25-Apr-2024

ଟିଟିଲାଗଡ଼ (ପ୍ରେରଣା ଖବର ): ଟିଟିଲାଗଡ ସହର ନିକଟସ୍ତ ଖଜୁରପଡ଼ା ଠାରେ ବିଜେପି ର ନିର୍ବାଚନ ମଣ୍ଡଳୀସ୍ତରୀୟ ବିଶାଳ ମିଶ୍ରଣ ପର୍ବ ଓ କାର୍ଯ୍ୟକର୍ତ୍ତା ସମ୍ମିଳନୀ ଅନୁଷ୍ଠିତ ହୋଇଯାଇଛି।ଟିଟିଲାଗଡ ନିର୍ବାଚନ ମଣ୍ଡଳୀ ସଂଯୋଜକ ଆଶିଷ ସାହୁଙ୍କ ସଂଯୋଜନାରେ ଆୟୋଜିତ ସଭାରେ ମୁଖ୍ୟ ଅତିଥି ଭାବରେ ସାଂସଦ ପ୍ରାର୍ଥୀନୀ ସଙ୍ଗୀତା ସିଂଦେଓ, ସମ୍ମାନିତ ଅତିଥି ଭାବରେ ରାଜ୍ୟ ଉପ ସଭାପତି ଗୋଲକ ବିହାରୀ ମହାପାତ୍ର, ଜିଲ୍ଲା ସଭାପତି ଶିବାଜି ମହାନ୍ତି, ଟିଟିଲାଗଡ ବିଧାୟକ ପ୍ରାର୍ଥୀ ନବୀନ ଜୈନ,ପୌର ଅଧ୍ୟକ୍ଷା ମମତା ଦେବୀ ଜୈନ, ନଗର ସଭାପତି ପ୍ରଶାନ୍ତ ଷଡ଼ଙ୍ଗୀ, ବରିଷ୍ଠ ନେତା ମହେନ୍ଦ୍ର ଠାକୁର, ଅଶୋକ ଦୋରା, ଲୋକସଭା ପ୍ରଭାରୀ ଦେବେନ୍ଦ୍ର ପଣ୍ଡା,ସଂଯୋଜକ ଦିନେଶ ଶର୍ମା,ପ୍ରଦୀପ ରାଏ,ଜିଲ୍ଲା ସାଧାରଣ ସମ୍ପାଦକ ଶ୍ରୀବତ୍ସ ବେହେରା, ପୂର୍ବତନ ନଗରପାଳ ଶୁଭ୍ରାଂଶୁ ଦାସ, ଓବିସି ଜିଲ୍ଲା ସଭାପତି ଅକ୍ଷୟ ରଣା ପ୍ରମୁଖ ଯୋଗ ଦେଇ କର୍ମୀ ଙ୍କୁ ଉତ୍ସାହିତ କରିଥିଲେ। ଟିଟିଲାଗଡ ବିଧାୟକ ପ୍ରାର୍ଥୀ ଭାବରେ ନବୀନ ଜୈନ ଙ୍କୁ ଦଳ ଟିକେଟ ଦେଇଥିବାରୁ ନିଜ ଖୁସି ବ୍ୟକ୍ତ କରିବା ସହ ଉଭୟ ଆସନରେ ଭାଇଭଉଣୀଙ୍କୁ ଜିତାଇ ଅଞ୍ଚଳର ବାସ୍ତବ ବିକାଶ ରେ ସହାୟକ ହେବାକୁ ମୁଖ୍ୟ ଅତିଥି ଶ୍ରୀମତି ସିଂ ଦେଓ କହିଥିଲେ। ମୁଖ୍ୟମନ୍ତ୍ରୀ ସର୍ଭେ ରିପୋର୍ଟ କୁ ନେଇ ଭୟଭୀତ ଥିବା ଯୋଗୁଁ କଣ୍ଟାବାଞ୍ଜି ଆସନ ରେ ଛିଡା ହେଉଥିବା ସେ କହିଥିଲେ। ରାଜ୍ୟକୁ ପ୍ରଧାନମନ୍ତ୍ରୀ ଆବାସ ଯୋଜନା ଅନ୍ତର୍ଗତ ୫୯ ଲକ୍ଷ ଆବାସ ଆସିଥିବା ବେଳେ ଏଥିରେ ୧୧ ହଜାର କୋଟି ଟଙ୍କାର ଦୁର୍ନୀତି ହୋଇଥିବା ଶ୍ରୀ ମହାପାତ୍ର କହିଥିଲେ। ବିଧାୟକ ପ୍ରାର୍ଥୀ ନବୀନ ଜୈନ ଟିଟିଲାଗଡ ଉପଖଣ୍ଡରେ ବାସ୍ତବରେ ବିକାଶ ଆଣ୍ଠେଇ ପଡିଥିବା ବେଳେ ଦୁର୍ନୀତି ଚରମ ସୀମାରେ ପହଞ୍ଚି ଥିବା କହିଥିଲେ।ଲୋକ ପରିବର୍ତ୍ତନ ପାଇଁ ମନସ୍ଥ କରି ସାରିଥିବା ଏବଂ ଲୋକଙ୍କ ଆଶୀର୍ବାଦ ତାଙ୍କ ସହ ଥିବା ଶ୍ରୀ ଜୈନ କହିଥିଲେ।ଉପଖଣ୍ଡବାସୀ ଙ୍କ ଦୀର୍ଘ ୩୩ ବର୍ଷ ଧରି ଜିଲ୍ଲା ଦାବୀ ରହିଥିବା ବେଳେ ସ୍ଥାନୀୟ ଲୋକ ପ୍ରତିନିଧି ବିଗତ ୧୦ ବର୍ଷରେ ବିଧାନସଭାରେ କେତେ ଥର ପ୍ରଶ୍ନ କରିଛନ୍ତି ବୋଲି ଶ୍ରୀ ଜୈନ ପ୍ରଶ୍ନ କରିଛନ୍ତି l