15-Feb-2024

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ନିର୍ବାଚନ ମଣ୍ଡଳୀ ର ଝର୍ଣିପାଲି ଓ ଲୋଇସିଂହା ଠାରେ କଂଗ୍ରେସ ଦଳ ତରଫରୁ ଗୋଲ୍ ଚକ୍ର କାର୍ଯକ୍ରମ ଅନୁଷ୍ଠିତ ହୋଇଥିଲା l ପ୍ରଥମେ ଆଗଲପୁର ବ୍ଲକ ଝରଣିପାଲି ଠାରେ ଶତାଧିକ କଂଗ୍ରେସ କର୍ମୀ ବାଇକ ରେଲି ମାଧ୍ୟମରେ ଶୋଭାଯାତ୍ରା କରି ଏକ ସଭା କାର୍ଯ୍ୟକ୍ରମ ଆୟୋଜନ କରିଥିଲେ l ଶାସନ ଭାର ରେ ଥିବା ଉଭୟ ବିଜେଡି ଓ ବିଜେପି ଦଳର କୁ ଶାସନ ବିଷୟରେ ସୂଚନା ଦେଇଥିଲେ l କଂଗ୍ରେସ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଓ ଜିଲ୍ଲା ସୋସିଆଲ ମିଡ଼ିଆ ସଂଯୋଜକ ଡ଼. ଅର୍ଜୁନ ମୁଗ୍ରୀ ଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଏଆଇସିସି ସଦସ୍ୟ ବିଧୁଭୂଷଣ ତ୍ରିପାଠୀ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ ଲୋଇସିଂହା ନିର୍ବାଚନ ମଣ୍ଡଳୀ ର ସଂଯୋଜକ ଗ୍ଲେଡଷ୍ଟୋନ ତାଣ୍ଡି, ପିତାମ୍ବର ବାରିକ, ରାଜ୍ୟ ଯୁବକଂଗ୍ରେସ ସୋସିଆଲ ମିଡ଼ିଆ ସଦସ୍ୟ ଆଲୋକ ଜେମ୍ସ ଉପସ୍ଥିତ ଥିବାବେଳେ କାର୍ଯ୍ୟ ପରିଚାଳନା କରିଥିଲେ ଆଇନଜୀବୀ ଅଶୋକ ବାରିକ l

ତାଙ୍କ ସମେତ  ଅନେକ କଂଗ୍ରେସ କର୍ମୀ ତଥା ସକ୍ରିୟ ସଦସ୍ୟ ଯୋଗ ଦେଇଥିଲେ l ତା ପରେ ଲୋଇସିଂହା ଅଗ୍ରେସନ ଭବନ ଠାରୁ ଏକ ଶୋଭାଯାତ୍ରା ବାହାରି ବ୍ଲକ ଛକ ପର୍ଯ୍ୟନ୍ତ ଅତିକ୍ରମ କରିଥିଲା। ଉଭୟ ଶାସକ ବିଜେଡି  ଓ ବିଜେପି ଦଳର ଭିତିରିଆ ସମ୍ପର୍କ ଥିବା ନେଇ କଂଗ୍ରେସ୍ ଦଳ ଏକ ନିଆରା କାର୍ଯକ୍ରମ କରିଥିବା ଦେଖା ଯାଇଥିଲା l ଉଭୟ ବିଜେଡି ଓ ବିଜେପି ଦଳ କୁ ବର କନିଆଁ ସଜେଇ ଏକ ବାହାଘର କରା ଯାଇଥିଲା l ବାଜା ବଜାଇ, ଡିଜେ ବଜାଇ ଶହ ଶହ କଂଗ୍ରେସ୍ କର୍ମୀ ଶୋଭାଯାତ୍ରା ରେ ବାହାରି ଲୋଇସିଂହା ପରିକ୍ରମା କରିଥିଲେ। ପରେ ପରେ ଭୋଜନ ର ବ୍ୟବସ୍ଥା କରାଯାଇ କର୍ମୀ ମାନଙ୍କୁ ଖାଇବାକୁ ଦିଆ ଯାଇଥିଲା l