24-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ନାରାୟଣପ୍ରସାଦ, ଖୁଣ୍ଟିଗୋରା ଓ ଲମ୍ବସରୀ ପେକ୍ସରେ ଖରିଫ ଧାନମଣ୍ଡିର ଶୁଭାରମ୍ଭ ହୋଇଯାଇଛି l ଆଜି ନାରାୟଣପ୍ରସାଦ ପ୍ୟାକ୍ସ ଠାରେ ପେକ୍ସ ସଭାପତି ବିନୋଦକୁମାର ସାହୁ ଓ ସମ୍ପାଦକ ଧର୍ମେନ୍ଦ୍ର ଗାଈଗଉରିଆ ଯୋଗଦେଇ ଧlନକ୍ରୟର ଶୁଭାରମ୍ଭ କରିଥିଲେ l  ଏଥିରେ କୃଷିବିଭାଗର ଓଭରସିଓର   ସସ୍ମିତା

ବେହେରା,ଡାଇରେକଟର ରୋହିତ ମହାଳିଙ୍ଗ,ସତ୍ୟବାନ ପାତ୍ର,ତୋଫାନ ପୃଷ୍ଟି ସମେତ ଅଂଚଳର ଚାଷୀ ଗୋପବନ୍ଧୁ ସାହୁ, ପର୍ଶୁରାମ ରଣା, ପ୍ରଶାଡୀ ନାଏକ, ନିରଞ୍ଜନ ଗାଈଗୌରିଆ ପ୍ରମୁଖ ଉପସ୍ଥିତ ଥିଲେ l ଉକ୍ତ ପ୍ୟାକ୍ସ ର ଚାଷୀଙ୍କ ଠାରୁ ୨୦୦କୁଇଣ୍ଟାଲ ଧାନକ୍ରୟ କରାଯାଇଥିଲା  l  ସେହିପରି କଣ୍ଟାମାଳ ବ୍ଲକ ଅନ୍ତର୍ଗତ ଲମ୍ବସରି ପେକ୍ସରେ ମଧ୍ୟ ଆଜି ଖରିଫ ଧାନମଣ୍ଡି ର ଶୁଭାରମ୍ଭ ହୋଇଯାଇଛି  l ଏଥିରେ ପେକ୍ସ ସଭାପତି ବିଶ୍ୱନାଥ ନାଏକ ଓ ସମ୍ପାଦକ ମୁରଲି ମହାକୁଡ଼ ଯୋଗଦେଇ ଧାନ କ୍ରୟର ଶୁଭାରମ୍ଭ କରିଥିଲେ  l ଏହି ପ୍ୟାକ୍ସ ର ବାଳକୃଷ୍ଣ ଖମାରି, ସତ୍ୟନାରାୟଣ ଦନ୍ତା, ବିଶିକେସନ ମହାକୁଡ଼, ସହନ କର୍ମୀ ପ୍ରମୁଖ ଚାଷୀଙ୍କ ଠାରୁ ୧୨୭.୬୦ କୁଇଣ୍ଟାଲ ଧାନକ୍ରୟ କରାଯାଇଥିଲା l  ଏଥିରେ ସମିତି ଅଂଚଳର ଚାଷୀ ସୁନାଧର ମଳିକ, ସୁଧାଂଶୁ ମହାକୁଡ଼, ପରମେଶ୍ୱର ସାହୁ, ପ୍ରଶାନ୍ତ ମଳିକ ଆଦି ଉପସ୍ଥିତ ଥିଲେ l ସମିତି କର୍ମଚାରୀ ମାନେ ଧାନକିଣାରେ ସହଯୋଗ କରିଥିଲେ  l