26-Feb-2024

ବୀରମହାରାଜପୁର,  (ବିନୋଦ ପାଣ୍ଡେ ) : ବୀରମହାରାଜପୁର ବ୍ଲକ ଅନ୍ତର୍ଗତ ଦେଉଳମୁଣ୍ଡା ଖେଳ ପଡ଼ିଆରେ ଗତ ୨୦ ତାରିଖରୁ ଆରମ୍ଭ ହୋଇଥିବା ୭ମ ମାଁ ମାହେଶ୍ୱରୀ କ୍ରିକେଟ୍ ଟୁର୍ଣ୍ଣାମେଣ୍ଟ  ଉଦଯାପିତ ହୋଇଯାଇଛି । ଉକ୍ତ  ଟୁର୍ଣ୍ଣାମେଣ୍ଟରେ ମୋଟ୍ ୧୬ଟି ଦଳ ଅଂଶ ଗ୍ରହଣ କରିଥିବା ବେଳେ ଗତକାଲି ହୋଇଥିବା ଫାଇନାଲ ମ୍ୟାଚରେ ଘଣ୍ଟପାଲି ଦଳ ନୂଆପାଲି ଦଳକୁ ପରାସ୍ତ କରି ଚାମ୍ପିଅନ ହୋଇଛି । ତିନି ଫର୍ମାଟ ବିଶିଷ୍ଟ ଉକ୍ତ ଫାଇନାଲ ମ୍ୟାଚ୍ ର ପ୍ରଥମ ଫର୍ମାଟରେ ନୂଆପାଲି ଦଳ ବିଜୟୀ ହୋଇଥିବା ବେଳେ ପରବର୍ତ୍ତୀ ଦୁଇଟି ଫର୍ମାଟରେ  ଘଣ୍ଟପାଲି ଦଳ ବିଜୟୀ ହୋଇଥିଲା । ଏହି ଅବସରରେ ଶୁଭ୍ରାଂଶୁ ଶେଖର ପାଢ଼ୀଙ୍କ ପରିଚାଳନାରେ ହୋଇଥିବା ଉଦଯାପନୀ ଉତ୍ସବରେ ବୀରମହାରାଜପୁର ଜିଲ୍ଲା ପରିଷଦ ସଭ୍ୟ  ଲବ କୁମାର ସାହୁ ମୁଖ୍ୟ ଅତିଥି, ସରକାରୀ ଓକିଲ ଶ୍ରୀନିବାସ ଚାନ୍ଦ, ଅବସର ପ୍ରାପ୍ତ ପଞ୍ଚାୟତ ଇ.ଓ ଧୀରେନ୍ଦ୍ର ବାଘ, ବାଗବର ପଞ୍ଚାୟତର ପୂର୍ବତନ ସରପଞ୍ଚ ବ୍ୟୋମକେଶ ପଣ୍ଡା, ଡୁମୁରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ  ଗୋପବନ୍ଧୁ ଭୋଇ, ଶୁଭେନ୍ଦୁ ଚାନ୍ଦ, ଖିରାନ୍ନବ ମହାକୁର ଏବଂ ରାଧାକାନ୍ତ  ବାଘ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇ ବିଜେତା ଦେଉଳମୁଣ୍ଡା ଦଳକୁ ଟ୍ରଫି ସହ ୧୫ ହଜାର ଟଙ୍କା ପୁରସ୍କାର ରାଶି ଏବଂ ଉପ ବିଜେତା ଟାଙ୍ଗରସହି ଦଳକୁ ଟ୍ରଫି ସହ ୯ ହଜାର ଟଙ୍କା ପୁରସ୍କାର ରାଶି ପ୍ରଦାନ କରି ଉତ୍ସାହିତ କରିଥିଲେ । ଉକ୍ତ ଟୁର୍ଣ୍ଣାମେଣ୍ଟରେ ମେନ୍ ଅଫ୍ ଦି ସିରିଜ୍ ଭାବରେ ନୂଆ ପାଲିର ରମେଶ , ମେନ୍ ଅଫ୍ ଦି ମ୍ୟାଚ୍ ଓ ଶ୍ରେଷ୍ଠ ଛକା ପାଇଁ ଘଣ୍ଟପାଲିର ଜିତୁ , ଶ୍ରେଷ୍ଠ ବୋଲର ଭାବରେ ନୁଆପାଲିର ରଞ୍ଜିତ,  , ଶ୍ରେଷ୍ଠ ଫିଲଡର୍ ଭାବରେ ନୁଆପାଲିର  କିଶୋର , ଶ୍ରେଷ୍ଠ ୱିକେଟ୍ ରକ୍ଷକ ଭାବରେ ନୁଆପାଲିର ରାଜକୁମାର ଙ୍କୁ ପୁରସ୍କୃତ କରାଯାଇଥିବା ବେଳେ ଆୟୋଜକ ଦଳର ବୁଲବୁଲ ମହକୁରଙ୍କୁ ଶ୍ରେଷ୍ଠ ସ୍ବେଚ୍ଛସେବୀ ଭାବରେ ସ୍ଵତନ୍ତ୍ର ପୁରସ୍କାର ପ୍ରଦାନ କରାଯାଇଥିଲା । ଆମ୍ପାୟର ଭାବରେ ରଞ୍ଜିତ ଚାନ୍ଦ  ଅଜିତ ଚାନ୍ଦ ଓ ପଦ୍ମଲୋଚନ ପାଢୀ ସମସ୍ତ ମ୍ୟାଚ୍ ପରିଚାଳନା କରିଥିଲେ।