13-Jan-2024

ବଲାଙ୍ଗିର (ଚିତ୍ରସେନ ବେହେରା): ବର୍ଷଟିଏ ମଧ୍ଯ ଯାଇ ନି, ବଲାଙ୍ଗୀର ଶିଶୁ ଉଦ୍ୟାନର ମୂଲ୍ୟବାନ ଲାଇଟ  ଓ ଶିଶୁ ମାନଙ୍କ ପାଇଁ ଉଦ୍ଦିଷ୍ଟ ଖେଳନା ସମାଗ୍ରୀ ସବୁ ନଷ୍ଟ ହେବାକୁ ବସିଛି l 
ଆମେ କହୁଛୁ ବଲାଙ୍ଗିର ଜିଲ୍ଲାପାଳଙ୍କ ବାସଭବନ ସନ୍ନିକଟ ବିଜୁ ପଟ୍ଟନାୟକ ଶିଶୁ ଉଦ୍ୟାନର କଥା l

ଲୋକଙ୍କ ଅବସର ବିନୋଦନ ପାଇଁ ବଲାଙ୍ଗୀର ସହରର ଏକମାତ୍ର ବିଜୁ ପଟ୍ଟନାୟକ ଶିଶୁ ଉଦ୍ୟାନ ବାହାରୁ ଚାକ୍ ଚାକ ଦେଖା ଯାଉଥିଲେ ହେଁ ଭିତରେ ଖୋଖଲା ହୋଇ ସାରିଲାଣି। ନିର୍ମାଣର ବର୍ଷ ଟିଏ ନ ହେଉଣୁ ଶିଶୁ ଉଦ୍ୟାନର ଏପରି ଦୟନୀୟ ଅବସ୍ଥା l ଶିଶୁଙ୍କ ଅକର୍ଷଣୀୟ ଖେଳଣା ସମାଗ୍ରୀ ବର୍ତ୍ତମାନ ଅକାମୀ ହୋଇ ପଡିଛି l 'ସରକାର କେ ମାଲ ଦରିଆ ମେ ଡାଲ' ସଦୃଶ ଲକ୍ଷାଧିକ ଟଙ୍କା ସରକାରୀ ଅନୁଦାନରେ ନିର୍ମିତ ଏହି ପାର୍କ ଟି ଏବେ ନିଜର ସୌନ୍ଦର୍ଯ୍ଯ ହରାଇ ବସିଛି l ରକ୍ଷଣାବେକ୍ଷଣ ଅଭାବରୁ ପାର୍କ ରେ ଖଞ୍ଜା ହୋଇଥିବା ଅତ୍ୟାଧୁନିକ ସମାଗ୍ରୀ ସବୁ ଅକାମୀ ହୋଇ ଯାଇଥିବାରୁ ଏଠାକୁ ଆସୁଥିବl ଲୋକଙ୍କ ମଧ୍ୟରେ ଅସନ୍ତୋଷ ସ୍ରୁଷ୍ଟି ହୋଇଛି l  ବିଶେଷ କରି ସକାଳେ ଓ ସଂଧ୍ଯା ସମୟରେ ଏହି ପାର୍କରେ ବହୁ ଶିଶୁ ଓ ସ୍ଥାନୀୟ ଅଂଚଳର ଲୋକଙ୍କ ସମାଗମ ହୋଇଥାଏ l ତବେ ଉପଯୁକ୍ତ ରକ୍ଷଣାବେକ୍ଷଣ ଅଭାବରୁ ଏହି ପାର୍କ ରୁ ମୁହଁ ମୋଡି ଦେଉଛନ୍ତି ଲୋକେ l ଏହି ପୁରାତନ ଶିଶୁ ଉଦ୍ୟାନର ରକ୍ଷଣାବେକ୍ଷଣ ପ୍ରତି ସରକାର ଦୃଷ୍ଟି ଦେବାକୁ ଅନୁରୋଧ କରାଯାଇଛି l