24-Mar-2024

କଟକ (ପ୍ରେରଣା ଖବର ): ସ୍ଥାନୀୟ ସୁଭଦ୍ରାପୁର ନିକଟସ୍ଥ ସ୍ଵପ୍ନେଶ୍ଵର ମନ୍ଦିର ପ୍ରାଙ୍ଗଣରେ ଫ୍ରେଣ୍ଡସ ଇଲେଭେନ ଅର୍ଗାନାଇଜେସନ୍ ଆନୁକୁଲ୍ୟରେ ୨ୟ ବସନ୍ତ ବିଶ୍ଵାଳ ସ୍ମାରକୀ ଦିବାରାତ୍ର ବଲ୍ ବ୍ୟାଡମିଣ୍ଟନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏହି ପ୍ରତିଯୋଗିତାରେ ଓଡ଼ିଶା ଏବଂ ଓଡିଶା ବାହାରର ୧୦ଗୋଟି ଦଳ ଅଂଶ ଗ୍ରହଣ କରିଥିଲେ। ଫ୍ରେଣ୍ଡସ୍ ଇଲେଭେନର ସମ୍ପାଦକ କାହ୍ନୁ ଚରଣ ବିଶ୍ଵାଳ,କୋଷାଧ୍ୟକ୍ଷ ଅନିଲ କୁମାର ନାୟକ,ସାରା ଆକାଶ କ୍ଲବର ସଭାପତି ଗଜାନନ ବିଶ୍ଵାଳ ଏବଂ କୋଷାଧ୍ୟକ୍ଷ ଅଭିଜିତ୍ ବିଶୋଇ ଖେଳର ଉଦଘାଟନ କରିଥିଲେ। ଅତିଥି ଭାବେ ୫୬ୱାର୍ଡ କର୍ପୋରେଟର ଲିପ୍ସା ନାୟକ, ପୂର୍ବତନ କର୍ପୋରେଟର ତଥା ଆମ ପ୍ରିୟ ବଡଭାଇ ସଂଜୟ କୁମାର ବରାଳ,ବିଶିଷ୍ଟ ସମାଜସେବୀ ବିଶ୍ୱରଞ୍ଜନ ବିଶ୍ଵାଳ,କମଳାକାନ୍ତ ବରାଳ,ଶକ୍ତିରଞ୍ଜନ ଦାସ,ଚିତ୍ତରଞ୍ଜନ ବିଶ୍ଵାଳ ଯୋଗଦାନ କରିଥିଲେ। କଟକ ଜିଲ୍ଲା ବଲ୍ ବ୍ୟାଡମିଣ୍ଟନ ସମ୍ପାଦକ ଅଜୟ କୁମାର ସାହୁ ଏବଂ ସଭାପତି ପାର୍ଥ ସାରଥି ସାମନ୍ତରାୟ ମଧ୍ୟ ଉପସ୍ଥିତ ଥିଲେ। ଲିଙ୍ଗରାଜ ପୃଷ୍ଟି,ମୀନକେତନ ପଣ୍ଡା,ଏମ୍ ଡି ରେହେମାନ୍ ଏବଂ ମହେଶ୍ୱତା ସାହୁ ମ୍ଯାଚ ପରିଚାଳନା କରିଥିଲେ। ପ୍ରତିଯୋଗିତାର ଫାଇନାଲ୍ ମ୍ୟାଚ୍ ଭୁବନେଶ୍ବର ଦଳ ୨-୦ ସେଟରେ ରାୟଗଡାକୁ ପରାସ୍ତ କରି ଚାମ୍ପିୟନ ଆଖ୍ୟା ଅର୍ଜନ କରିଥିଲା। ଚାମ୍ପିୟନ ଦଳକୁ ନଗଦ ୫୦୦୦ ଟଙ୍କା ସହ ଟ୍ରଫି ପ୍ରଦାନ କରାଯିବା ସହିତ ରନର୍ସ ଅପ୍ ଦଳକୁ ନଗଦ ୩୦୦୦ ଟଙ୍କା ସହିତସହ ଟ୍ରଫି ପ୍ରଦାନ କରାଯାଇଥିଲା। ପ୍ରତିଯୋଗିତାଟିକୁ ସାଫଲ୍ୟ ମଣ୍ଡିତ କରିବା ରେ ମା ଚର୍ଚ୍ଚିକା ୟୁଥ ଆସୋସିଏସନ,ବାଙ୍କୀ ଏବଂ ସାରା ଆକାଶ କ୍ଲବ,ସୁଭଦ୍ରାପୁରର ଯୋଗଦାନ ଅବର୍ଣ୍ଣନୀୟ ପରିଶେଷରେ ଗଜାନନ ବିଶ୍ଵାଳ,ଫ୍ରେଣ୍ଡସ୍ ଇଲେଭେନ ପରିବାର ତରଫରୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।