12-Jan-2024

ବଲାଙ୍ଗିର(ଚିତ୍ରସେନ ବେହେରା ): ବ୍ୟସନ ମୁକ୍ତ ସାମାଜ ଗଠନ ଦିଗରେ ଆମର ଯୁବ ସାମାଜକୁ ନିଶା ଗ୍ରହଣରେ ହେଉଥିବା ବିଭିନ୍ନ ପୋଷ୍ଟର ପ୍ଲେ କାର୍ଡ ନେଇ ସ୍ଵାମୀ ବିବେକାନନ୍ଦ ଙ୍କ ଜୟନ୍ତୀ ଜାତୀୟ ଯୁବ ଦିବସରେ ଗାୟତ୍ରୀ ପରିବାର ବଲାଙ୍ଗିର ପକ୍ଷରୁ ଏକ ସଚେତନତା ଶୋଭାଯାତ୍ରା ବାହାରି ଥିଲା। ଆଜି ଅପରାହ୍ନ ତିନି ଘଣ୍ଟା ରୁ ଗୋପାଳଜୀ ମନ୍ଦିର ପରିସରରେ ଥିବା ଗାୟତ୍ରୀ ଶକ୍ତି ପୀଠ ରୁ ସ୍ବାମୀ

ବିବେକାନନ୍ଦଙ୍କ ପ୍ରତିକୃତିରେ ଦୀପ ପ୍ରଜ୍ବଳନ ପରେ ବଲାଙ୍ଗିର ଜିଲ୍ଲା ସଂଯୋଜକ ସତ୍ୟନାରାୟଣ ଗୁପ୍ତା ଙ୍କ ନେତୃତ୍ଵରେ ଜିଲ୍ଲାର ବିଭିନ୍ନ ଆଞ୍ଚଲ ଏଥିରେ କୁଡାସିଂହା ପ୍ରଜ୍ଞାପିଠ ପରିଜନ ବୃନ୍ଦ, ପୁଇଁତଳା ବ୍ଳକ, ବଲାଙ୍ଗିର ବ୍ଲକ,ଦେଓଗାଁ ବ୍ଲକ ବଲାଙ୍ଗିର ନଗର ରୁ ଆସିଥିବା ପରିଜନ ମହିଳା ସଦସ୍ଯ, ଯୁବା ବାହିନୀ ସଦସ୍ଯ ମାନେ ସହର ମଧ୍ୟରେ ଯାଇ ସମଲେଇଶ୍ବରୀ ମନ୍ଦିର, ଦୈନିକ ବଜାର, ଟିକରାପଡ଼ା, କଳାମଣ୍ଡଳ ପୁରୁଣା ସରକାରୀ ଓ ଘରୋଇ ବସଷ୍ଟାଣ୍ଡ ହୋଇ ସଂସ୍ଥା ର ପ୍ରସ୍ତୁତ ବିଭିନ୍ନ ପୁସ୍ତକ ପ୍ରଚାର ପତ୍ର ରାସ୍ତାରେ ବିଭିନ୍ନ ଲୋକଙ୍କୁ ବଣ୍ଟନ କରି ଥିଲେ । ବିଭିନ୍ନ ସ୍ଥାନରେ ନିଶା ପାନ ବିଡି ଗୁଟକା ଦ୍ଵାରା ଦେଉଥିବା କୁ ପରିଣାମ ଉପରେ ଲୋକଙ୍କୁ ସଚେତନ କରିଥିଲେ I ଆମ ଦେଶରେ ଯୁବସମାଜ ର ବ୍ୟସନ ରେ ଅଭ୍ୟସ୍ତ ହୋଇ କୁପଥଗାମୀ ହେଉଥିବା ଉପରେ ଅଖିଳ ବିଶ୍ଵ ଗାୟତ୍ରୀ

ପରିବାର ହରିଦ୍ଵାର ଆହ୍ଵାନରେ ସମଗ୍ର ଦେଶରେ ବ୍ୟସନ ମୁକ୍ତ ସ୍ଵର୍ଣ୍ଣିମ ଭାରତ ଗଠନ ଦିଗରେ ମହା ଅଭିଯାନ ଆରମ୍ଭ କରିଛି ଏହି କ୍ରମରେ ବଲାଙ୍ଗିର ଗାୟତ୍ରୀ ପରିବାର ବର୍ଷ ତମାମ ବିଭିନ୍ନ ସଂସ୍କାର କାର୍ଯ୍ୟକ୍ରମ କରୁଛି। ଆଜିର ଦିନରେ ଯୁବା ଦିବସ ପାଳିତ କରି ଶୋଭାଯାତ୍ରା ମାଧ୍ୟମ ସଚେତନତା ସ୍ରୁଷ୍ଟି ଦିଗରେ ରେ ପ୍ରୟାସ ରତ ହୋଇଥିଲା।