20-Jul-2026

ବରପାଲି;(ସୁଦାମ ଦୀପ) ବରଗଡ ଜିଲ୍ଲା ଅନ୍ତର୍ଗତ ବରପାଲି ସ୍ଥିତ ରାଉତ ଆର୍ଟ ଗ୍ୟାଲେରୀ ଆୟୋଜିତ ଚାରିଦିନିଆ ରାଜ୍ୟ ସ୍ତରୀୟ ଚିତ୍ରକଳା ପ୍ରଦର୍ଶନୀ। ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ଉତ୍ସବରେ ମୁଖ୍ୟ ଅତିଥି ଚଳଚିତ୍ର ଅଭିନେତା ଅଶୋକ କୁମାର ଦାଶ, ମୁଖ୍ୟବକ୍ତା ଅବସର ପ୍ରାପ୍ତ ଅଧ୍ୟକ୍ଷ ରବୀନ୍ଦ୍ର ଗଡତିଆ, ସମ୍ମାନୀତ ଅତିଥି ବିଶିଷ୍ଟ ସଂଗୀତ ନିର୍ଦେଶକ ତଥା ଗାୟକ ନବ କିଶୋର ମହତ୍ତମ ଓ ଚିତ୍ରକର ପଦ୍ମଲୋଚନ ସାହୁ ଚିତ୍ରଶିଳ୍ପୀମାନଙ୍କୁ ସମ୍ମାନୀତ କରିଥିଲେ। ଅତିଥିମାନେ ଆର୍ଟ୍ ଗ୍ୟାଲେରୀ ପରିଦର୍ଶନ କରି ଚିତ୍ରକରମାନଙ୍କର କଳାକୃତି ଦେଖି ଭୂୟସୀ ପ୍ରଶଂସା କରିଥିଲେ। ଚଳିତ ବର୍ଷ ବିଷ୍ଣୁଙ୍କ ଦଶ ଅବତାରକୁ ନେଇ ଓଡ଼ିଶlର ବିଭିନ୍ନ ଜିଲ୍ଲାର ଯୁବ ଚିତ୍ରଶିଳ୍ପୀ ଭାଗବତ ପ୍ରସାଦ ମିଶ୍ର, ଲୀନା ମେହେର, ବନ୍ଦନା ପଣ୍ଡା,  ସାଂସ୍କୃତିକା ପୁରୋହିତ, ସଂଘମିତ୍ରା ପଣ୍ଡା, ପାୟଲ ଶର୍ମା, ମାହି ୟାଦବ, ମଧୁସ୍ମିତା ନାୟକ, ଝରଣା ଝାଙ୍କର, ଆର୍ଯ୍ୟନ ଶର୍ମା, ଦିପ୍ତିମୟୀ ପଧାନ, ଶିବାନୀ ସ୍ୱାଇଁ, ରୁପାଳି ଶବର, ଦିପ୍ତିମୟୀ ରଥ, ସମ୍ବେଦନl ଦାଶ ମହାପାତ୍ର, ଲିସା ବେହେରା, ଶୁଭ୍ରସ୍ମିତା ମେହେର, ଏଲିଶା ପଟ୍ଟନାୟକ, ଅନୁଭା ମୁଣ୍ଡା, ତୃପ୍ତିମୟୀ ମେହେର, କ୍ଷିତିଶ ବୁଡ଼େକ, କଲ୍ୟାଣୀ ତ୍ରିପାଠୀ, ପ୍ରିୟଙ୍କା ପରିଡା, ରଞ୍ଜୁ ରାହା, ପ୍ରଣବ ପ୍ରକାଶ ସାହୁ, କେଶବ କୁଅଁର, ନେବେଦିତା ବାରିକ, ସ୍ପନ୍ଦନ ମହଲା, ନିତ୍ୟାନନ୍ଦ ପଣ୍ଡା ଓ ଏକତା ପଣ୍ଡା ପ୍ରମୁଖଙ୍କ ପେଣ୍ଟିଙ୍ଗ୍ ରାଉତ ଆର୍ଟ ଗ୍ୟାଲେରୀରେ ପ୍ରଦର୍ଶିତ ହୋଇଥିଲା। ଏସବୁ ଦର୍ଶକ ମଣ୍ଡଳୀ ଦ୍ୱାରା ଉଚ୍ଚ ପ୍ରଶଂସିତ ହୋଇଥିଲା। ଏହି ପ୍ରଦର୍ଶନୀ ରାଉତ ଆର୍ଟ ଫାଉଣ୍ଡେସନ ଆୟୋଜକ ସରୋଜ ରାଉତଙ୍କ ପ୍ରଚେଷ୍ଟାରେ ଆୟୋଜିତ ହୋଇ ପ୍ରଦର୍ଶିତ ହୋଇଥିଲା। ତୃଣମୂଳ ସ୍ତରରୁ କଳାକାରମାନଙ୍କୁ ପ୍ରୋତ୍ସାହନ ଦେଇ ଏକ ପ୍ରତିଷ୍ଠିତ କଳାକାର ତିଆରି ରାଉତ ଆର୍ଟ ଫାଉଣ୍ଡେସନର ମୂଳ ଲକ୍ଷ୍ୟ। ଏହି ପ୍ରଦର୍ଶନୀ ଚିତ୍ରଶିଳ୍ପୀ କେଦାର ନାୟକ, ବୃନ୍ଦାବନ ବିଶି ଓ କେଶବ କୁଅଁରଙ୍କ ସହାୟତାରେ ରାଉତ ଆର୍ଟ ଫାଉଣ୍ଡେସନ ତରଫରୁ ରଥଯାତ୍ରା ଉପଲକ୍ଷେ ଆୟୋଜିତ କରାଯାଇଥିଲା।