31-Dec-2023

କଣ୍ଟାମାଳ, (ଜୟ କୁମାର ମହାରଣା)
 କଣ୍ଟାମାଳ ବ୍ଲକରେ ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମ ଅନ୍ତର୍ଗତ ବ୍ଲକସ୍ତରୀୟ କ୍ରୀଡା ପ୍ରତିଯୋଗିତା ଆଜି ଅନୁଷ୍ଠାନିକ ଭାବେ ଉଦଯାପିତ ହୋଇଯାଇଛି l  ଉଦଯାପନୀ ସମାରୋହରେ କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ମହୀଧର ରଣା ମୁଖ୍ୟଅତିଥି ଭାବେ ଯୋଗଦେଇ ପାଞ୍ଚଦିନ ଧରି ଚାଲିଥିବା ବ୍ଲକସ୍ତରୀୟ ଯୁବ ଓଡିଶା ନବୀନ ଓଡିଶା କ୍ରୀଡା ପତାକାକୁ ଅବତରଣ କରିଥିଲେ  l  କଣ୍ଟାମାଳ ବିଡ଼ିଓ ସାମି ଜୟଶ୍ରୀ ରେଡ୍ଡୀ ଉଦଯାପନୀ ସଭାକୁ ଅଧ୍ୟକ୍ଷତା କରିଥିବାବେଳେ କଣ୍ଟାମାଳ ତହସିଲଦାର ଶ୍ୱେତପଦ୍ମା ଯୋଶୀ ସମ୍ମାନୀତ ଅତିଥିଭାବେ ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ l ଡବ୍ଲୁଇଓ ଜ୍ୟୋତିରଞ୍ଜନ ବେହେରା ସଭା ପରିଚାଳନା କରିଥିଲେ l କ୍ରିକେଟ, କବାଡି, ଭଲିବଲ, ଖୋଖୋ ଇତ୍ୟାଦି ପ୍ରତିଯୋଗିତାରେ ବିଜୟୀ ଓ ରନର୍ସଅପ ଦଳକୁ ସମ୍ବର୍ଦ୍ଧିତ କରିଥିଲେ  l ଏହି ଅବସରରେ କବାଡି ଓ କ୍ରିକେଟ ରେ ଏବଂ ଆମେ ସାଂସ୍କୃତିକ ପରିଷଦ କଣ୍ଟାମାଳ ଦଳ ଚମ୍ପିୟାନ ହୋଇଥିବା ବେଳେ ଭଲିବଲ ଓ ଖୋଖୋ ରେ ପଲସlଗୋରା ଦଳ ଚମ୍ପିୟାନ ହୋଇ ପୁରସ୍କୃତ ହୋଇଥିଲେ l ସେହିପରି ସମସ୍ତ ରନର୍ସଅପ ଦଳଙ୍କୁ ମଧ୍ୟ ପୁରସ୍କୃତ କରାଯାଇଥିଲା l  ପରେ ଖେଳାଳି ମାନଙ୍କ ସହ କରମର୍ଦନ କରି ଖେଳାଳି ମାନଙ୍କୁ ଉତ୍ସାହିତ କରିଥିଲେ l  ଏଥିରେ କବାଡି, ଖୋଖୋ, ଭଲିବଲ, ଫୂଟବଲ କ୍ରିକେଟ ଆଦି ବ୍ଲକସ୍ତରୀୟ ଖେଳ ଅନୁଷ୍ଠିତ ହୋଇ ପ୍ରତି ଖେଳର ଚମ୍ପିୟାନ ଓ ଭଲ ଖେଳାଳି ଜିଲ୍ଲାସ୍ତର କ୍ରୀଡ଼ାକୁ ମନୋନୀତ କରାଯିବା ନେଇ ବ୍ଲକ ପ୍ରଶାସନ ପକ୍ଷରୁ ସୂଚନା ଦେଇଥିଲେ l   26ତାରିଖରୁ ଚାଲିଥିବା ଏହି ବ୍ଲକସ୍ତରୀୟ ନୂଆ -ଓ କ୍ରୀଡା ପ୍ରତିଯୋଗିତା କୁ ପଞ୍ଚାୟତ ସମିତି କଣ୍ଟାମାଳ ର ସହକାରୀ ନିର୍ବାହୀ ଯନ୍ତ୍ରୀ ଜୟ ମହନ୍ତ,ଡବ୍ଲ୍ୟୁଇଓ , ଜିପିଈଓ,ପିଇଓ, ଜିଆରଏସ, ଯୋଗାଣ, ଡିଇଓ ସମେତ ସମସ୍ତ କର୍ମକର୍ତ୍ତା ସହଯୋଗ କରିଥିଲେ  l