03-Mar-2024

ବଲାଙ୍ଗୀର(ପ୍ରେରଣା ଖବର ): ଗାୟତ୍ରୀ ଶକ୍ତିପୀଠ  ବଲାଙ୍ଗୀର ର ପ୍ରାଣ ପ୍ରତିଷ୍ଠା ଅବସରରେ ସଂକଳ୍ପ ସମାରୋହ ଓ ବୁଦ୍ଧିଜୀବୀ ସମ୍ମିଳନୀ ସ୍ଥାନୀୟ ସାମ୍ବାଦିକ ଭବନ ଠାରେ ଅନୁଷ୍ଠିତ ହୋଇଯାଇଛି। ଗାୟତ୍ରୀ ପରିବାର ଟ୍ରଷ୍ଟ ର ଟ୍ରଷ୍ଟି ଯୁଗଲ କିଶୋର ଝା, ବଲାଙ୍ଗୀର ସାଂସଦ ସଂଗୀତା କୁମାରୀ ସିଂହଦେଓ, ପୂର୍ବତନ ମନ୍ତ୍ରୀ  ପାଟଣା ମହାରାଜା କନକ ବର୍ଦ୍ଧନ ସିଂହଦେଓ,  ଶାନ୍ତିକୁଞ୍ଜ ହରିଦ୍ବାରରୁ  ଆସିଥିବା ଶ୍ରୀରାମ ପ୍ରସାଦ ସାହୁ  ମୁଖ୍ଯ ବକ୍ତା ଭାବରେ ଯୋଗ ଦେଇଥିଲେ l ସମ୍ମାନିତ ଅତିଥି ଭାବରେ  ଜିଲ୍ଲା ପରିଷଦ ସଦସ୍ଯ  ଶିବଦତ୍ତ ମିଶ୍ର ଯୋଗ ଦେଇଥିଲେ।
     ଟ୍ରଷ୍ଟ ସଦସ୍ଯ  ପ୍ରତାପ ଚନ୍ଦ୍ର ଆଚାର୍ଯ୍ଯ ସଂକଳ୍ପ ସମାରୋହ ଓ ବୁଦ୍ଧିଜୀବୀ ସମ୍ମିଳନୀର ଉଦ୍ଦେଶ୍ଯ ଜ୍ଞାପନ କରିବା ସହ  ଏହି ସମାରୋହକୁ ସାମ୍ବାଦିକ ସ୍ବର୍ଗତ ସତ୍ଯନାରାୟଣ ବେହେରାଙ୍କ  ସ୍ମୃତିରେ ଉତ୍ସର୍ଗ କରାଯାଇଥିବା  ପ୍ରକାଶ କରିଥିଲେ l  ମୁଖ୍ଯ ଅତିଥି ବଲାଙ୍ଗୀର ସାଂସଦ ସଂଗୀତା କୁମାରୀ ସିଂହଦେଓ  ତାଙ୍କର ବକ୍ତବ୍ଯରେ ଗାୟତ୍ରୀ ଶକ୍ତିପୀଠ  ନାରୀ ସଶକ୍ତିକରଣ ର ନୂତନ ଚେତନା । ଭାରତୀୟ ଜନ ଜୀବନରେ ନାରୀର ସ୍ଥିତିକୁ ସୁଧାରିଲେ ହିଁ  ଏ ଦେଶ ର ପ୍ରକୃତ ପ୍ରତିଷ୍ଠା  ଆସିପାରିବ ଓ ଦେଶ  କୁ ଏକ ନୂତନ ଦିଗରେ ଆଗକୁ ନେଇହେବ ବୋଲି କହିଥିଲେ l ନାରୀକୁ ତାର ପ୍ରକୃତ ସମ୍ମାନ ଫେରାଇବାର ପ୍ରକ୍ରୀୟା  ଆରମ୍ଭ ହୋଇ ସାରିଥିବା  କହିଥିଲେ। ପୂର୍ବତନମନ୍ତ୍ରୀ  ପାଟଣା ମହାରାଜା କନକ ବର୍ଦ୍ଧନ ସିଂହଦେଓ , ଶାନ୍ତିକୁଞ୍ଜ ହରିଦ୍ବାରରୁ  ଆସିଥିବା ଶ୍ରୀରାମ ପ୍ରସାଦ ସାହୁ,  ଜିଲ୍ଲା ପରିଷଦ ସଦସ୍ଯ  ଶିବଦତ୍ତ ମିଶ୍ର  ବୌଦ୍ଧିକ ଚେତନା ଜାଗ୍ରତ କରିବାକୁ ହେଲେ ଗାୟତ୍ରୀ ମନ୍ତ୍ର ର ଉପଯୋଗିତା, ବଲାଙ୍ଗୀରରେ ଶକ୍ତିପୀଠ  ପ୍ରତିଷ୍ଠା ବିଷୟରେ ବକ୍ତବ୍ଯ ପ୍ରଦାନ କରିଥିଲେ।