ ଅଭିଜ୍ଞ ନେତା ବି ଅଛନ୍ତି । ଯେଉଁମାନେ ନିଜ ଟିକେଟ ପାଇଁ ଲଢେଇ କରି ଜାଣିଛନ୍ତି । ଲୋକଙ୍କ ହକ୍ ପାଇଁ ନୁହେଁ କାରଣ ଏମାନେ ତାଙ୍କ ସରକାର ଓ ସଚିବଙ୍କ ସାମନାରେ ଲୋକଙ୍କ ହକ୍ ର କଥା କହିବା ପାଇଁ ଭୟ କରନ୍ତି । ଏପରି ଡରୁଆ ନେତା ବଲାଙ୍ଗିର ର ବିକାଶ କରିପାରିବେ ନାହିଁ ବୋଲି ଗତ କାଲି ଦେଓଗାଁ ବ୍ଲକ ଅନ୍ତର୍ଗତ ମାଲପଡା, ବଡବାହାଲ, କୁଲୁତାପଡା ପଂଚାୟତରେ ଅନୁଷ୍ଠିତ ନିର୍ବାଚନି ସଭାରେ ବଲାଙ୍ଗିର ବିଧାନସଭା ପାଇଁ କଂଗ୍ରେସ ପ୍ରାର୍ଥୀ ସମରେନ୍ଦ୍ର ମିଶ୍ର ନିଜ ବକ୍ତବ୍ୟରେ କହିଛନ୍ତି । ବ୍ଲକ କଂଗ୍ରେସ ସଭାପତି ରାମଜୀ ଚୈାଧୁରୀଙ୍କ ସଭାପତିତ୍ୱରେ ଅନୁଷ୍ଠିତ ନିର୍ବାଚନି ସଭାରେ ସମରେନ୍ଦ୍ର ଆହୁରି ମଧ୍ୟ କହିଛନ୍ତି ବିଧାନସଭା ନିର୍ବାଚନୀ ମଣ୍ଡଳିରେ କଂଗ୍ରେସ ଦଳ ହେଟ୍ରିକ କରିବାକୁ ଯାଉଛି କାରଣ ଲୋକେ ୧୦ ବର୍ଷରେ ନିର୍ବାଚନ ମଣ୍ଡଳି ପ୍ରତ୍ୟେକ ଗାଁ ରେ ବିକାଶମୂଳକ କାମ କରାଯାଇଛି ତାହା ଦେଖି ସାରିଲେଣି ତା ସହ ଏହା ବି ଦେଖିଛନ୍ତି ଯେ ନିଜକୁ ଅଭିଜ୍ଞ ବୋଲାଉଥିବା ନେତା ବଲାଙ୍ଗିରେ ଦୁଇ ଥର ସାଂସଦ ଥିଲେ ହେଁ ସେ ୧୦ ବର୍ଷରେ ବଲାଙ୍ଗିର କୁ ଗୋଟିଏ ଧୁଳିସଫା ମେସିନ, କେତୋଟି ବସଷ୍ଟପ, କେତୋଟି ୱାଟର ଏଟିଏମ୍ ପ୍ରଦାନ କରିଥିଲେ । ଯାହାକି ତାଙ୍କର ଦୂରଦର୍ଶିତା ଅଭାବ ଯୋଗୁଁ ସେ ପ୍ରକଳ୍ପ ଗୁଡିକ କେଉଁଠି ଅଛି ଲୋକ ଖୋଜିଲେ ମଧ୍ୟ ପାଉନାହାନ୍ତି ବୋଲି କଡା ସମାଲୋଚନା କରିଛନ୍ତି ।  ନିର୍ବାଚନ ସଭାରେ ମାନ୍ୟବର ବଲାଙ୍ଗିର ବିଧାୟକ ନରସିଂହ ମିଶ୍ର ଉଭୟ ବିକାଶ ପ୍ରାର୍ଥୀ ସମରେନ୍ଦ୍ର ମିଶ୍ର ଓ ସାଂସଦ ପ୍ରାର୍ଥୀ ମନୋଜ ମିଶ୍ରଙ୍କୁ ହାତ ଚିହ୍ନରେ ଭୋଟ ଦେଇ ଜୟଯୁକ୍ତ କରିବା ପାଇଁ ଅନୁରୋଧ କରିବା ସହ କଂଗ୍ରେସ ସରକାରକୁ ଆସିଲେ ସମାଜର ପ୍ରତ୍ୟେକ ବର୍ଗର ଲୋକ ଉପକୃତ ହେବେ । ଛାତ୍ର, ଯୁବକ, ଶ୍ରମିକ, କୃଷକ ମହିଳା ସମସ୍ତଙ୍କ ସାମାଜିକ ଏବଂ ଅର୍ଥନୈତିକ ସୁରକ୍ଷାରେ ଗ୍ୟାରେଣ୍ଟି ଦିଆଯିବ । ସମାଜିକ ସୁରକ୍ଷା ଅନ୍ତର୍ଗତ ଭତ୍ତା ଦୁଇଗୁଣ କରାଯିବ । ଚାଷୀଙ୍କୁ ପେନସନ, ଶିକ୍ଷିତ ଯୁବକ ଯୁବତିଙ୍କୁ ଚାକିରି ନ ହେଲେ ବେକାରି ଭତ୍ତା , ୫୦୦ ଟଙ୍କାରେ ଗୋଟିଏ ଗ୍ୟାସ, ୨୦୦ ୟୁନିଟ ପର୍ଯ୍ୟନ୍ତ ବିଜୁଳି ମାଗଣା, ମହିଳା ସ୍ୱୟଂ ସହାୟକ ଗୋଷ୍ଠିଙ୍କ ଋଣ ମାଫ, ଧାନର ସର୍ବନିମ୍ନ ସହାୟକ ମୁଲ୍ୟ ପ୍ରଦାନ କରାଯିବ ବୋଲି ବିଧାୟକ ଶ୍ରୀ ମିଶ୍ର ଉପସ୍ଥିତ ଜନସାଧାରଣଙ୍କୁ କହିଥିôଲେ । ଏହି ନିର୍ବାଚନୀ ସଭାମାନଙ୍କ ମଧ୍ୟରେ ଅନ୍ୟମାନଙ୍କ ମଧ୍ୟରେ ବ୍ଲକ ଉପାଧ୍ୟକ୍ଷା ସୂର୍ଯ୍ୟକାନ୍ତି ଛତ୍ରିଆ, ପ୍ରଫୁଲ୍ଲ ଦାଶ, ଗଣେଶ୍ୱର ସାହୁ, ଲୋକନାଥ ନାଏକ, ଶଶିଭୂଷଣ ଗଡତ୍ୟା, ପ୍ରଫୁଲ୍ଲ ସାହୁ ଏବଂ ତାରାକାନ୍ତ ରଣା ପ୍ରମୁଖ ମଂଚାସୀନ ଥିଲେ ।