12-Jan-2024

ନବରଙ୍ଗପୁର ( ମିହିର ଶଙ୍କର ପାତ୍ର,) ନବରଙ୍ଗପୁର ମହାବିଦ୍ୟାଳୟର ଯୁବ ରେଡ଼କ୍ରସ ପକ୍ଷରୁ ସ୍ମାର୍ଟ୍ ଶ୍ରେଣୀ ଗୃହରେ ସ୍ବାମୀ ବିବେକାନନ୍ଦ ଜୟନ୍ତୀ ତଥା ଜାତୀୟ ଯୁବ ଦିବସ ପାଳିତ ହୋଇଯାଇଛି।ମହାବିଦ୍ୟାଳୟର ଅଧ୍ୟକ୍ଷ ଡ଼. ଭାସ୍କର ନାଥ ବିଶ୍ଵାଳଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବରେ ଜିଲ୍ଲା ପୋଲିସ ଉପ ଅଧୀକ୍ଷକ ତଥା ସାହିତ୍ୟିକ ଡ଼. ଚନ୍ଦ୍ରଶେଖର ହୋତା ଓ ଜିଲ୍ଲା ରେଡକ୍ରସ ଆବାହକ ଶ୍ରୀ ଦିଲ୍ଲୀପ କୁମାର ହୋତାଙ୍କ ଆତିଥ୍ୟ ରେ ଏହି ଉତ୍ସବ ପାଳନ କରାଯାଇଥିଲା । ଡ଼. ବିଶ୍ୱାଳ ଏହି ଉତ୍ସବରେ ଯୋଗ ଦେଇଥିବା ଅତିଥିମାନଙ୍କ ପରିଚୟ ପ୍ରଦାନ ପୂର୍ବକ ସ୍ୱାଗତ ଅଭିଭାଷଣ ଦେଇ ଯୁବ ଦିବସର ମହତ୍ୱ ସଂପର୍କରେ ଆଲୋକପାତ କରିଥିଲେ। ଏହି ଅବସରରେ ମୁଖ୍ୟ ଅତିଥି ଭାବରେ ଜିଲ୍ଲା ପୋଲିସ ଉପ ଅଧୀକ୍ଷକ ତଥା ସାହିତ୍ୟିକ ଡ଼ଃ ଚନ୍ଦ୍ରଶେଖର ହୋତା ଯୋଗ ଦେଇ ବିବେକାନନ୍ଦଙ୍କ ଜୀବନୀ ଓ ତାଙ୍କର ନୀତି ଆଦର୍ଶକୁ  ଅନୁସରଣ କରି ଯୁବପିଢି ଦେଶ ମାତୃକାର ସେବା କରିବା ପାଇଁ ଆହ୍ବାନ ଦେଇଥିଲେ ।

ସେହିପରି ଜିଲ୍ଲା ରେଡକ୍ରସ୍ ଆବାହକ ଶ୍ରୀ ଦିଲୀପ କୁମାର ହୋତା ସ୍ଵାମୀ ବିବେକାନନ୍ଦଙ୍କ ବ୍ୟକ୍ତିତ୍ଵ ଓ ସମାଜ ପ୍ରତି ଥିବା ଅବଦାନ ସଂପର୍କରେ କହିଥିଲେ । ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କ ମଧ୍ୟରେ "ସ୍ବାମୀ ବିବେକାନନ୍ଦ ଓ ଯୁବ ସମାଜ" ଉପରେ ପ୍ରବନ୍ଧ ରଚନା ଏବଂ ବକ୍ତୃତା ପ୍ରତିଯୋଗିତା କରାଯାଇଥିଲା । ଏଥିରେ ଯୁବ ରେଡକ୍ରସ୍ କାଉନସିଲର ରାଜନୀତି ବିଜ୍ଞାନ ଅଧ୍ୟାପିକା ନିର୍ମଳା ହୀକକା, ଇଂରାଜୀ ବିଭାଗ ଅଧ୍ୟାପିକା ରଜନୀ ମିଞ୍ଜ ଓ ରାଜନୀତି ବିଜ୍ଞାନ ଅଧ୍ୟାପକ ହରିଶ୍ ଚନ୍ଦ୍ର ଶବର ବିଚାରକ ଦାୟିତ୍ଵ ନିର୍ବାହ କରିଥିବା ବେଳେ ଦର୍ଶନ ଶାସ୍ତ୍ର ବିଭାଗ ମୁଖ୍ୟ ଶମ୍ଭୁ ପ୍ରାସାଦ ହୋତା ସମ୍ପୂର୍ଣ୍ଣ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଇଂରାଜୀ ବିଭାଗ ଅଧ୍ୟାପକ ସଚିନ ପଣ୍ଡା, ରାଜନୀତି ବିଜ୍ଞାନ ବିଭାଗ ଅଧ୍ୟାପକ ପ୍ରଦୀପ୍ତ ଦାସ ପ୍ରମୁଖ ସହଯୋଗ କରିଥିଲେ