29-Dec-2023

ବଲାଙ୍ଗିର(ଦେବାଶିଷ ବହିଦାର ): ଶୁକ୍ରବାର ଦିନ ବଜରଙ୍ଗ ଦଳ ଓଡିଶା ପଶ୍ଚିମ ପ୍ରାନ୍ତର ବଲାଙ୍ଗିର ବିଭାଗ ବୈଠକ ବଲାଙ୍ଗିର ନଗର ସ୍ଥିତ ଯାଦବ ଭବନ ରେ ଅନୁଷ୍ଠିତ ହୋଇଯାଇଛି।ବୈଠକରେ ବଜରଙ୍ଗ ଦଳ କଲିକତା କ୍ଷେତ୍ର(ଓଡିଶା,ପଶ୍ଚିମ ବଙ୍ଗ,ସିକିମ୍ ଓ ଆଣ୍ଡାମାନ ନିକୋବର) ର କ୍ଷେତ୍ର ସଂଯୋଜକ ମାନନୀୟ ଶ୍ରୀ ଅମଲ ଚକ୍ରବର୍ତ୍ତୀ, ବଜରଙ୍ଗ ଦଳ ଓଡିଶା ପଶ୍ଚିମ ପ୍ରାନ୍ତ ସଂଯୋଜକ ଶ୍ରୀ ରାମଚନ୍ଦ୍ର

ନାଏକ,ପ୍ରାନ୍ତ ସହ ସଂଯୋଜକ ଶ୍ରୀ ସୌମ୍ୟ ରଞ୍ଜନ ମିଶ୍ର ଏବଂ ବିଶ୍ଵହିନ୍ଦୁ ପରିଷଦ ବଲାଙ୍ଗିର ଜିଲ୍ଲା ସଭାପତି ଶ୍ରୀ ଗୋବିନ୍ଦ ଚନ୍ଦ୍ର ମିଶ୍ର ମଞ୍ଚାସୀନ ଥିଲେ।ବଜରଙ୍ଗ ଦଳ ବଲାଙ୍ଗିର ବିଭାଗର ବଲାଙ୍ଗିର,ସୋନପୁର,ବୌଦ୍ଧ ଏବଂ ଟିଟିଲାଗଡ ସାଙ୍ଗଠନିକ ଜିଲ୍ଲାର ଜିଲ୍ଲା ଟୋଲି ଓ ପ୍ରଖଣ୍ଡ ସଂଯୋଜକ ସହସଂଯୋଜକ ମାନେ ଉପସ୍ଥିତ ଥିଲେ।କ୍ଷେତ୍ର ସଂଯୋଜକ ଶ୍ରୀ ଚକ୍ରବର୍ତ୍ତୀ ବଜରଙ୍ଗ ଦଳର କାର୍ଯ୍ୟ ଓ ଉଦ୍ଦେଶ୍ଯ ତଥା ଆଗାମୀ ବର୍ଷର କାର୍ଯ୍ୟ ଯୋଜନା ବିଷୟରେ କାର୍ଯ୍ୟକର୍ତ୍ତା ମାନଙ୍କ ସହ ଆଲୋଚନା କରିଥିଲେ।