29-Dec-2023

ନବରଙ୍ଗପୁର (ମିହିର ଶଙ୍କର ପାତ୍ର,) ଡାବୁଗାଁ ଥାନା ଅଧୀନରେ ଅଛି ଖୁଟବାଇ ଗ୍ରାମ l ସେହି ଗ୍ରାମର ଯୁବକ ପଦଲାମ କଳାର ଙ୍କ ଘର l ସେ ଝରିଗାଁ ଉତ୍କଳ ଗ୍ରାମ୍ୟ ବ୍ୟାଙ୍କ ରୁ ଚାଳିଶ ହଜାର ଟଙ୍କା ରୁଣ ଆଣି ବତକ ଫାର୍ମ ତାଙ୍କ ଗ୍ରାମରେ କରି ବେଶ୍ ଦୁଇପଇସା ରୋଜଗାର କରିବା ନେଇ ଫାର୍ମ କରିଥିଲେ l ଘର ପାଖରେ ଥିବା ଜମି ଭିତରେ ପାଣି ଥିବାରୁ ସେଠାରେ ବତକ ମାନଙ୍କୁ ଛାଡି ଦେଇଥିଲେ ଚରା ବୁଲା କରିବା ପାଇଁ l ଦୁଃଖର କଥା ଆଜି ସକାଳେ ସେହି ଜମିରେ ଗୋଟିଏ ପରେ ଗୋଟିଏ ମରି ପଡିଥିବା ଦେଖି ସଙ୍ଗେସଙ୍ଗେ ପଦଲାମ ଧୋଡ୍ରା ପ୍ରାଣିଧନ ଚିକିତ୍ସାଧିକାରୀ ଡଃ ସଙ୍କର୍ଷଣ ପାଣିଗ୍ରାହୀଙ୍କୁ ଫୋନ ଯୋଗେ ଯୋଗା ଯୋଗ କରିବାରୁ ଧୋଡ୍ରା ରୁ ଖୁବ କମ ସମୟରେ ଘଟଣା ସ୍ଥଳରେ ପହଞ୍ଚି ବଞ୍ଚିଥିବା ବତକ ମାନଙ୍କ ଚିକିତ୍ସା କରିଥିଲେ l ଆହୁରି ମଧ୍ଯ ଏଲ୍ ଆଇ ସନ୍ଧ୍ୟାରାଣୀ ସେନାପତି ଜଣେ ମହିଳା ହୋଇ ଥିଲେ ହେଁ ସେ ମଧ୍ୟ ଘଟଣା ସ୍ଥଳରେ ପହଞ୍ଚି ଡାକ୍ତରଙ୍କୁ ସହଯୋଗ କରିଥିଲେ l ପଦଲାମ ଙ୍କ କହିବା ମୁତାବକ ସତାଅଶୀ  ଟି ବତକ ଥିବା ସ୍ଥଳେ ସବୁଗୁଡ଼ିକ ମଧ୍ୟରୁ ବଡ ବତକ ସାତ ଟି ବଞ୍ଚିଛି l ଏବେ ପଦଲାମ ମୁଣ୍ଡରେ ବଜ୍ର ପଡ଼ିବା ସଦୃଶ ହୋଇ ସେ ଏବେ ଚିନ୍ତାରେ ରହିଛନ୍ତି l ବ୍ୟାଙ୍କ ରୁଣ କିପରି ଶୁଝିବେ  ? ଏଥିନେଇ ପ୍ରଶାସନ ର ଦୃଷ୍ଟି ପଡି ବ୍ୟାଙ୍କ ରୁ ଆଣିଥିବା ରୁଣ ଛାଡ ନିମନ୍ତେ ଗୁହାରୀ ଜଣାଇଛନ୍ତି ପଦଲାମ l ଗ୍ରାମବାସୀ ମଧ୍ଯ ଦୁଃଖ ପ୍ରକାଶ କରି ରୁଣ ଛାଡ ନିମନ୍ତେ ଦୃଢ ଦାବୀ ଜଣାଇଛନ୍ତି l ଡଃ ଶ୍ରୀ ପାଣିଗ୍ରାହୀ ଘଟଣାସ୍ଥଳରେ ଗୋଟିଏ ବତକ ର ଶବ ବ୍ୟବଚ୍ଛେଦ କରାଇବା ପରେ ସମସ୍ତ ମୃତ ବତକ କୁ ପୋତିଦେବାକୁ ପରାମର୍ଶ ଦେଇ ଥିଲେ