12-Jan-2024

ଧର୍ମଗଡ଼ ( ଜ୍ୟୋତିରଞ୍ଜନ ବେମାଲ )
 କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ୍ ବେହେରାଗୁଡ଼ା ଚଞ୍ଚରା ଡଙ୍ଗରି ଖେଳ ପଡିଆ ଠାରେ ବୋର୍ଡର ଚମ୍ପିଅନ ଟ୍ରଫି କ୍ରିକେଟ ପ୍ରତିଯୋଗିତା ଆରମ୍ଭ ହୋଇଛି । ବେହେରାଗୁଡ଼ା କ୍ରିକେଟ କ୍ଳବ୍ ଆନୁକୁଲ୍ୟରେ ଆୟୋଜିତ ଉଦଘାଟନୀ ଦିବସରେ ମୁଖ୍ୟ ଅତିଥି ଭାବେ ଛଞ୍ଚାଣ ଵାହାଳି ସରପଂଚ ପ୍ରତିନିଧି ଗଗନେଶ୍ୱର୍ ବେମାଲ ଯୋଗ ଦେଇ ଉଦଘାଟନ କରିଥିଲେ ।  ସମ୍ମାନିତ ଅତିଥି ଭାବେ ସମାଜସେବୀ , ଅନ୍ତରାମ୍ ପୋଡ଼,  ମଧୁସୂଦନ ପୁଝାରୀ ଦେବେନ୍ଦ୍ର ନାଏକ, ନୀଳାମ୍ବର ପୋଡ଼, ଶିମଞ୍ଚଳ ବାରିକ,ତ୍ରିନାଥ ପାଣିଗ୍ରାହୀ ମହେଶ୍ବର  ବେମାଲ, ହେମନାଥ ବାରିକ, ଅଖିଳ ଛତ୍ରିଆ , ନିଳକଣ୍ଠ ପୋଡ଼,ରଥ ନାଏକ ପ୍ରମୁଖ ଯୋଗ ଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଉଦଘାଟନୀ ମ୍ୟାଚ ଦଳସର୍ଗି ଓ ଗୋତୋମୁଣ୍ଡା ମଧ୍ୟରେ ଅନୁଷ୍ଠିତ ହୋଇଥିଲା । ଦଳସର୍ଗି ଦଳ ଟସ୍ ହାରି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୫ ୱିକେଟ ହରାଇ ୮୮ରନ ସଂଗ୍ରହ କରିଥିଲା । ୮୯ରନ ର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ଗୋତୋମୁଣ୍ଡା ଇଲେଭେନ୍ ଷ୍ଟାର୍ ଦଳ ୫ଓଭର ରେ ସମସ୍ତ ୱିକେଟ ହରାଇ ୨୨ରନ କରିବାରେ ସକ୍ଷମ ହୋଇଥିଲା । ଦଲସର୍ଗି କ୍ରିକେଟ ଦଳ ଏହି ମ୍ୟାଚ୍ କୁ ୬୬ ରନ ରେ ବିଜୟୀ ହୋଇଥିଲା । ବିଜେତା ଟିମ୍ ର ବୋଲର ଜୟପ୍ରକାଶ ନାଏକ ହ୍ୟାଟ୍ରିକ ୱିକେଟ  ନେଇ ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିଲେ ।
ଆମ୍ପାୟର ଭାବେ ସୌମ୍ୟରଞ୍ଜନ ଗୋପାଲ ଓ ଅରୁଣ ବେମାଲ ଖେଳ ପରିଚାଳନା କରିଥିବା ବେଳେ ଲକ୍ଷ୍ମୀକାନ୍ତ ବେମାଲ ସ୍କୋରର, ଭାସ୍ୟକାର ଭାବେ ଡିପେନ୍ଦ୍ର ସୁନାନି ଦାୟିତ୍ଵ ତୁଲାଇଥିଲେ । ଆକାଶ ଛତ୍ରିଆ, ଲଙ୍କେ ସ୍ୱର ବେମାଲ, ଖୀରସିନ୍ଧୁ ସାହୁ,ଅମୃତ ଛତ୍ରିଆ, ସୁନିଲ ହଂସ, ଅମୂଲ୍ୟ ନାଏକ,  ମଣ୍ଟୁ ପୋଡ଼, ନାରାୟଣ ସାଗର, କାହ୍ନୁଚରଣ ଛତ୍ରିଆ , ଅମୃତ ଛତ୍ରିଆ ,ଦୟାନିଧି ବାରିକ ତଥା କମିଟି ର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ ।