30-Jan-2024

ଆଗଲପୁର, (ପ୍ରେରଣା ଖବର) ଆଗଲପୁର ବ୍ଲକ୍ କାର୍ଯ୍ୟଳୟ ରେ ଯୁଗ୍ମ ଜନ ଶୁଣାଣୀ ଅଭିଯୋଗ ଶିବିର ଅନୁଷ୍ଠିତ ହୋଇଥିଲା l ବ୍ଲକ୍ ରେ ଅନେକ ଥର ଏପରି ଶିବିର ଅନୁଷ୍ଠିତ ହୋଇଥିଲେ ମଧ୍ଯ ଲୋକେ ନ୍ୟାୟ ପାଇବାରୁ ବଞ୍ଚିତ ହୋଇଥିବା ଅଭିଯୋଗ ହୋଈଛି l ସୂଚନା ରୁ ପ୍ରକାଶ ଯେ ଆଗଲପୁର ବ୍ଲକ ରେ ଅନେକ ଲୋକ ଅଭିଯୋଗ ପତ୍ର ଦାଖଲ କରୁଛନ୍ତି ହେଲେ ପ୍ରକୃତ କାର୍ଯ୍ୟାନୁଷ୍ଠାନ ହେଉନାହିଁ ବୋଲି ଲୋକେ ଅଭିଯୋଗ କରିଛନ୍ତି l ଭରସୁଜା ପଂଚାୟତ ରେ ଦୀର୍ଘ ୮ ମାସ ହେବ ପଞ୍ଚୁ ପଧାନ ନାମକ ଜଣେ ବ୍ୟକ୍ତି ଯିଏ ଆଗଲପୁର ବ୍ଲକ୍ ବିଜେଡି ସଭାପତି ଭରସୁଜା ପଂଚାୟତ ର ମନରେଗା କାର୍ଯ୍ୟ ରେ 30 ଲକ୍ଷ ଟଙ୍କା ର ଦୁର୍ନୀତି ହୋଇଥିବା ଅଭିଯୋଗ ପତ୍ର ଦାଖଲ କରିଥିଲେ l ହେଲେ ଦୀର୍ଘ ୮ ମାସ ହେବ ତାହାର କୌଣସି କାର୍ଯ୍ୟାନୁଷ୍ଠାନ କିମ୍ବା ପଦକ୍ଷେପ ନ ନେବା ଆଶ୍ଚର୍ଯ୍ୟ ର ବିଷୟ ବୋଲି ପ୍ରକାଶ କରିଛନ୍ତି l ଏ ଭିତରେ ଅନେକ ଥର ଅଭିଯୋଗ ଶିବିର ହୋଇଥିଲେ ମଧ୍ୟ ଉକ୍ତ ବିଷୟ ପ୍ରତି କାହାରି ଦୃଷ୍ଟି ପଡୁନାହିଁ l ଶ୍ରୀ ପଞ୍ଚୁ ପଧାନ ଅସନ୍ତୋଷ ପ୍ରକାଶ କରି କହିଛନ୍ତି ଯେ ବିଭାଗୀୟ ଅଧିକାରୀ ତଥା ବ୍ଲକ୍ ଗୋଷ୍ଠୀ ଉନ୍ନୟନ ଅଧିକାରୀ କେହିବି ଦୃଷ୍ଟି ଦେଉ ନାହାନ୍ତି l ସେ ଏ ବାବଦକୁ ନେଇ ଆମକୁ ପ୍ରତିକ୍ରିୟା ଦେଇଛନ୍ତି l ଏ ସମ୍ପର୍କରେ ଉପ ଜିଲ୍ଲାପାଳ ଓ ଗୋଷ୍ଠୀ ଉନ୍ନୟନ ଅଧିକାରୀ ଙ୍କ ପ୍ରତିକ୍ରିୟା ନିଆ ଯାଇଛି l ଏହି କାର୍ଯ୍ୟକ୍ରମ ରେ ଉପ ଜିଲ୍ଲାପାଳ ଶ୍ରୀ ଲମ୍ବୋଦର ଧରୁଆ ,ପୋଲିସ ଅଧିକାରୀ, ବିଡ଼ିଓ କୁଲଦୀପ ମହାନ୍ତି, ସମସ୍ତ ବିଭାଗର ଜିଲ୍ଲା ଅଧିକାରୀ ଉପସ୍ଥିତ ଥିଲେ।ଅଭିଯୋଗ ଶୁଣାଣୀ ଶିବିର ରେ ଅଳ୍ପ ସଂଖ୍ୟକ ଅଭିଯୋଗକାରୀ ମାନଙ୍କୁ ଦେଖିବାକୁ ମିଳିଥିଲା l ଅଭିଯୋଗ ଶୁଣାଣୀ ଶିବିର ରେ ଲୋକଙ୍କ ଅସନ୍ତୋଷ ହେଉ ବା ପ୍ରଚାର ପ୍ରସାର ର ଅଭାବରୁ କମ ସଂଖ୍ୟକ ଲୋକ ବ୍ଲକ୍ ରେ ଦେଖିବାକୁ ମିଳିଥିଲା l