31-Dec-2023

ବୀରମହାରାଜପୁର,(ବିନୋଦ ପାଣ୍ଡେ): ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ଠାରେ ଲାଲବାହାଦୁର ଯୁବକ ସଂଘ ଆନୁକୂଲ୍ୟରେ ଚାଲିଥିବା ୧୦ମ ଲାଲବାହାଦୁର କ୍ରିକେଟ କପ୍  ଉଦଯାପିତ ହୋଇଯାଇଛି। ଫାଇନାଲରେ ବାଗବର ଦଳ ବଙ୍କିଆ ଦଳକୁ ପରାସ୍ତ କରି ଚମ୍ପିଆନ ହୋଇଛି। ପ୍ରଥମ ଫର୍ମାଟରେ ବଙ୍କିଆ ଦଳ ପ୍ରଥମେ ବ୍ୟାଟିଂ କରି ୭.୩ ଓଭରରେ ୬୧ ରନ ସଂଗ୍ରହ କରିଥିଲା। ଜବାବରେ ବାଗବର ଦଳ ୬.୩ ଓଭରରେ ନିର୍ଦ୍ଧାରିତ ରନ ସଂଗ୍ରହ କରି ବିଜୟୀ ହୋଇଥିଲା। ସେହିଭଳି ଦ୍ୱିତୀୟ ଫର୍ମାଟରେ ବଙ୍କିଆ ଦଳ ୮ ଓଭରରେ ସବୁ ଉଇକେଟ ହରାଇ ୩୯ ରନ ସଂଗ୍ରହ କରିଥିଲା। ବାଗବର ଦଳ ମାତ୍ର ଦୁଇ ଓଭରରେ ନିର୍ଦ୍ଧାରିତ ରନ ସଂଗ୍ରହ କରି ବିଜୟୀ ହୋଇଥିଲା। ଦୁଇ ଫର୍ମାଟରେ ବିଜୟୀ ବାଗବର ଦଳ ଚମ୍ପିଆନ ଘୋଷିତ ହୋଇଥିଲା। ଯୁବକ ସଙ୍ଘର ସଭାପତି ଆମ୍ବରୀଶ ବାରିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଖଣ୍ଡହତା ସମିତି ସଭ୍ୟ ବିନୋବାନନ୍ଦ ପଧାନ ମୁଖ୍ୟ ଅତିଥି, ଜଟେସିଂହା ସମିତି ସଭ୍ୟା ରଶ୍ମିତା ପାଣ୍ଡେ, ସାମାଜିକ କର୍ମୀ ମୀନକେତନ ମହାକୁର, ଶିକ୍ଷାବିତ ମହେନ୍ଦ୍ର ମହାଳିକ, ସମାଜସେବୀ ପ୍ରଭଞ୍ଜନ କର୍ମୀ, ସହଦେବ ପଧାନ, ଆଶିଷ ସାହୁ, ରୋହନ ପଧାନ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ। ବିଜେତା ବାଗବର ଦଳକୁ ଟ୍ରଫି ସହ ନଗଦ ୧୮ ହଜାର ଟଙ୍କା ଓ ଉପବିଜେତା ବଙ୍କିଆ ଦଳକୁ ଟ୍ରଫି ସହ ନଗଦ ୧୨ ହଜାର ଟଙ୍କା ଦେଇ ପୁରସ୍କୃତ କରାଯାଇଥିଲା। ସମ୍ପାଦକ ଗଦାଧର ବାଦୀ ମଞ୍ଚ ପରିଚାଳନା ସହ ଧନ୍ୟବାଦ ଅର୍ପଣ କରିଥିଲେ। ସଂଘର ସଦସ୍ୟ ବିନୋଦ, ହରିଶଙ୍କର, ସୋମନାଥ, ଲିପୁନ, ଦେବାଶିଷ, ହେମନ୍ତ, ମନୋଜ, ସଚିଦାନନ୍ଦ ପ୍ରମୁଖ ଏଥିରେ ସହଯୋଗ କରିଥିଲେ।