29-Dec-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସ୍ଥିତ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ଦୀର୍ଘ ଏକ ମାସ ଧରି ଚାଲିଥିବା ନୂଆଁ ଓ ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଆଜି ଶୁକ୍ରବାର ଉଦଯାପିତ ହୋଇଯାଇଛି।ଏହି କାର୍ଯ୍ୟକ୍ରମରେ ଯୋଗଦେଇଥିବା  ନିମନ୍ତ୍ରିତ ଅତିଥି ମାନେ ପ୍ରଥମେ ଭଗବାନ ଗଣେଶ,ସରସ୍ଵତୀ ଓ ମାଁ ଦୁର୍ଗାଙ୍କ ଠାରେ ପୂଜାର୍ଚ୍ଚନା କରିଥିଲେ । ବିଦ୍ୟାଳୟର ଅଧ୍ୟକ୍ଷା ରେଖା ପ୍ରଧାନ ଉତ୍ସବରେ ସଭାପତିତ୍ବ କରି ଛାତ୍ରଛାତ୍ରୀଙ୍କ ପ୍ରତିଭାର ବିକାଶ ପାଇଁ  ସରକାର ପ୍ରଣୟନ କରିଥିବା ଏହି ମହତ ଯୋଜନା ନିଶ୍ଚିତ ଫଳପ୍ରଦ ହେବା ସହିତ ଛାତ୍ରଛାତ୍ରୀଙ୍କ ପାଇଁ ସମ୍ବଲପୁରୀ ଡ୍ରେସ କୋଡ଼ ମାଗଣାରେ ଦେବାକୁ ମାନ୍ୟବର ଉପସ୍ଥିତ ମନ୍ତ୍ରୀଙ୍କୁ ଅନୁରୋଧ କରିଥିଲେ ।ଏଥିରେ ମୁଖ୍ୟଅତିଥି ଭାବେ ମାନ୍ୟବର ବୟନ ଶିଳ୍ପ ଓ ହସ୍ତତନ୍ତ୍ର ମନ୍ତ୍ରୀ ରିତା ସାହୁ ଯୋଗଦେଇ ଛାତ୍ରଛାତ୍ରୀଙ୍କ ପ୍ରତିଭାର ଉନ୍ନତି ପାଇଁ ରାଜ୍ୟ ସରକାର ନୂଆଁ ଓ ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ପ୍ରଣୟନ କରିଛନ୍ତି ।ଶିକ୍ଷାଦାନ ସହିତ ଅନ୍ୟ ପ୍ରତିଭା ସବୁ ମଧ୍ୟ ଛାତ୍ରଛାତ୍ରୀ ମାନେ ନିଜ ଗାଁ ଠାରୁ ଆରମ୍ଭ କରି ବ୍ଲକ, ଜିଲ୍ଲା,ରାଜ୍ୟ ଏପରିକି ଜାତୀୟ ସ୍ତରରେ ନିଜର ପରିଚୟ ସୃଷ୍ଟି କରି ପାରିବେ ବୋଲି କହିଥିଲେ ।ବିଦ୍ୟାଳୟର ଅଧ୍ୟକ୍ଷା ରେଖା ମେମ ଦେଇଥିବା ଛାତ୍ରଛାତ୍ରୀଙ୍କ ପାଇଁ ଡ୍ରେସ କୋଡ଼ ପରିଧାନ ଉପରେ ମାନ୍ୟବର ମୁଖ୍ୟମନ୍ତ୍ରୀ ଏବଂ ସଚିବ ସ୍ତରରେ ପ୍ରସ୍ତାବ ରଖିବେ ବୋଲି ପ୍ରତିଶ୍ରୁତି ଦେଇଥିଲେ ।ଏଥିରେ ମୁଖ୍ୟବକ୍ତା ଭାବେ ବରିଷ୍ଟ ଆଇନଜୀବୀ ତଥା ସମାଜସେବୀ ଶ୍ୟମା ଓମ ପ୍ରସାଦ ମିଶ୍ର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛତା ଏବଂ ବିକାଶ ଆଜି ରାଜ୍ୟର ଉନ୍ନତିରେ     ଅଗ୍ରଗତି ଲାଭ କରିଛି।