15-Jan-2024

ବୌଦ୍ଧ /ହରଭଙ୍ଗା: ଭାରତ ସରକାରଙ୍କ କ୍ରୀଡ଼ା ଓ ଯୁବ ମନ୍ତ୍ରଣାଳୟ ଅଧୀନସ୍ଥ ନେହେରୁ ଯୁବ କେନ୍ଦ୍ର ବୌଦ୍ଧ ଓ ମୟୂରୀ ଯୁବକ ସଙ୍ଘ ଗୁଣ୍ଡୁରୀସାହି ମିଳିତ ଆନୁକୂଲ୍ୟରେ ସ୍ୱାମୀ ବିବେକାନନ୍ଦଙ୍କ ଜୟନ୍ତୀ ସପ୍ତାହ ବା ଜାତୀୟ ଯୁବ ସପ୍ତାହ ପାଳନ ଅବସରରେ ଚତୁର୍ଥ ଦିନରେ ହରଭଙ୍ଗା ବ୍ଲକ ଛତ୍ରଙ୍ଗ ପଞ୍ଚାୟତ ଅନ୍ତର୍ଗତ ଧୁଙ୍ଗିଆମୁଣ୍ଡା ଗ୍ରାମରେ ସମାଜସେବା ଦିବସ ପାଳିତ ହୋଇଛି!ଏହା ସହ ମାଗଣା ସ୍ୱାସ୍ଥ୍ୟ ଶିବିର ଉଦଯାପିତ ହୋଇଯାଇଛି l ଏହି ଅବସରରେ ମୟୂରୀ ଯୁବକ ସଙ୍ଘର ଉପ ସଭାପତି ଜ୍ୟୋତ୍ସ୍ନାମୟୀ ବେହେରାଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବେ ଛତ୍ରଙ୍ଗ ପଞ୍ଚାୟତ ଏ ଏନ ଏମ ସ୍ୱାସ୍ଥ୍ୟ କର୍ମୀ ମମତା ପଟ୍ଟନାୟକ , ସମ୍ମାନୀତ ଅତିଥି ଭାବେ ସ୍ଥାନୀୟ ଅଙ୍ଗନୱାଡି କର୍ମୀ ସେବତୀ କହଁର, ଆଶା କର୍ମୀ ଝିଲ୍ଲୀରାଣୀ ବେହେରା ଯୋଗ ଦେଇ ସମସ୍ତଙ୍କୁ ସ୍ୱାସ୍ଥ୍ୟ ସଚେତନତା ବାର୍ତ୍ତା ରଖିଥିଲେ l ସ୍ୱାସ୍ଥ୍ୟ ଶିବିରକୁ ପରିଚାଳନା ନିମନ୍ତେ ଡ଼କ୍ଟର ଶ୍ରଦ୍ଧା ସୁମନ ପଟ୍ଟନାୟକ , ଏ ଏନ ଏମ ଜ୍ୟୋତ୍ସ୍ନା କହଁର, ଫାର୍ମାସିଷ୍ଟ ହରପ୍ରିୟା ସାହୁ ପ୍ରମୁଖ ଯୋଗଦେଇ ସମସ୍ତଙ୍କ ଜ୍ଵର, କାଶ, ଆଣ୍ଠୁଗଣ୍ଠି ବ୍ୟଥା, ମୁଣ୍ଡ ବ୍ୟଥା, ପେଟବ୍ୟଥା, ଚର୍ମ ରୋଗ ଭଳି ଅନ୍ୟାନ୍ୟ ସମସ୍ତ ରୋଗର ପରୀକ୍ଷା କରିଥିଲେ l ଏହି ଶିବିରରେ 60 ଜଣଙ୍କର ମାଗଣା ସ୍ୱାସ୍ଥ୍ୟ ପରୀକ୍ଷା କରିବା ସହ ଔଷଧ ବଣ୍ଟନ କରିଥିଲେ l ଯୁବକ ସଙ୍ଘର ସଭାପତି କମଳ ଜଗଦଳା ସ୍ୱାଗତ ଭାଷଣ ଦେଇଥିବା ବେଳେ ଜାତୀୟ ଯୁବ ସ୍ବେଛାସେବୀ ତଥା ଯୁବକ ସଙ୍ଘର ସମ୍ପାଦକ ସୁଧିର ଦୀପ ଧନ୍ୟବାଦ ଅର୍ପଣ କରିଥିଲେ l

(ଦୁର୍ଯ୍ୟୋଧନ ବିଶି ଙ୍କ ରିପୋର୍ଟ )