31-Mar-2024

ତରଭା,(କପିଳାସ ସେଠ ) ତରଭା ସହର ମେହେର ପଡା ତଥା ଲଷ୍ମୀ ନାରାୟଣ ମନ୍ଦିର ନିକଟରେ ଥିବା ଏକ କିରାଣା ଦୋକାନ ଗୁରୁବାର  ରାତିରେ ହଠାତ ଜଳି ପୋଡି ପାଉଁଶ ହୋଇ ଯାଇଥିଲା  I କେହି ବ୍ୟକ୍ତିଚୋରି କରିବା ସହ  ଆକ୍ରୋଶ ମୂଳକ ଭାବରେ ପୋଡି ଦେଇ ଥିବା ନେଇ ଦୋକାନ ମାଲିକ ଅରୁଣ କୁମାର ମେହେର ତରଭା ଥାନା ରେ ଲିଖିତ ଅଭିଯୋଗ କରିଥିବାର ଜଣାଯାଇଛି   I ମିଲଥିବା ସୂଚନା ଅନୁଯାୟୀ ତରଭା ମେହେର ପଡା ଠାରେ  ବଡ଼ଭୋଇଁରୋ ଗ୍ରାମର ଅରୁଣ କୁମାର ମେହେର ଏକ କିରାଣା ଦୋକାନ ଦେଇଛନ୍ତି I  ପ୍ରତିଦିନ ପରି ରାତିରେ ଦୋକାନ ବନ୍ଧ କରି ଗୁରୁବାର  (28/3)ରାତିରେ ଘର କୁ ଯାଇଥିଲେ  I ହେଲେ ରାତି ପ୍ରାୟ ୧ ଟା ରୁ ୨ ଘଣ୍ଟା ସମୟରେ ତାଙ୍କ ଦୋକାନ ରେ ହଠାତନିଆଁ ଲାଗି ଯାଇ ସମସ୍ତ ଦୋକାନ ସାମଗ୍ରୀ  ନିଆଁ ରେ ପୋଡି ପାଉଁଶ ହୋଇ ଯାଇଥିଲା  I ନିଆଁ ଲାଗିବାର ଖବର ପାଇ ତରଭା ଅଗ୍ନିଶମ ଦଳ ଘଟଣା ସ୍ଥଳ ରେ ପହଞ୍ଚି ନିଆଁ କୁ ଆୟତ୍ତ କରିଥିଲେ  I ଶ୍ରୀ ମେହେର ଦୋକାନ ପୋଡ଼ିଯାଇ ଥିବାର ଖବର ପାଇ ତରଭା ଆସି ଦେଖିବା ସହ ଦୋକାନ ରେ ଦିଆଯାଇଥିବା ତାଲା କୁ କେହି ଦୁର୍ବୃତ୍ତ ଚୋର ତାଲା କୁ ତାଡି ଦିଆଯାଇଛି ବୋଲି କହିବା ସହ ଅଞ୍ଚଳ ରେ ଲାଗିଥିବା ସି ସି ଟିଭି ଫୋଟୋ ଅନୁଧ୍ୟାନ କରି ଦୋକାନ କୁ ପୋଡି ଦିଆଯାଇଛି ବୋଲି ତରଭା ଥାନା ରେ ଲିଖିତ ଅଭିଯୋଗ କରି ଥିବାର ସୂଚନା ଦେଇଛନ୍ତି I    ଦୋକାନ ଥିବା ପ୍ରାୟ ଚାରି ଲକ୍ଷ ଟଙ୍କା ର ସାମଗ୍ରୀ ସମେତ ବିକ୍ରି ହୋଇ ଥିବା ଦଶ ହଜାର ଟଙ୍କା ପୋଡ଼ିଯାଇଥିବାର ଅଭିଯୋଗ କରିଛନ୍ତି  I   ଏହି ଘଟଣା ର ତଦନ୍ତ କରାଯାଇ ପ୍ରକୃତ ଘଟଣା ଉନ୍ମୋଚନ କରାଯାଇ କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇ ଅଞ୍ଚଳ ବାସୀ ଦାବୀ ହେଉଛି   I