ତାଙ୍କର ମହତ ଯୋଜନା ଯୁବ ପିଢୀଙ୍କ ଭବିଷ୍ୟତ ଉଜ୍ଜଳନୟ କରିବ ବୋଲି ବିଭିନ୍ନ କାହାଣୀ ମାଧ୍ୟମରେ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ବୁଝାଇଥିଲେ ।ସମ୍ମାନିତ ଅତିଥି ସିଦ୍ଧାର୍ଥ ଡ଼ିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ତାଙ୍କ ଅଭିଭାଷଣରେ ବିବେକାନନ୍ଦଙ୍କ ତ୍ୟାଗକୁ ମନେ ପକାଇ ଆଜିର ଛତ୍ରଛାତ୍ର ମାନେ ସବୁ କ୍ଷେତ୍ରରେ ସଫଳତା ପାଇବାକୁ ହେଲେ କଠିନ ପରିଶ୍ରମ ସହ ସ୍ବପ୍ନକୁ ବସ୍ତବତରେ ପରିଣତ କରି ଆରିଲେ ଯାଇ ରାଜ୍ୟର ବିକାଶ ଆହୁରି ଆଗେଇବ ବୋଲି କହିଥିଲେ ।ସେହିପରି  ବିଦ୍ୟାଳୟ ପରିଚାଳନା କମିଟି ସଦସ୍ୟ ଜୟାନନ୍ଦ ପାଣିଗ୍ରାହୀ ୨୦୩୬ ମସିହା ସୁଦ୍ଧା ରାଜ୍ୟର ବିକାଶ ଶୀର୍ଷ ସ୍ଥାନକୁ ଅତିକ୍ରମ କରିବ ସେନେଇ ଏହି ଯୋଜନା ମାନ୍ୟବର ମୁଖ୍ୟମନ୍ତ୍ରୀ ଙ୍କ ଦ୍ଵାରା ଆରମ୍ଭ ହୋଇଥିବା କହିଥିଲେ ।ଅନୁଷ୍ଟିତ କାର୍ଯ୍ୟକ୍ରମକୁ ଲୋକଙ୍କ ପାଖରେ ପହଞ୍ଚାଇବାରେ ପ୍ରମୁଖ ଭୂମିକା ନେଉଥିବା ଗଣମାଧ୍ୟମର ପ୍ରତିନିଧି ମାନଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ଏହି ଯୋଜନା ତରଫରୁ ନୋଡାଲ

ଅଫିସର ତଥା ଖେଳ ଶିକ୍ଷକ ନାରାୟଣ ଚୌଧୁରୀଙ୍କ ତତ୍ତ୍ୱାବଧାନରେ କ୍ରୀଡା,ସାଂସ୍କୃତିକ ଓ ସାମାଜିକ କାର୍ଯ୍ୟ ଆଦି ବିଭାଗର ବିଭିନ୍ନ ପ୍ରତିଯୋଗିତାରେ କୃତକାର୍ଯ୍ୟ ଛାତ୍ରଛାତ୍ରୀ ମାନଙ୍କୁ ଅତିଥି ମାନେ ମାନପତ୍ର ଓ ଟ୍ରଫି ଦେଇ ସମ୍ମାନିତ କରିଥିଲେ । ସଭାକୁ ଅଧ୍ୟାପକ ଧନେଶ୍ଵର ସାହୁ ସଂଯୋଜନା କରିଥିବା ବେଳେ ପୁରସ୍କାର ବିତରଣୀକୁ ଅଧ୍ୟାପକ ମାନସ ଆଚାର୍ଯ୍ୟ ପରିଚାଳନା ଏବଂ ଶେଷରେ ଅଧ୍ୟାପକ ସପ୍ତ ସାଗର ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ମଞ୍ଚକୁ ଦୁଲକାଇଦେଇଥିଲା କାର୍ଯ୍ୟକ୍ରମ ପରିଚାଳନାରେ ଲାଇବ୍ରେରୀଏନ  ଗରିବ ସାଳମାଙ୍କ ସମେତ ବିଦ୍ୟାଳୟର ସମସ୍ତ ଅଧ୍ୟାପକ/ଅଧ୍ୟାପିକା ଓ ଷ୍ଟାଫ ସହଯୋଗ କରିଥିଲେ।