01-Apr-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ସୁବର୍ଣ୍ଣପୁର ନିଉଁ ଟାଉନ୍ ହଲ୍ ଠାରେ ଜିଲ୍ଲା ସ୍ତରୀୟ ଓଡିଶା ଦିବସ ତଥା ୩୧ ତମ ଜିଲ୍ଲା ପ୍ରତିଷ୍ଠା ଦିବସ ମହା ସମାରୋହରେ ପାଳିତ ହୋଇ ଯାଇଛି l ଏହି  ଉତ୍ସବ ରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର  ଜିଲ୍ଲାପାଳ ଶ୍ରୀମତୀ ଅନ୍ୟା ଦାସ,  ସମ୍ମାନିତ ଅତିଥି ଭାବରେ ଏସପି ଶ୍ରୀ ୟସ ପ୍ରତାପ ଶ୍ରୀମାଲ, ଉପ ଜିଲ୍ଲାପାଳ ଶ୍ରୀ ସୁରଜ୍ କୁମାର ପଟ୍ଟନାୟକ , ବରିଷ୍ଠ ଆଇନ ଜୀବୀ ଵ୍ୟୋମ କେଶ ଦାଶ, ଏବଂ ମୁଖ୍ୟ ବକ୍ତା ଭାବେ ଡଃ ଜ୍ୟୋତି ରଂଜନ ବହିଦାର ଯୋଗ ଦେଇ  ଜିଲ୍ଲା ଗଠନ ପରେ ଏଠାକାର କଳା, ସଂସ୍କୃତି, ପର୍ଯ୍ୟଟନ ର ଦ୍ରୁତ ବିକାଶ ବିଷୟ ସୁବର୍ଣ୍ଣପୁର ପାଈଁ ଶୁଭ ସଙ୍କେତ ବୋଲି ମତ ରଖିଥିଲେ ଏବଂ ଏହାର ସୁରକ୍ଷା ଓ ସଂରକ୍ଷଣ ସମସ୍ତ ଙ୍କ ଦାୟିତ୍ଵ କର୍ତ୍ତବ୍ୟ ବୋଲି ମତ ରଖିଥିଲେ l

ନିଜ ଜିଲ୍ଲା, ରାଜ୍ଯ ଓ ଦେଶ କୁ ସମୃଦ୍ଧ  କରିବାକୁ ହେଲେ ଆଗେ ନିଜ ମାତୃଭାଷା ଓ ଶିକ୍ଷା ର ବ୍ୟବସ୍ଥାକୁ ସୁଦୃଢ଼ କରିବାକୁ ହେବ ବୋଲି ମତ ରଖିଥିଲେ l ବିଦ୍ୟାପତି ପଣ୍ଡା ସଭା ସଂଯୋଜନା କରିଥିବା ବେଳେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଅଶ୍ଵିନୀ କୁମାର ଭୋଇ ସ୍ଵାଗତ ଭାଷଣ ପ୍ରଦାନ କରିଥିଲେ l ଶେଷରେ ସୁବର୍ଣ୍ଣପୁର ସଙ୍ଗୀତ ମହା ବିଦ୍ୟାଳୟ , ସାହାରା ହାଇସ୍କୁଲ, କୋଶଳ ହାଇସ୍କୁଲ ର ଛାତ୍ର ଛାତ୍ରୀ ଙ୍କ ଦ୍ବାରା ଆକର୍ଷଣୀୟ ଦେଶାତ୍ମବୋଧକ ନୃତ୍ୟ ପରିବେଷଣ କରଯାଇଥିଲା l ଏହି ଉପଲକ୍ଷେ ଅନୁଷ୍ଟିତ ବିଭିନ୍ନ ପ୍ରତିଯୋଗୀତା ର କୃତୀ ଛାତ୍ର ଛାତ୍ରୀ ଙ୍କୁ ଅତିଥି ଙ୍କ ଦ୍ଵାରା ପୁରସ୍କୃତ କରଯାଇଥିଲା l