05-Feb-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ହାଇସ୍କୁଲ ଖେଳ ପଡିଆ ଠାରେ ଦୀର୍ଘ ତିନିଦିନ ଧରି ଚାଲିଥିବା ଅଷ୍ଟମ କଣ୍ଟାମାଳ ଲୋକ ମହୋତ୍ସବ ଉଦଯାପିତ ହୋଇଛି l ଶେଷ ସନ୍ଧ୍ୟାରେ ସ୍ଥାନୀୟ କଳାକାରଙ୍କ ସହ ଉମାକାନ୍ତ ବାରିକ ଓ ସାଥୀ ଙ୍କ ଦ୍ୱାରା ପରିବେଷିତ ମେଲୋଡି ଓ ନୃତ୍ୟ ଗୀତରେ ମଞ୍ଚ ଦୁଲୁକି ଉଠିଥିଲା l ଏଥିରେ କଣ୍ଟାମାଳ ବିଧାୟକ ମହୀଧର ରଣା ମୁଖ୍ୟଅତିଥି,ବିଶ୍ଵବାଣୀ ସମ୍ପାଦକ ଅର୍ଜୁନ ମୁଦୁଲି ମୁଖ୍ୟବକ୍ତା,ଜିଲ୍ଲାପରିଷଦ ଉପାଧ୍ୟକ୍ଷ୍ୟ

ଶଙ୍କର୍ଷଣ ପ୍ରଧାନ, ଜିଲ୍ଲାପରିଷଦ ସଭ୍ୟା ସୁମିତ୍ରା ସାହୁ, ସୁଧିର ମହାକୁଡ଼, ସାରଦୁଲ ନାଗ, ଆଶିଷ ସାହୁ, ସଙ୍କେତ ହୋତା, ସାଇ ମହାନନ୍ଦ, ସରୋଜ ସାହୁ, ନୀଳାଞ୍ଚଳ ଭୋଇ, ଶିଶିର ଖଟୁଆ, ସନ୍ତୋଷ ଦନ୍ତା, ରାଧାବଲ୍ଲଭ ପ୍ରଧାନ, ପ୍ରଶାନ୍ତ ରଣା, ପ୍ରେମରାଜ ରଣା, ଶମ୍ଭୁପ୍ରସାଦ ସାହୁ, ବଜରଙ୍ଗଲାଲ ଅଗ୍ରୱାଲ, ଜାନି ସେନାପତି, ମନମୁଣ୍ଡା ଥାନାଧିକାରୀ ଭାବାନନ୍ଦ ପ୍ରଧାନ, କଣ୍ଟାମାଳ ଥାନାଧିକାରୀ ଗୋପୀନାଥ ପ୍ରଧାନ ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇ କଣ୍ଟାମାଳ ଅଂଚଳର ଐତିହ୍ୟ, କଳା, ସଂସ୍କୃତି ଓ ପରମ୍ପରାର ଭୁୟସୀ ପ୍ରଶଂସା କରିଥିଲେ l ବ୍ଲକ ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି ସଭାପତିତ୍ୱ ଓ କମିଟି ସଭାପତି ମହେନ୍ଦ୍ର ଦାଶ ଧନ୍ୟବାଦ ଅର୍ପଣ କରିଥିଲେ  l ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥବା ବ୍ୟକ୍ତିବିଶେଷ ଙ୍କୁ ସମ୍ବର୍ଦ୍ଧିତ କରାଯାଇଥିଲା l   କମିଟି ପକ୍ଷରୁ ମିନlବଜାର, ପଲ୍ଲିଶ୍ରୀ ମେଳା ଓ ଖାଦ୍ୟ ଷ୍ଟଲ ଗୁଡିକରେ ଲୋକଙ୍କ ଗହଳି ଲାଗିଥିଲା l