07-Jan-2024

ବଲାଙ୍ଗିର (ଚିତ୍ରସେନ ବେହେରା ): ଏମ୍ ଏମ୍ ପ୍ରଡକ୍ସନରେ ପ୍ରସ୍ତୁତ ହେବାକୁ ଯାଉଛି ବିଧିର ବିଧାନ କ୍ଷୁଦ୍ର ଚଳଚ୍ଚିତ୍ରର ଦ୍ବିତୀୟ ଭାଗ, 'ବିଧିର ବିଧାନ-୨ ବଦଲା" । ବିଜୟ କୁମାର ତ୍ରିପାଠୀଙ୍କ ନିର୍ଦ୍ଦେଶନାରେ ହେବାକୁ ଥିବା ଏହି କ୍ଷୁଦ୍ର ଚଳଚ୍ଚିତ୍ର ର ପ୍ରଯୋଜନା କରୁଛନ୍ତି ବିଶିଷ୍ଟ ଚଳଚ୍ଚିତ୍ର ଅଭିନେତା ରତନ କୁମାର ମେହେର। ସହ ନିର୍ଦ୍ଦେଶକ ଅଛନ୍ତି ଦେବାଶିଷ ମେହେର। କ୍ୟାମେରାମ୍ୟାନ ଅଛନ୍ତି କୀର୍ତ୍ତିଚନ୍ଦ୍ର ଗହୀର। ପୂର୍ବରୁ ବିଧିର ବିଧାନ  କ୍ଷୁଦ୍ର ଚଳଚ୍ଚିତ୍ର  ମୁକ୍ତିଲାଭ କରି ବହୁ ଦର୍ଶକ ପ୍ରଶଂସା ସାଉଁଟିଥିବା ବେଳେ ଏହାର ଦ୍ବିତୀୟ ଭାଗର ଶୁଭ ମୁହୁରତରେ ବଲାଙ୍ଗୀର  ସମଲେଶ୍ବରୀ ମନ୍ଦିର ଠାରେ ପୂଜାଅର୍ଚ୍ଚନା କରାଯାଇଛି। ଶୁଭ ମୁହୁରତ ସମୟରେ  ନାଟ୍ୟଭୂଷଣ ଜଗଦାନନ୍ଦ ଛୁରିଆ, ନାଟ୍ୟକର୍ମୀ ସନାତନ ଠାକୁର, ହିମାଂଶୁ ଶେଖର ଖମାରୀ, ଅନିତା ତ୍ରିପାଠୀ ଓ ବହୁ କଳାକାର ଉପସ୍ଥିତ ଥିଲେ। ଅତିଶୀଘ୍ର ଏହାର ସୁଟିଂ  ବଲାଙ୍ଗୀର  ସହରରେ ଓ ଏହାର ଆଖପାଖ ଅଂଚଳରେ ଆରମ୍ଭ  ହେବ ।