30-Jan-2024

ଭୁବନେଶ୍ୱର (ପ୍ରେରଣା ଖବର ) : ଭାରତୀୟ ରେଡକ୍ରସ୍ ସୋସାଇଟି, ଓଡ଼ିଶା ରାଜ୍ୟ ଶାଖାର ଅବୈତନିକ ସଚିବଙ୍କ ତତ୍ତ୍ୱବାଧାନରେ ଏକ ପଞ୍ଚଦିବସୀୟ ରାଜ୍ୟସ୍ତରୀୟ କନିଷ୍ଠ ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ଭୁବନେଶ୍ୱରସ୍ଥିତ ନୀଳାଚଳ ପଲିଟେକନିକ୍ ମହାବିଦ୍ୟାଳୟ ପରିସରରେ ଉଦ୍‌ଘାଟନ ହୋଇଯାଇଅଛି । ମୁଖ୍ୟଅତିଥି ଭାବରେ ଅବୈତନିକ ସମ୍ପାଦକ ବିଭୂତି ଭୂଷଣ ପଟ୍ଟନାୟକ ପତାକା ଉତ୍ତୋଳନ କରି ଶିବିରକୁ ଶୁଭାରମ୍ଭ କରିଥିଲେ। 

ପରେ ଅନୁଷ୍ଠିତ ସଭାରେ ସମ୍ପାଦକ ଜୁନିଅର୍ ରେଡ୍ କ୍ରସର ସ୍ବେଛାସେବୀ ମାନଙ୍କୁ ନିଶା ନିବାରଣ,ସଡକ ସୁରକ୍ଷା ନିୟମ ପାଳିବା ,ଉନ୍ନତ ଜୀବନ ଶୈଳୀ ପାଇଁ ଜଙ୍କ ଫୁଡ ଠାରୁ ଦୂରେଇ ରହିବା ସର୍ବୋପରି ପାଠ ପାଢିବା ସହିତ ସମାଜ ସେବା ପାଇଁ ଦିଗଦର୍ଶନ ଦେଇଥିଲେ । ମେଡିକାଲ ଅଧିକାରୀ ରାଘୁନାଥ ବେହୁରା ଶାରିରୀକ ସୁସ୍ଥତା ଉପରେ ଅବଗତ କରିବା ସହବ ରକ୍ତଦାନ ମହାପୁଣ୍ୟ ବିଷୟରେ ସୂଚନା ଦେଇଥିଲେ । ଓଡିଶା ଶାଖା ଯୁବ ରେଡକ୍ରସ ଅଧିକାରୀ ରମେଶ ଚନ୍ଦ୍ର ବେହେରା ଶିବିରରେ ଯୋଗ ଦେଇ ସ୍ଵେଚ୍ଛାସେବୀମାନଙ୍କୁ ବଡ଼ ମଣିଷ ହେବା ଅପେକ୍ଷା, ଜଣେ ଭଲ ମଣିଷ ହେବା ଶ୍ରେୟଷ୍କର ବୋଲି ମତପ୍ରକାଶ କରିଥିଲେ ।ସମ୍ମାନିତ ଅତିଥି ଭାବରେ ନୀଳାଚଳ ପଲିଟେକନିକ ମହାବିଦ୍ୟାଳୟର ଅଧ୍ୟକ୍ଷ ବିଷ୍ଣୁ ଚରଣ ପାତ୍ର ଯୋଗଦେଇ ରେଡକ୍ରସ ଏକ ଅନ୍ତର୍ଜାତୀୟ ସଂସ୍ଥାର ମହନୀୟତା ବିଷୟରେ ବୁଝାଇଥିଲେ ।  ରାଜ୍ୟ ଜୁନିୟର ରେଡକ୍ରସ୍ ଅଧିକାରୀ ଲକ୍ଷ୍ମଣ ସ୍ୱାଇଁ ପଞ୍ଚଦିବସୀୟ ପ୍ରଶିକ୍ଷଣ ଶିବିରର କାର୍ଯ୍ୟସୂଚୀ ଉପରେ ଅବଗତ କରାଇଥିଲେ । 

କାର୍ଯ୍ୟକ୍ରମରେ ରାଜ୍ୟର ୨୭ ଜିଲ୍ଲାରୁ ୪୦୦ରୁ ଅଧିକ ସ୍ଵେଚ୍ଛାସେବୀ ଯୋଗଦେଇଥିଲେ ।  । ପ୍ରାରମ୍ଭରେ କଳାହାଣ୍ଡି ଜିଲ୍ଲା ଜୁନିୟର ରେଡ଼କ୍ରସ ସ୍ୱେଚ୍ଛାସେବୀ ମାନଙ୍କ  ଦ୍ଵାରା ନିଆର ଢଙ୍ଗରେ ଅତିଥିମାନଙ୍କ  ସୁସ୍ବାଗତ କରାଯାଇଥିଲା । କାର୍ଯ୍ୟକ୍ରମକୁ ସାଧନକର୍ମୀ ମୂରଲୀଧର ପରିଡ଼ା ସଂଯୋଜନା କରିଥିବା ବେଳେ କୋରାପୁଟ ଜିଲ୍ଲା ଜୁନୟର ରେଡକ୍ରସ ଅଧିକାରୀ ଓ ବରିଷ୍ଠ ସାଧନକର୍ମୀ  ଯଜ୍ଞେଶ୍ଵର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।ପ୍ରଥମ ଅଧିବେଶନ  ରାଜ୍ୟ ଯୁବ ରେଡକ୍ରସ୍ ସଂଯୋଜକ ଡ. ଗୋପାଳ କୃଷ୍ଣ  ମିଶ୍ର ରେଡକ୍ରସ ଇତିହାସ ବିଷୟରେ ପ୍ରଶିକ୍ଷଣ ଦେଇଥିଲେ ଓ ଓଡିଶା ରାଜ୍ୟ ଏଡ୍ସ  କଣ୍ଟ୍ରୋଲ ସୋସାଇଟି ର ଶ୍ରୀଯୁକ୍ତ ସଞ୍ଜୟ କୁମାର ମହାପାତ୍ର  ଏଚ ଆଇ ଭି  ଏଡ୍ ସ ଓ ତାହାର ନିରାକରଣ ଉପରେ ଆଲୋକପାତ କରିଥିଲେ । ପିଲାଙ୍କୁ ପ୍ରତିଯୋଗିତା ମାଧ୍ୟମରେ ସଚେତନ କରିଥିଲେ ।