26-Apr-2024

ବଲାଙ୍ଗୀର(ପ୍ରେରଣା ଖବର ): ବଲାଙ୍ଗୀର ସଦର ନିର୍ବାଚନ ମଣ୍ଡଳିରେ କଂଗ୍ରେସଦଳର କାର୍ଯ୍ୟକଳାପରେ ଖୋଦ କଂଗ୍ରେସ ଲୋକ ଅତିଷ୍ଠ ହୋଇପଡିଥିବା ଲକ୍ଷ୍ୟ କରାଯାଉଛି । କଂଗ୍ରେସ ଦଳରେ ବିଧାୟକ ନରସିଂହ ଓ ତାଙ୍କ ପରିବାରର ଏକଛତ୍ରବାଦ ଶାସନରେ ଅତିଷ୍ଠ ହୋଇ ଅନେକ ପୁରୁଖାନେତା ଦଳ ଛାଡି ବିଜେଡିଦଳରେ ଯୋଗଦେଉଛନ୍ତି । ଗତ ୨ଦିନ ତଳେ କଂଗ୍ରେସର ପିସିସି ସାଧାରଣସଂପାଦକ,ଏଆଇସିସି

ସଭ୍ୟ ବିଧୂଭୂଷଣ ତ୍ରୀପାଠୀ କଂଗ୍ରେସଦଳ ତ୍ୟାଗ କରିଥିଲେ । ଆଜି ସେ ତାଙ୍କ ସମର୍ଥକଙ୍କ ସହ ଭୁବନେଶ୍ୱର ଶଙ୍ଖଭବନ ଠାରେ ବିଜୁଜନତା ଦଳରେ ଯୋଗଦେଇଥିବା ଜଣାଯାଇଛି । ରାଜ୍ୟସଭା ସାଂସଦ ଡ.ସସ୍ନିତ ପାତ୍ର,ବିଜେଡିର ରାଜ୍ୟ ସାଧାରଣ ସଂପାଦକ କଳିକେଶନାରାୟଣ ସିଂଦେଓଙ୍କ ଉପସ୍ଥିତିରେ ବିଧୁଭୂଷଣ ତାଙ୍କ ସମର୍ଥକଙ୍କ ସହ ବିଜେଡି ଦଳରେ ମିଶିଛନ୍ତି । ବିଧୁ ଗତ ୩୫ବର୍ଷ ହେଲା କଂଗ୍ରେସ ଦଳରେ ରହି ବିଭିନ୍ନ ପଦପଦବୀରେ ରହି କଂଗ୍ରେସଦଳ ପାଇଁ କାର୍ଯ୍ୟକରୁଥିଲେ । କିନ୍ତୁ କଂଗ୍ରେସ ଦଳ

ଚଳିତଥର ଜଣେ ଅନଭିଜ୍ଞ ଲୋକ ମନୋଜ ମିଶ୍ରଙ୍କୁ ସମ୍ବଲପୁରରୁ ଡାକି ଆଣି ସାଂସଦପ୍ରାର୍ଥି କରିଥିବାରୁ ବିଧୁଭୂଷଣ ତ୍ରୀପାଠୀ ଏହାକୁ ବିରୋଧ କରି ଦଳ ଛାଡିଥିଲେ । ତାଙ୍କ ସହ ଯୁବକଂଗ୍ରେସର ଗ୍ଲେଡଷ୍ଟୋନ ତାଣ୍ଡି,ମୁରିବାହାଲ ବ୍ଲକର ସଭାପତି ପ୍ରଫୁଲ୍ଲ ବଘାର,ସୁରେଶ ମିଶ୍ର ଓ ଅନ୍ୟମାନେ ବିଜେଡିରେ ମିଶିଛଁନ୍ତି । ସେପଟେ ବଲାଙ୍ଗୀର ନଗର କଂଗ୍ରେସର ସଭାପତିଥିବା ବୁଲୁ ଦାନୀଙ୍କ ସାନଭାଇ ଗୋପାଲ ଦାନୀ ମଧ୍ୟ ଆଜି ଭୁବନେଶ୍ୱର ଶଙ୍ଖଭବନରେ ବିଜେଡିଦଳରେ ମିଶିଛନ୍ତି । ରାଜ୍ୟ ହାଉସିଂବୋର୍ଡ ଅଧ୍ୟକ୍ଷ କଳିକେଶନାରାୟଣ ସିଂଦେଓ ତାଙ୍କୁ ବିଜେଡି ଉତ୍ତରୀୟ ଦେଇ ଦଳରେ ସାମିଲ କରାଇଛନ୍ତି । ଏମାନଙ୍କ ଯୋଗଦାନ ବିଜେଡିଦଳକୁ ଆହୁରି ମଜବୁତ କରିବ ବୋଲି କଳିକେଶ କହିଛନ୍ତି ।