25-Dec-2023

ସୋନପୁର(ମନୋରଞ୍ଜନ ତ୍ରିପାଠୀ ):  ଡ଼ଃ ଅଭିଷେକ ମିଶ୍ର ସ୍ମୁତି କମିଟି ପକ୍ଷ ରୁ ଆଜି ସୁବର୍ଣ୍ଣପୁର ଡି ଆର ଡି ଏ ସଭାଗୃହ ରେ ସ୍ବର୍ଗତ ଅଭିଷେକ ଙ୍କ ପ୍ରଥମ ବାର୍ଷିକ ଉତ୍ସବ ପାଳିତ ହୋଇଛି l ଏହି ଉତ୍ସବ ରେ ମୂଖ୍ୟ ଅତିଥି ଭାବେ ଡ଼ଃ ସତ୍ୟ କାମ ମିଶ୍ର, ଅବସର ପ୍ରାପ୍ତ ପ୍ରଫେସର ତଥା ମାଧ୍ୟମିକ ଶିକ୍ଷା ବୋର୍ଡ ର ପ୍ରାକ୍ତନ ସଭାପତି ଯୋଗ ଦେଇଥିବା ବେଳେ ମୂଖ୍ୟ ବକ୍ତା ଭାବେ ଡ଼ଃ ରବି ନାରାୟଣ ପାତ୍ର ( ପ୍ରାକ୍ତନ ଅର୍ଥ ନୀତି ପ୍ରଫେସର ରେଭେନ୍ସା କଲେଜ୍, ତଥା ମାଣ୍ଡିଆ ମିଶନ ର ନୋଡାଲ ଅଫିସର)  ଯୋଗ ଦେଇ ବର୍ତମାନ ପରିପ୍ରେକ୍ଷୀ ରେ ନୈତିକ ଅବକ୍ଷୟ ଲାଗି ରହିଥିବା ବେଳେ ପ୍ରତ୍ୟେକ ବ୍ୟକ୍ତି ସମାଜ ପାଇଁ କିଛି କିଛି ଭଲ କାମ କରିବା ଉଚିତ୍ ବୋଲି କହି ଥିଲେ l  ସମ୍ମାନୀତ ଅତିଥି ଭାବେ ଏ ଡି ଏମ ସୂର୍ଯୟନାରାୟଣ ଦାଶ, ଡ଼ଃ ସୁକାନ୍ତ ନନ୍ଦ (ଉତ୍କଳ ୟୁନିଭରସିଟି ଲ ପ୍ରଫେସର୍) ଶ୍ରୀମତି ଯୁଗଳେଶ୍ଵରି  ଦାଶ, ରେଜିଷ୍ଟlର ଜି ଏମ କଲେଜ ସମ୍ବଲପୁର ) ଯୋଗ ଦେଇ ସମାଜ ଓ ଦେଶ ପ୍ରତି ଥିବା ସ୍ବର୍ଗତ ଅଭିଷେକଙ୍କ ଉଲ୍ଲେଖନୀୟ ଅବଦାନ ଉପରେ ସ୍ମୁତି ଚାରଣ କରି ଥିଲେ l  ସୁବର୍ଣ୍ଣପୁର ର ବର ପୁତ୍ର ତଥା କଲିକତା ଉଚ୍ଚ ନ୍ୟାୟଳୟ ର ବିଚାରପତି ଜଷ୍ଟିସ ଚିତ୍ତ ରଞ୍ଜନ  ଦାଶ ଉତ୍ସବ ରେ ଯୋଗ ଦେଇ ସ୍ବର୍ଗତ  ଅଭିଶେକ୍ ଙ୍କ ଫଟୋ ଚିତ୍ର ରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ  l ଆଇନଜୀବୀ ପ୍ରଦୀପ ପୁରୋହିତ ଅତିଥି ଙ୍କ ପରିଚୟ ପ୍ରଦାନ୍ ପୂର୍ବକ ସଭା ସଂଯୋଜନା  କରିଥିବା ବେଳେ ଅଧ୍ୟାପକ ଦେବାଶିଷ ପଧାନ, ଓ ପ୍ରଫେସର୍ ଶ୍ରୀ   (ରିକୁ)  ପଣ୍ଡା ସ୍ମୁତି ଚାରଣ କରିଥିଲେ l ହାଇକୋର୍ଟ ର ଯୁବ ଆଇନଜୀବୀ ଅଭିଳାଷ ମିଶ୍ର  ଧନ୍ୟବାଦ ଅର୍ପଣ କରିଥିଲେ l  ସେହିପରି ଏହି ଉପଲକ୍ଷେ ଆଜି

ମେଡିକାଲ ରକ୍ତ ଭଣ୍ଡାର ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଛି l ଅତିରିକ୍ତ ଜିଲ୍ଲାପାଳ ସୁର୍ଯ୍ୟ ନାରାୟଣ ଦାଶ,  ଡ଼ା, ମନୋଜ୍ କୁମାର ମହାନ୍ତି ପ୍ରଫେସର  ଏଣ୍ଡ  ଏଚ୍ ଓ ଡି (ଏମ୍ସ) ଭୁବନେଶ୍ୱର, ବିବିଓ ଡ଼ା, ଦୁର୍ଗା ଦତ୍ତ ଦାଶ ଯୋଗ ଡେଇ ଏହାକୁ ଉଦ୍ଘାଟନ କରିଥିବା ବେଳେ ସଂଧ୍ୟା ଯାଏ ଏହି ଶିବିର ଚାଲିବ ବୋଲି  ରକ୍ତଦାତା ସଂଘ ସଭାପତି ମନୋଜ୍ ପଣ୍ଡା ଓ ଏହି ସ୍ମୃତୀ କମିଟି ଉଦ୍ୟୋକ୍ତା ରାଜ କିଶୋର ମିଶ୍ର ଙ୍କ ପକ୍ଷରୁ ପ୍ରକାଶ ପାଇଛି l ଏଠାରେ ସହରର ବହୁ ବୁଦ୍ଧିଜୀବୀ, ଶିକ୍ଷାବିତ୍ , ଆଇନଜୀବୀ, ଓ ବରିଷ୍ଠ ନାଗରିକ ଯୋଗ ଦେଇ ଥିଲେ l