28-Dec-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ୍ ଅନ୍ତର୍ଗତ ଝାରମୁଣ୍ଡା ଠାରେ ବିରାଟ ଧନୁଯାତ୍ରା ମସୋତ୍ସବ ବହୁ ଧୁମ୍ ଧାମରେ ପାଳିତ ହୋଇଯାଇଛି l ଏହି ଉତ୍ସବ ଗତ 25 ତାରିଖ ରୁ ଆରମ୍ଭ ହୋଇ ଆଜି ତୃତୀୟ ଦିନରେ ପହଂଚିଛି l ଏହା ଆସନ୍ତା 31 ତାରିଖ ପର୍ଯ୍ୟନ୍ତ ଚାଲିବ, ଆଜିର ତୃତୀୟ ରଜନୀ ରେ ଗୋପପୁର ଠାରେ ନନ୍ଦୋତ୍ସବ ଓ ପୁତନା ବଧ ନାଟ୍ୟାଭିନୟ ପ୍ରଦର୍ଶିତ ହୋଇଥିଲା।ଏହି ଗୋପପୁର ନଗରୀ କୁ ଗ୍ରାମର ତଳିପଡ଼ା ଠାରେ ନିର୍ମିତ ରଙ୍ଗମଞ୍ଚ ରେ ଅନୁଷ୍ଠିତ ହୋଇଥିଲା l ପ୍ରଥମେ ଆଜି ଏହି ଗୋପ ନଗରୀର ଉଦ୍ଘାଟନ କରା ଯାଇଥିଲା l ଏହି ଉଦ୍ଘାଟନୀ କାର୍ଯ୍ୟକ୍ରମରେ କର୍ତ୍ତା ଦାୟିତ୍ଵ କୁଲାଉ ଥିବା ଗ୍ରାମର ଶ୍ରୀ ନଟବର ଧରୁଆ ଫିତା କାଟି ଶୁଭ ଉଦ୍ଘାଟନ କରିଥିଲେ। ଏହି ସମୟରେ ଗ୍ରାମର ବହୁବ୍ୟକ୍ତି ବିଶେଷ ଯୋଗ ଦେଇଥିଲେ l

ସେମାନେ ହେଲେ ଧନୁଯାତ୍ରା ଆୟୋଜନ କମିଟିର ସଭାପତି ଆନନ୍ଦ ମେହେର,  ଶ୍ରୀ ଯୁବରାଜ ସାହୁ, ସତ୍ୟବାଦୀ ସାହୁ, ଶିବ ସାହୁ, ଗୋକୁଲା ସାହୁ, ଗିରିଧାରୀ ଗୁରୁ, ଲେକ୍ରୁ ମଲ୍ଲିକ, ଅବଦୂତ ସାହୁ, ବାସୁଦେବ ପୁଟେଲ, ଅଭିମନ୍ୟୁ ଧରୁଆ, ଗୋପପୁର କମିଟି ଗୋପାଳ ଧରୁଆ, ଶେଷଦେବ ଗୁରୁ, ଧନସିଂ ଧରୁଆ, ସୁରଥ ସାହୁ, ହେମସାଗର ସାହୁ, ପ୍ରମୁଖ ଯୋଗ ଦେଇଥିଲେ l ଏହି ସମସ୍ତ କାର୍ଯକ୍ରମ କୁ ସଂଯୋଜନା ତଥା ପରିଚାଳନା କରିଥିଲେ ସାଂସଦ ଙ୍କ ପ୍ରତିନିଧି ଶ୍ରୀ ବାଳକୃଷ୍ଣ ଧରୁଆ l ତା ସଙ୍ଗେ ସଙ୍ଗେ ଯାତ୍ରା କମିଟି ର ସମସ୍ତ ସଦସ୍ୟ ଉପସ୍ଥିତ ଥିଲେ l ଅତି ସୁନ୍ଦର ଭାବରେ କୃଷ୍ଣ ଜନ୍ମ, ରାଜା ଉଗ୍ରସେନ ଦେବକୀ ବାସୁଦେବ ଙ୍କ ପାଖକୁ ଗମନ ଓ କୃଷ୍ଣ ଙ୍କୁ ଯୋଷୋଦା ପାଖରେ ପହଞ୍ଚାଇବା ତଥା ପୁତନା ବଧ ଚରିତ୍ର ଉପରେ ଅତି ଚମତ୍କାର ଅଭିନୟ ପ୍ରଦର୍ଶନ କରା ଯାଇଥିଲା। ଛୋଟ ଛୋଟ ଶିଶୁ କଳାକାର ମାନେ ବହୁ ସୁନ୍ଦର ଅଭିନୟ ପ୍ରଦର୍ଶନ କରି ଦର୍ଶକଙ୍କୁ ଭାବ ବିହ୍ୱୋଲ କରିଥିଲେ l ଏହି ଯାତ୍ରା ଉପଲକ୍ଷେ ମିନାବଜାର, ବିଭିନ୍ନ ପ୍ରକାରର ଦୋଳି,ସାଂସ୍କୃତିକ କାର୍ଯକ୍ରମ ମାନ ଆୟୋଜନ ହେଉଅଛି l ଲୋକେ ବେଶ୍ ଉତ୍ସାହ ର ସହିତ ଯାତ୍ରାକୁ ଉପଭୋଗ କରୁଥିବା ଦେଖିବାକୁ ମିଳିଛି l