12-Jan-2024

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଜିଲ୍ଲାରେ ଲୋକକଳା ମାଧ୍ୟମରେ ଜନସାଧାରଣ ଯେପରି ସରକାର ଙ୍କ  ଦ୍ଵାରା ପ୍ରୟୋଜିତ ବିଭିନ୍ନ କଲ୍ୟାଣକାରୀ ଯୋଜନା ସମ୍ବନ୍ଧରେ ଅବଗତ ହୋଇପାରିବେ ସେଥିପାଇଁ ଜିଲ୍ଲାର ଲୋକକଳାକାର ମାନଙ୍କ ଦ୍ୱାରା ପାରମ୍ପରିକ ଲୋକ କଳା ମାଧ୍ୟମରେ ସୂଚନା ଶିକ୍ଷା ଓ ଯୋଗାଯୋଗ ଅଭିଯାନ ସମ୍ପର୍କରେ ଏକ ଦିବାସୀୟ କର୍ମଶାଳା ସ୍ଥାନୀୟ ଜିଲ୍ଲାପରିଷଦ ସଭା ଗୃହ ରେ ଅନୁଷ୍ଠିତ ହୋଇଯାଇଛି  I ଏହି କ୍ରମରେ ସୁବର୍ଣ୍ଣପୁର ଜିଲ୍ଲାରେ ସୂଚନା ଓ ଲୋକସମ୍ପର୍କ ବିଭାଗ ଏବଂ ଓଡିଶା ଭାଷା ସାହିତ୍ୟ ଓ ସଂସ୍କୃତି ବିଭାଗ ମିଳିତ ଆନୁକୁଲ୍ୟରେ ଜିଲ୍ଲାର ୬ ଗୋଟି ବ୍ଲକର ସମସ୍ତ ବି ଏସ ଏସ ଓ, ଉପସଭାପତି ବି କେ ଏସ ଏସ ଓ ୨ ଜଣ କଳା ସଂସାଧନ ସଭ୍ୟଙ୍କ ତାଲିମ ଶିବିର ଆଜି ତା ୧୧/0୧/୨୪ ରେ ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନାର  ପ୍ରଚାର  ପ୍ରସାର  ଲୋକକଳା ମାଧ୍ୟମରେ କରିବା ପାଇଁ ରାଜ୍ୟ ସ୍ତରରେ ପ୍ରଶିକ୍ଷକ ଭାବରେ ଜିଲ୍ଲାରୁ  ଜେଡ କେ ଏସ ଏସ ଉପ ସଭାପତି ମାନଭଞ୍ଜନ ମିଶ୍ର ପ୍ରଶିକ୍ଷଣ ଗ୍ରହଣ କରିଛନ୍ତି l ଜିଲ୍ଲା  ସ୍ତରୀୟ ଏହି ଏକ ଦିନିଆ ପ୍ରଶିକ୍ଷଣ ଶିବିର କୁ ଜିଲ୍ଲା ପର୍ଯ୍ୟବେକ୍ଷକ ସଚିବ ଓଡିଶା ସଙ୍ଗୀତ ନାଟକ ଏକାଡେମୀ ଶ୍ରୀଯୁକ୍ତ ପ୍ରବୋଧ ରଥ ଉଦ୍ ଘାଟନ କରି କହିଲେ ଯେ ଏହା ଦ୍ଵାରା ଜିଲ୍ଲା ର କୋଣ ଅନୁକୋଣ ର ଜନସାଧାରଣ ସରକାରଙ୍କ  ସମସ୍ତ ଯୋଜନା ସମ୍ବନ୍ଧୀୟ ସୂଚନା ଅବଗତ ହୋଇପାରିବା ସହିତ କଳାକାର ମାନଙ୍କ ପ୍ରତିଭାର ବିକାଶ ସହ ସେମାନଙ୍କ ଆର୍ଥିକ ଉନ୍ନତି ହୋଇ ପାରିବ ବୋଲି  ମତ ବ୍ୟକ୍ତ  କରି  ଜିଲ୍ଲାର ସମସ୍ତ ଛଅ ଟି ବ୍ଲକର କଳା ସଂସାଧନ ସଭ୍ଯ ତଥା ସମ୍ପୃକ୍ତ ବିଭାଗୀୟ ଅଧିକାରୀଙ୍କୁ କାର୍ଯ୍ୟକ୍ରମର ବ୍ୟବସ୍ଥିତ ଓ ସଠିକ ପରିଚାଳନା ନିମନ୍ତେ ଉପାଦେୟ ପରାମର୍ଶ ଦେଇଥିଲେ  I ଜିଲ୍ଲା ସଂସ୍କୃତି ଅଧିକାରୀ ଯମୁନା ପ୍ରଧାନ ପ୍ରଶିକ୍ଷଣ ଶିବିରର ଉଦ୍ଦେଶ୍ଯ ସମ୍ବନ୍ଧରେ ଆଲୋକପାତ କରି ସରକାରଙ୍କ ଦ୍ୱାରା ପ୍ରସ୍ତୁତ ମାର୍ଗ ଦର୍ଶନର ବିସ୍ତୃତ ଆଲୋଚନା କରିଥିଲେ I  ଉପସ୍ଥିତ ଜିଲ୍ଲା ସଂସାଧନ ମାନଭଞ୍ଜନ ମିଶ୍ର ବିଭିନ୍ନ କଲ୍ୟାଣକାରୀ ଯୋଜନା ଯଥା ବିଜୁସ୍ୱାସ୍ଥ୍ୟ କଲ୍ୟାଣ, ମମତା , ହରିଶ୍ଚନ୍ଦ୍ର , ମଧୁବାବୁ ପେନସନ, ମିଶନ ଶକ୍ତି, ଓଡ଼ିଆ ଆଦର୍ଶ ବିଦ୍ୟାଳୟ, ଫସଲ ବୀମା, ଫସଲ ଋଣ, ଆମ ହସ୍ପିଟାଲ, କ୍ରୀଡା, ଆମ ଓଡିଶା ନବୀନ ଓଡିଶା, 5 T ହାଇସ୍କୁଲ ରୂପାନ୍ତରିକରଣ ସହ ନୂତନ ଆଉ ଚାରି ଗୋଟି ଲୋକ

ଯୋଜନା ଯଥା ସ୍ୱତନ୍ତ୍ର ଉନ୍ନୟନ ପରିଷଦ ଗଠନ, ଆମ ବ୍ୟାଙ୍କ, ଐତିହ୍ୟ ସ୍ଥଳୀ ବିକାଶ, ଲକ୍ଷ୍ମୀ ବସ ଯୋଜନା ଇତ୍ୟାଦି ଯୋଜନା ସମ୍ବନ୍ଧରେ  ବ୍ଲକସ୍ତରୀୟ ପ୍ରଶିକ୍ଷକ ମାନଙ୍କୁ ଆବଶ୍ୟକ ସୂଚନା ପ୍ରଦାନ କରିଥିଲେ  l ଅନୁଷ୍ଠିତ ଏହି ଏକ ଦିବସୀୟ ପ୍ରଶିକ୍ଷଣ ଶିବିରକୁ ଜିଲ୍ଲା ସଂସ୍କୃତି ଅଧିକାରୀ ଯମୁନା ପଧାନ  ପରିଚାଳନା କରିଥିବା ବେଳେ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଅଶ୍ୱିନୀ ମେହେର,ଜିଲ୍ଲା  ସୂଚନା ଓ ଲୋକସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ ଏବଂ ଅନ୍ୟ ବିଭିନ୍ନ ବିଭାଗୀୟ ଅଧିକାରୀ ଉପସ୍ଥିତ ଥିଲେ l