29-Dec-2023

ବଲାଙ୍ଗୀର: ଚାଷୀ ମାନଙ୍କ ଚାଷର ସୁବିଧା ନିମନ୍ତେ ସରକାର ଗଭୀର ନଳକୂପ ଯୋଗାଇ ଦେଉଛନ୍ତି।ଅଭାବୀ ବର୍ଷା ଯୋଗୁଁ ଚାଷୀ ର ଚାଷ ଅନେକ ସମୟରେ ଉଜୁଡ଼ି ଯାଏ।ଚାଷ ର ସୁରକ୍ଷା ପାଇଁ ଓଡ଼ିଶା ଲିଫ୍ଟ୍ ଇରିଗେଶନ କର୍ପୋରେସନ(ଓଏଲଆଇସି)ଚାଷୀ ମାନଙ୍କୁ ଗଭୀର ନଳକୂପ ବ୍ୟାଙ୍କ୍ ମାଧ୍ୟମରେ ଯୋଗାଇ ଦେଇଥାଏ।ଚାଷୀ ଏହି ଯୋଜନାରେ ସାମିଲ ହେବାପାଇଁ ଆବେଦନ କରି ବଣ୍ଡ୍ ପେପର ପାଇଁ ବ୍ୟାଙ୍କ୍ କୁ ଆସିବାକୁ ପଡେ।ବଣ୍ଡ୍ ପାଇଁ ବଲାଙ୍ଗୀର ୟୁନୀୟନ୍ ବ୍ୟାଙ୍କ୍ ଠାରେ ଚାଷୀ ଲମ୍ବା ଲାଇନ ରେ ସକାଳ ୮ ଟାରୁ ସନ୍ଧ୍ୟା ପର୍ଯ୍ୟନ୍ତ ଭୋକରେ ଛିଡ଼ା ହୋଇଥିବା ଦେଖିବାକୁ ମିଳିଛି । ୟୁନିୟନ୍ ବ୍ୟାଙ୍କ ବଲାଙ୍ଗୀର ସହର ର ରାଧାରାଣୀ ପଡ଼ା ଠାରେ ଥିବା ବେଳେ ଚାଷୀ ମାନଙ୍କର ଦୁଇ ଚକିଆ ଯାନ ରେ ରାସ୍ତା ପ୍ରାୟ ବନ୍ଦ ହୋଇ ଯାଇଛି।ପୁଣି ଚାଷୀ ଙ୍କ ଭିଡ଼ରେ ଜନ ସାଧାରଣ ଯିବା ଦୁଃସହ ହୋଇ ପଡ଼ିଛି।୨୦୧୫ ସାଳରୁ ଅନେକ ଚାଷୀ ଏହି ଯୋଜନାରେ ବାରମ୍ବାର ଆବେଦନ କରି ଅସଫଳ ହୋଇଥିବା ବେଳେ ଥରେ ଆବେଦନ କରିବା ପାଇଁ ଚାଷୀ କୁ ୫୦୦ରୁ୬୦୦ ଟଙ୍କା ପର୍ଯ୍ୟନ୍ତ କାଗଜ ପତ୍ର ପାଇଁ ଖର୍ଚ୍ଚ କରିବାକୁ ପଡିଥାଏ।ତେବେ ଏହି ଯୋଜନା କୁ ପଞ୍ଚାୟତ ସ୍ତରରେ ଲାଗୁ କରାଗଲେ ଚାଷୀ ମାନେ ସହର ମୁହାଁ ନ ହୋଇ ନିଜ ପଞ୍ଚାୟତ ରେ ଏହି ସୁବିଧା ପାଇପାରନ୍ତେ।ତେବେ ସରକାର ଏହି ଯୋଜନାକୁ ସରଳ କଲେ ଚାଷୀ ସରକାରୀ ଲାଭ ପାଇପାରନ୍ତା ବୋଲି ଚାଷୀ ମହଲରେ ଦାବି ହୁଏ।