31-Dec-2023

ନୂଆପଡ଼ା  (ଡୋଲେସ୍ବର ଵାଗ )
ନୂଆପଡ଼ା ଜିଲ୍ଲା ସିନାପାଲି ବ୍ଲକ୍ ଅନ୍ତର୍ଗତ ହାତିବନ୍ଧାଉଚ୍ଚମାଧ୍ୟମିକ ବିଦ୍ୟାଳୟରେ ଅନୁଷ୍ଠିତ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମର ଅନ୍ତିମ ଦିବସରେ ଆୟୋଜିତ ସଭାରେ  ଅଧ୍ୟାପକ ଯୌତିର୍ଣ୍ଣ ବନ୍ଧିଛୋରଙ୍କ ସଭାପତିତ୍ବରେ ମୁଖ୍ୟ ଅତିଥି ଲମ୍ବୋଦର ନିଆଲ ବି ଜେ ଡି ବିଧାୟକ ପ୍ରାର୍ଥୀ ଖଡ଼ିଆଳ,ମୁଖ୍ୟ ବକ୍ତା ରୁଦ୍ର ନାରାୟଣ ବାରିକ ଅଧ୍ୟକ୍ଷ ପଲ୍ଲୀ ପ୍ରଗତି କଲେଜ ଦୋହେଲ ପଡା,ସମ୍ମାନିତ ଅତିଥି ଗରୁଡ଼ ଧ୍ୱଜ ବେହେରା ବି ଜେ ଡି ବ୍ଲକ ସଭାପତି ,ଓଡ଼ିଆ ଅଧ୍ୟାପକ ଧ୍ରୁବ ଚରଣ ପ୍ରଧାନ ମଞ୍ଚାସିନ ଥିଲେ ।କାର୍ଯ୍ୟକ୍ରମଟିକୁ ଅଧ୍ୟାପକ ଧୁବ ଚରଣ ପ୍ରଧାନ ପରିଚାଳନା କରି ସମସ୍ତ ଅତିଥିଙ୍କୁ ମଞ୍ଚ ଉପରକୁ ସ୍ବାଗତ ଜଣାଇବା ପରେ ଝିଅ ମାନଙ୍କ ଦ୍ଵାରା ସ୍ବାଗତ ସଙ୍ଗୀତ ଗାନ କରାଯାଇ ଅତିଥି ମାନଙ୍କ ଦ୍ଵାରା ଦେବ ପୂଜନ କରାଯାଇଥିଲା । ତଦପରେ ଅତିଥି ଓ ବକ୍ତା ଛାତ୍ର ଛାତ୍ରୀ ମାନଙ୍କୁ ସରକାରଙ୍କ  ଯୁବ ଓଡ଼ିଶା ଓ ନବୀନ ଓଡ଼ିଶାର ମହତ୍ତ୍ଵ ଆମରି ପିଲାଙ୍କ ପାଇଁ କେତେ ଆବଶ୍ୟକ ଓ ଏହି ପଦକ୍ଷେପ ବିଷୟରେ ଅବଗତ କରି ପିଲାଙ୍କ ଭବିଷ୍ୟତ ଓଡ଼ିଶାର ଭବିଷ୍ୟତ ସହିତ ସମାନ ବୋଲି ତୁଳନା କରିଥିଲେ ।କାର୍ଯ୍ୟକ୍ରମ ରେ କୃତିତ୍ତ୍ଵ ଲାଭ କରିଥିବା ଏବଂ ନ କରିଥିବା ଛାତ୍ର ଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା ।ପୁରସ୍କାର ବିତରଣ ପର୍ଯ୍ୟାୟଟିର ସଭା ରମେଶ ମେହେର ପରିଚାଳନା କରିଥିଲେ ଏବଂ ତାଙ୍କୁ କମଳ ରାଉତ ସହଯୋଗ କରିଥିବାବେଳେ ଓଡ଼ିଆ ଅଧ୍ୟାପକ ଭରତ ବାଗ ଧନ୍ୟବାଦ୍ ଅର୍ପଣ କରିଥିଲେ ।