24-Dec-2023

ତୁଷୁରା (ପଞ୍ଚାନନ ନାଏକ): ବଲାଙ୍ଗୀର ଜିଲ୍ଲା ଗୁଡ଼ଭେଲାବ୍ଳକ ଅନ୍ତର୍ଗତ ଲୁର୍କି ଗ୍ରାମରେ ଆସନ୍ତା ଜାନୁୟାରୀ ୧୯ରୁ ୨୫ପର୍ଯ୍ଯନ୍ତ  ଧନୁଯାତ୍ରା ଅନୁଷ୍ଠିତ ହେବାକୁ ଥିବା ବେଳେ ଆଜି ଶୁଭ ସ୍ତମ୍ଭ ସ୍ଥାପନ ଓ କଂସ ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଧନୁଯାତ୍ରା କମିଟିର ସଭାପତି ପୁରନ୍ଦର ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଚଳିତ ବର୍ଷ ଧନୁଯାତ୍ରାରେ କଂସ ଭୂମିକା ପାଇଁ ବାଗମୁଣ୍ଡର ଦିଲୀପ ମେହେରଙ୍କୁ ବରଣ କରାଯାଇଥିଲା । ଗୌନ୍ତିଆ ମନୋଜ ପ୍ରଧାନ ଓ ତାଙ୍କର ସ୍ତ୍ରୀ ଦୀପ୍ତିମୟୀ ପ୍ରଧାନ କର୍ତ୍ତା ଭାବେ ଦାୟିତ୍ବ ନେଇଥିବା ବେଳେ ପୂଜକ ଭାବେ ରାମକୃଷ୍ଣ ପୁରୋହିତ ପୂଜା ଅର୍ଚ୍ଚନା କରିଥିଲେ । ଶ୍ରୀ ମେହେରଙ୍କୁ ପୁଷ୍ପମାଲ୍ୟ, ଉପଢୌକନ, ନାରିକେଲ ସମର୍ପଣ କରି କଂସବରଣ କରାଯାଇଥିଲା । କମିଟିର ସମ୍ପାଦକ ରାଘବ ପ୍ରଧାନ,ଉପ ସଭାପତି ବିଶ୍ୱାନାଥ ସାହୁ ସହ ସମ୍ପାଦକ ଅଜୁ ପ୍ରଧାନ,ଶିବୁ ପ୍ରଧାନ, , ଯତୀନ୍ଦ୍ର ପ୍ରଧାନ , ଶମ୍ଭୁ ପ୍ରଧାନ,ବିହାରୀ ପ୍ରଧାନ, ତରଣୀ ପ୍ରଧାନ, ସନ୍ତୋଷ ସାହୁ, ବୀରେନ୍ଦ୍ର ପ୍ରଧାନ, ରମେଶ ମନହୀରା, ପଞ୍ଚାନନ ବିଶ୍ଵାଳ, ବିଘ୍ନରାଜ ପ୍ରଧାନ, ରଞ୍ଜନ ବିଶୂଳ ଆଦି ଉପସ୍ଥିତ ଥିଲେ ।