14-Jan-2024

ଲୋଇସିଂହା, (ପ୍ରେରଣା ଖବର) ମହତ ଉଦ୍ଦେଶ୍ୟ ନେଇ ରାଜ୍ୟ ସରକାର ବସୁଧା ଯୋଜନା କାର୍ଯ୍ୟକାରୀ କରିଛନ୍ତି l ଏଥିପାଇଁ ଗାଁ ଗାଁରେ ଓଭେହେଡ ଟାଙ୍କି ଓ ଟେଙ୍କ ନିର୍ମାଣ କାମ ଚାଲିଛି l ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ରେ କଚ୍ଛପ ଗତିରେ କାମ ଚାଲିଛି l ବ୍ଲକରେ ଚାଳିଥିବା କେତେକ ପ୍ରକଳ୍ପ କାମ ବନ୍ଦ ଥିବା ଦେଖିବାକୁ ମିଳିଛି। କାମ କରୁଥିବା ଏଜେନ୍ସି ଗୁଡ଼ିକ ମାସାଧିକ ସମୟ ହେଲା ଶ୍ରମିକଙ୍କୁ ପ୍ରାପ୍ୟ ଦେଉ ନଥିବାରୁ ଏଭଳି ପରିସ୍ଥିତି ସୃଷ୍ଟି ହୋଇଛି l ସରକାର ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ଡିମଣ୍ଡିମ ପିଟୁଛନ୍ତି। ହେଲେ ବିଭାଗୀୟ ଅବହେଳାରୁ ପ୍ରକଳ୍ପ ଅଗ୍ରଗତି ହେଉ ନ ଥିବାରୁ ସାଧାରଣ ରେ ଅସନ୍ତୋଷ ପ୍ରକାଶ ପାଇଛି। ପଞ୍ଚାୟତି ରାଜ ଓ ପାନୀୟଜଳ ବିଭାଗ ପକ୍ଷରୁ ବ୍ଲକର ଭାଲିଆମୁଣ୍ଡା, ଅଗଲାପାଲି, ଛେଲବାହାଲ, ପତ୍ରପାଲି, ଭୋଇପାଲି ଆଦି ସ୍ଥାନରେ ବସୁଧା ପ୍ରକଳ୍ପ କାମ ଚାଲିଛି। ବିଭିନ୍ନ ଏଜେନ୍ସୀ କାମ କରୁଛନ୍ତି। ସବୁଠି ପ୍ରକଳ୍ପ ଅଧାପନ୍ତରିଆ ହୋଇଛି। ପ୍ରାୟ ମାସରୁ ଅଧିକ ସମୟ ହେଲା ପ୍ରକଳ୍ପ କାମ ବନ୍ଦ ରହିଛି। କେଉଁ ପରିସ୍ଥିତି କାମ ବନ୍ଦ ରହିଛି ତାହା ଜାଣିବା ପାଇଁ ଚେଷ୍ଟା କରିବାରୁ ଜଣା ଯାଇଛି ଯେ , କୌଣସି କାରଣ କୁ ନେଇ ବିଭାଗୀୟ ନିର୍ବାହୀ ଯନ୍ତ୍ରୀ ଏଜେନ୍ସି ଗୁଡ଼ିକୁ ବିଲ ପେମେଣ୍ଟ କରୁନାହାନ୍ତି l ଫଳରେ ପ୍ରକଳ୍ପରେ ନିୟୋଜିତ ଶ୍ରମିକଙ୍କୁ ପ୍ରାପ୍ୟ ମିଳିନି l ପ୍ରାପ୍ୟ ନ ପାଇ ଶ୍ରମିକ ପରିବାର ଅସୁବିଧାର ସମ୍ମୁଖୀନ ହେଉଛନ୍ତି। ଶ୍ରମିକ ମାନେ ଏହି  ପ୍ରକଳ୍ପ କାମ ବନ୍ଦ କରି ବିକଳ୍ପ ଭାବେ ଅନ୍ୟତ୍ର କାମ କରିଯିବାକୁ ବାଧ୍ୟ ହୋଇଛନ୍ତି। ଶ୍ରମିକ ଅଭାବ ରୁ ବସୁଧା ପ୍ରକଳ୍ପ ଠପ୍ ହୋଇପଡିଛି ପ୍ରକଳ୍ପ ଠିକଣା ସମୟର ସରିବା ନେଇ ପ୍ରଶ୍ନବାଚୀ ସୃଷ୍ଟି କରିଛି l ଏଠି ସରକାର ବସୁଧା ଯୋଜନା ବିଚ୍ୟୁତ ହୋଇଥିବା ସାଧାରଣ ରେ ଆଲୋଚନା ହେଉଛି l